أنا والذيب محارش (مسابقة اطلق موضوع)

**ابو مشاري الشمري** · 28-09-2002 10:32

السلام عليكم ورحمة الله وبركاته

أتمنى ان تنال أعجابكم!!!!!!!!!!!!!!
كان ياما كان في قديم الزمان
كنت أنا الغلبان ومحارش الشيطان
بس عزالله أني الغلطان
كان بقسته مع خشته على شان مايتعود يسويها مع الصبيان
واليكم القصة
أول شي يبي يقول محارش محارش يسذب بس لاتصدقونه!
قبل ميه وواحد وخمسين سنه يوم كنا مراهقين (تعرفون المراهق شايف نفيسته أسد)
محارش كان يشوف نفسه أسد وأنا مسيكين على نياتي سراحين بالغنم المهم أثر الأسد يخطط وأنا مادريت شوفوا (نذالة محارش) مرينا على زليب مافيه ماء طوله حوالي 4أمتار فقال الأسد أتحداك تنزل بالزليب قلت أنا أقدر وأنت تقدر قال لا أخاف
يوم قال أخاف تعرفون على نياتي قلت أنا أقدر أنزل ياذروق كان وقتها الساعة 2 بعد الظهر نزلت في الزليب وكان في الجال بعض الحفر أحط رجلي عليها حتى نزلت الى القاعة وقال الأسد منتاز اللي نزلت وكنت أخاف أنا من أبوي المهم بديت أطلع من الزليب وآصل على الحفه يوم شفت خشت محارش الأسد دفني واجيك موحت الى القاعة وأطيح أوجعتني الطيحه بس مسوي نفسي رجال المهم مأسمع الى صوت محارش يقول بصوت عالي ايه موجود داخل الزليب قلت يامحارش أنت من تحسي عليه قال على أبوك .ماقال أبوك الى صابتن رعده أحط رجلي على الجال ترقل أدخل يدي في الحفره تنتفض المهم أتراعد وأحاول أرقى لين شفت خشت محارش ويدفني خنننننننننننننن بط الى أنا بالقاعة.محارش والله ماهو أحسن لك تراني أزعل عليك وماسرح معك باسر قال الأسد لا بس حبيت أضحك معك خلاص أطلع آخر مره واتغربش ما وصلت حد الزليب وشفت خشت الأسد ويدفني مره ثالثةخنننننننننننننننننن بط الا أنا بالقاعة
قلتله خلاص ماني طالع أنقلع ياعديم الأخوة قال لي لا خلاص أطلع الشمس غابت والغنم راحت يم أهلك قلت يامصيبتي الله ياخذك وأجيك متغربش أبطلع من هالعقوبة وعندك عندك يوم شفت خشت هالمنحوس قال خلاص بس هالمره ويدفني وجيك موحت خننننننننن بط الا أنا طايح على جنبي.
. بديت هالحين بالصياح راحت الشجاعة (شجاعة خرطي مع الأسد)
قالي خلاص أطلع بسرعة أشوف أبوك جاء والغنم راحت يم أهلك .
ضاقت على مابين محارش والغنم راحت يم أهلي وأبوي جاء وأدقه خليليه من قلب تكفى خلني أبطلع قالي خلاص أطلع أطلع أنا أبروح مع السلامة.
وأتسمع له شوي الا مأسمع شي قلت الحمدلله راح الله يقلعه(اي والله صديق)
وأقوم أرقى والمشكله هالزليب الي أرقى معها هي بس جهه وحده هي اللي محفره بس
والباقي أملس مايرقى معا بديت أتغربش وأتسمع مأسمع شي قلت الحمدلله أكيد راح وارد نفسي المهم يوم طلعت خشتي ولا مأشوف خشته وأرد نفسي ويوم طلعت على جال القليب وحطيت رجل على جال القليب والرجل الأخر بالحفيره الى أشوف خشته منبطح ويدفني وأجيك موحت خننننننننن بط ولا تردني الا القاعة وأدنه خليليه من قلب
ومتترب وراسي يهل كتر . ويقول الأسد أطلع خلاص مأدفك قلت لالالالالالالا ماني طالع
أبغا أنام هنا أنقلع حقيقه حسيت بالخوف ظلم الجو ويقولي أطلع مارايح أدفك وأنا ساكت كني مأسمعه وجالس أصيح وأفرك أعيوني من القهر وأصبر شوي وشوي
وشوي لين بدىالظلام أتسمعله مأسمع شي المهم بديت أتغربش وطلعت برى الاماشوفه . أبد على صلاة المغرب واركض للبيت جايب طبلوني
وآصل بعد صلاة المغرب وياسلام وألقى لي عسيب قدامي ومنين يوجعك لين طار جلدي على شان التآخير. ومن اكاليوم الى هاليوم ماسرحت معه نذل. أنتهت قصتي مع الاسد(محارش) ومارايكم بلأسد محارش محارش وسواته بي . بس هالحين شكله تغير صار سنافي ماهو على خبري.
ولكم تحياتي

**بو هادف** · 28-09-2002 11:22

فعله غير طيب معك ولكن يمكن يعتدل مع مرور الزمن

**ابو مشاري الشمري** · 28-09-2002 12:03

ابو هادف
شفت محارش وشسوى بي .
بس هذا قبل ميه وواحد وخمسين سنه
يمكن انه تغير هالحين .
بس العريق والطبع لو غيره مهما يكون يرجع كما كان
(الله يسامحني) ويفكني من شر محارش
تسلم ابو هادف وتحياتي لك

**بو هادف** · 28-09-2002 14:23

والله يابو مشاري لاحظة 151 عام لكن يقلت هاذي مزحه او زلة قلم ولكن الفعل ماهو فعل مرجله ومراجل.
تحياتي لك اخوي الحبيب ابو مشاري ويمال القوه حلوة القصه المهم من التراث من هو الذي فينا لميسرح في الغنم ويذكر تلك الايام الحلوه قبل الحضاره الزايفالتي مهما حاولنا الا نسلاخ عناه تبقي متجذره في اعماق اعماق نفسنا.ا

**ابو مشاري الشمري** · 29-09-2002 00:23

ابو هادف
تسلم يالغالي يابن الغالي
ولك مني الف شكر وتقدير
تحياتي لك

**الفاضي** · 29-09-2002 01:10

الرجال قاعد يتمصلح ههههههه

وين يابو مشاري تر المسابقه به عدل يعني مافيه هذا سرح معي بالغنم قبل 151 سنه ابي افوزه

بس القصه حلووووووووووه واحسن شي

خننننننننننننننننننننننننننننننننننننننن نننننننننن بط
رهييييييييييييييييييييييييييبه لدرجه انه قلبت مسككككككككككككككككته
وبعده عجييييييييييييييييييييييبه <<< قلبت السالفه نوكيا ههههه

والله انك مغبر عقب الكتر

تسلم

**ابو مشاري الشمري** · 29-09-2002 02:29

الفاضي
تدري وش المشكله بس كنت متـــنح صدق.....
معي جوال اريكسون بس بدون شريحه وفاضي ماشحنته
ولا كان كلمت ولد عمي.. وقلت له السالفه كان وراى الاسد الشغـل! مايعودها ابد.
تصدق أخوي الفاضي
أنا مستغرب من الاسد ( ماعقب )الظاهر أنه مفتشل ولا له وجه يكتب شي (راح كرتك يالأسد) وبانت علومك مار تجود ولا تراك بتطيح في بير ماله قاعه خنننننننننن بدون بط . الى.......................................................................... .........
الفاض يحدد .

أشكرك أخوي الفاضي ولك تحياتي وأشواقي الى ماله حد مثل البير اللي طاح فيه الاسد ماله حد.

**مفتاح14** · 29-09-2002 21:45

ههههههههههههههههههه

اجل خننننننننننننننننن بط :D

اجل الله يكفينا شر محارش.. واثريه كذا خخخخخخخخ

قصه مميزه من عضو مميز... تسلم يدياتك يابو مشاري

والله يوفقك ;)