لنتوقف عن السب والشتائم ولنسلك طريق النصح ..

[سلام]

السلام عليكم ورحمة الله وبركاتهـ ..


اسعد الله مسااءكم بالخير والسعاده اجمعين ..

مدري شلون ابتدي واعذروني على كتابتي بالعاميه ..


كلنا مسلمين ... وكلنا نشهد ان لااله الاالله وان محمد عبده و رسولة علية افضل الصلاة والتسليم ...

امس كنت جالسة اتفرج على اليوتيوب واحداث العوامية والقطيف واللي يسوونة اخوانا من المذهب الشيعي ..

اكتشتف اشياء كثيرة وانا اتابع المقاطع ..

طبعا اكون معكم اكثر صراحة شيعه المملكه تختلف عن شيعه العراق وايران وغيرة .. يشتركون في اشيااء ويختلفون في اشياء كثيرة كلن على حسب شيخهم وامامهم ..


اللي لاحظتة انهم سهل جدا هدايتهم الى طريق الصواب وتتوجييهم الى سنة نبييناا محمد ..

بعيد عن الشتائم والسب والقذف وشملهم بنفس الصفات اجمعين ..

مشكلتنا هنا الكل يحكم على الثاني من باب انهم قالو كذا وفعلو كذا او انوة اهلهم ربوهم على كذا وعلى كرهم البعض لدرجة انهم ماحد يفكر وين الصح ومن الصادق ومن الكاذب .. بس يتبعو اهلهم وكلامهم بعيد عن تحكيم العقل والمنطق والمصداقية ..

فية فئئة من السنة ... تكرة الشيعه والعكس صحيح .. وممكن هالفئة تكون متعصبة او انقرصت من بعض .. لكن هذا موب معناه اننا جميع نشن حملاات وحروب ضد بعض الغرب والعالم الخارجي احنا عندهم مسلمين .. مايعرفو يفرقو بين سني وشيعي ... واللي يشووفونة اننا نحارب بعض تحت مسمى مسلمين .. انا اصلا ماعرفت انوة في فرق بين سني وشيعي لين وصلت الكلية ولاحتى سمعت فيهم ,,, ولااحد رباني على كرة ولاحقد حتى اليهود ماتربيت على كرهم ولاحقدهم ولاالغبينة لهم .,.. تربينا بس من اعتدى علينا نعتدي علية .. غلط اننا نشمل بعض ونشن حروب وانقسامات في النهاية احنا مسلمين وكلن لة رب يحاسبة لهم دينهم ولنا دييناا .. اللي علينا نوجهم ننصحهم ندعو لهم بالهداية ونعقد ندوات توضيحية لكل المذهبين من غير التهجم والكلام البذيء

غالبية الشيعه وربي ماهم مقتنعين باللي يسوونة ..لكن خوفهم من ان النظرة لهم هي نفس النظرة فلذلك يعاندو او على قولتهم هم ظالمينا ظالمينا ليش نسمع لهم ولنصحهمم ,,

انا اللي قهرني التهجم وضرب النيران من بعض الناس على بيوتهم بحجة انهم شيعه او سنة ..هذا اكبر غلط واكبر جهل لاالله ولا رسولة ولابكتابة ولابسنة نبيه امرنا بكذا .. كذا نكون احنا اهل الفتن والارهاب وتصير ارواح الناس عندنا سهلة وكاننا احنا اللي بندخلهم جنة والا النار ..الرسول علية السلام كان يدعوو الى الاسلام .. كان يدعو اليهود والكفار والمشرككين باسلوب حسن واذا لم يسمعو الدعوة مايتعرض لهم ولايشن حرب ضدهم ..

لو بس نفتك من فكرة السباب واللعان اللي يتبعها الغالبية مع كلا المذهبين كان احنا بخير .. الحين غالبية الحروب صارت بين هالمذهبين ..وتحت مسمى مسلمين .. والله كان عندي صديقات اجنبيات مسيحيات وديانات غيرها ووقت اللي يعرفو بالنهاية انني من السعودية ومن الشرق الاوسط تحديدا مايقوولو غير منطقة الحروب ومنطقة الارهاب وفجاءة القاهن اختفن من عندي .. ومع كذا مازلت مستمرة اني اختلط بكل المذاهب وكل الديانات اما ننقل صوورة طيبة عن دييناا وعن مذهبنا بطريقة الاسلوب والحوار الراقي الغير اجباري مافي شيء بديينا يدل انوة دخول الاسلام او الانتماء الى مذهب معين واجب ..واللي ماينتمي يضرب في النار هذا اكبر جهل حتى لو الشخص بيهتدي ويسلم او يتسنن مجرد مايشوف انوة الشغلة غصب والا بالنار طبيعي ماراح ينتمي وراح يكابر واذا انتمى مغصووب ماهو من داخلة ..


للمعلومية .. عندي اشخاص من الشيعه .. دايم يتعاملو معي باسلوب حواري جيد مع انوة بالبدايه كانو مخفين عني مذهبهم واكتشتفت بنفسي خوفاا من اني اتهجم او اغلط عليهم بحكم النظرة اللي اخذوها عن غالبية السنة وبحكم النظرة اللي اخدناها عنهم ... بالعكس تجاوبت اكثر معهم والكل مننا يشرح بشكل مبسسط عن مذهبة بعيد عن عرفنا كذا عنكم او قالو لنا كذا عنكم لا بالعكس اتعامل معهم لاني ولانهم نبي نكتشف بانفسنا عن صدق الكلام عنا وعنهم

لدرجة انهم جالسين يووضوحو لي انه احنا مانفعل كذا وانوة في مجموعه مناا تسوي كذا وانا برضك اقوول احنا مانسووي كذا ولكن في فئة ضالة مننا ومنكم تسوي كذا وكذا .. مع احترام الكل للااخر


مع اني متاكده بداخلهم غالبية الاشياءا موب مقتنعنن فيها وانوة سهلل كثيير ننقنعهم لكنهم يتعاملوو كاانوة تعودوو على كذا وهم بالغالبية مايسوو اي شيء مقتنعين بداخلهم انوة ناظروو وجيهم زيين بعيد عن المكابرة اللي فيهم دققوو زين صدقووني بتلاقوون انوة سهل ندعوهم وننصصحهم لان اساسهم موب قوي ولاهو عن اقتناع واعتقاد ,,بس لانوة اهلهم كانوا كذا فاستمرووا هم على كذا ..


لذلك خلونا ندعيهم للهداية وللنصح ونتبع طريقة الرسول في الدعوة والنصح ودعوة ائمتناا الشيوخ ,, لو تلاحضون غالبية مشايخناا يتحاوروو معهم عادي وبطريقة صحيحة ,, ولايتهجموو ,,اما ان يهتدوو والا نكون وضحنا كل شيء وابرينا الذمة ,,


ليش يكون فية مجموعه من الناس تغلط وتتهجم والي يسمعهم يقوولو انهم مرا غرضهم الجنة وهم غرضهم الفوضوى والاستهبال ويذبحو الصاحي والمجنون كيف بالله بننقل صورة طيبة عنا وعن دينا وعن مذهبنا ..

وغالبيتنا مايفهم وهمج ومع الخيل ياشقرا ...


تدرو اش اللي خلاني افتح هالموضوع .. لاني شفت الحين بنات صغار يجووني ويقوولي شفتي فلانة اللي برنامج انشادي والا مسابقات هذي شيعيه واقولهم طيب حبيتي واذا كانت شيعيه تقوولي اكرها اقوولها هي سوت لك شيء ..؟؟ تقول لا .. اقوول لاتكرهي ولاتتعرضي لااحد ولاتشتمينة الا اذا تعرض لك او عاملييه بالاحسسن وبيني لهم دينك ايش زرع فيك ؟؟ والكرة والحقد هذا موب لك ياصغيرة ...


يعني غلط واكبر غلط الشموليييه ....بالاحكام ضد بعض ...


يااننا نكون اخوان بحق وحقيقي ...وتجمعنا ديانة الاسلام ,,, والا لااحد يتعرض للثاني ,, كلن وعقلة براسسة ... وعموما الحرام والحلاال بيين وبالعقل نقدر نمييز بانوة هالافعال اللي احنا نسوويها او هم يسوونها صحيحة او لا بعيد قوولة اهلنا ربونا على كذاا ,, بالدين والمعتقد ,, مايبنى على تربية اهل او تعويدهم .. الدين هو الوحيد اللي بعقلنا نعرفه ونتبعه ... موب لااننا ولدنا واهلنا كذا .. يعني .. لما يكون كل افعالنا وتصرفاتنا بالعقل والمنطق ماكان في حروب لابيناا ولا بين اليهود حتى ...




النصحية ثم النصيحة ثم النصيحة ..... والا ... كل يدع الخلق لخالقة ...



اللهم اهدييهم الى صراطك المستقيييم ...


خلونا جميع تكون هالدعوة بس على لساناا بعيدد عن السب والقذف واللعان ..

عذرا على الاطاالة ..ادري الغايب بيطلع وراي اخطاء



دمتم بخير ..

[أبو فهد]

و عليكم السلام و رحمة الله و بركاته




هذولا يا أختي الكريمة من هم صغار معودينهم على كره أهل السنة و الصحابة مثلما كان اليهود يعلمون أبناءهم كره محمد صلى الله عليه وسلم في عهده


فمن الصعب جدا التفاهم معهم


و إلا لو بحث أقلهم علما عن مذهبهم لاكتشف أنه قائم على الخمس و جني الأموال لتصرف على معممينهم و على المتعة فضلا عن الشركيات و التوسل بغير الله و زيارة القبور




اللهم اهد ضالهم و ثبت مهتديهم




شكرا




--------------------
أبو فهد الهمزاني

[عبدالله الجعيثن]

وبعيدا عن الشتائم وكثير من الكلام اللي لايودي ولا يجيب



اسألي من تعرفين من الشيعه فقط.....عن عائشه ام المؤمنين وش موقعها من الاعراب في دينهم وعن ابو بكر وعمر اصحاب رسول الله بالنسبه لهم


وستجدين الجواب الشافي

[الحيمري]

يختي لو ينفع بهم النصح كان ماقتلوا علي بن ابي طالب كرم الله وجهه

وعوشرتهم ندم عليه وكل طريقهم واحد من اساس التربيه عندهم كره السنه

وعندهم اباحات محرمه من الله وهم يحللونها حقدهم على السنه قديم ليسى

اليوم او أمس وأئمتهم يعرفون انهم على خطاء ومن اشرك مع الله فــ قد كفر

سلام ياسلام

[راعي الوقيد]

الله يهدينا واياهم الى جادة الصواب والحق
مشكورة اختي سلام على الطرح القيم
والنصيحة والدعوة بالتي هي احسن هي اساس كل شي
بارك الله فيكِ ونفع بكِ
وتحيتي لكِ

[عبدالواحد]

رائعة ياسلام ...
مو لاني شيعي ولا سني ..ومحتاج تعاطف من امثال الشتامين والسبابين واصحاب الاهواء , في داخلهم ابشع انواع التلوث وعصيناهم الداخلي يغطي علي اتابع ابليس ..
ولا يملكون الا النيل من اخوانهم حتي يقال عنهم (متعصبين) _ اي متعصب من كل المذهبين لا يتعصب ولا يزاود الا بنقص او خلل ما بداخله يحاول ان يغطيه علي طريق الطائفية ..

انما اقول عنك رائعة _ فهذا الرأي يخجل ان يطرحه اي من اتباع لمذهبين ولا يتجرء اي منهما ان يقول للاخر اخوننا ,, لسبب بسيط الخوف علي سمعته الدينية !
توقفت السمعه الدينيه في المسلم وللاسف فقط ,, بقتل الشيعي اوالسني وشتمه والتنكيل .. هنا فقط يقال عنه (عفية النشمي)

اما احتياجات المسلم الاخلاقية والتربوية والادبية لا تقلل ولا تكبر من شخصية المسلم ..
يعني لو اشرب عرق واكل خنزير ,,, محد يتجرء يشتمني لكن لما اقول انا من طائفة معينه سهل جداا اشتم واقذه بابشع الشتائم ..


طبعا انا سعيد بقلمك الشجاع والحر يا اختي سلام لانه قفز علي اقلام لها بالمضايف عشرات السنين لم تتجرء ان تقول السنه والشيعه (اخوه) ولم تفعل اقل واجب وهو التقيد بحوار الاخلاق

وكما ترين لي سبع سنوات بالمضايف ياتي احدهم تسجيله قبل شهرين يشتم ويقذفنا بابشع الشتائم بمجر يقول عن نفسه انه من مذهب معين ..



لك اجمل التحيات والدعوات القلبية

[عبدالرحمن]

حي الله اختنا سلام والحمد لله على السلامة.
للكلمة الحسنة دور في ايصال المراد الى الطرف المقابل
وديننا دين سمح ولطف ولين ومع كل البشر فانظري
كيف كانت الآيات الكريمات تنصح بالقول اللين مع طغاة ذلك العصر
وحقيقة ان الدعوة بالهداية واللطف مع الناس له ثمرات كثيرة
منها ان هناك الكثير من اتباع المذاهب المخالفة رجعوا الى مذهب السنة والجماعة
بسبب مخالتطتهم لشباب الدعوة الذين يتبعون طريق الترغيب والايضاح بأخلاق السلف
وحقيقة نحن مع الاسف دائما ماندعو بالشر ليس على مخالفينا انما على بعضنا!
وانظري الى الكثير من الناس عندما مخالف للعرف الاجتماعي او حتى المخالف لقانون المرور
ماذا يقول له! يدعي عليه بينما يفترض ان يدعو له بالهداية حتى يسلم الناس من ضرره!.
لك تقديري.

[سلام]

اللهم اهد ضالهم و ثبت مهتديهم


هذي احلى جملة بكلامك اخوي بو فهد .. افضل من كلمة ذولي من صغرهم .. يابو فهد نبي نبتعد عن الشموليه .. مانبي نشمل اعترف والكل يتعرف انوة في فئة منهم ومننا متعصبة ومتهجمة .. واكبر غلط مننا الشمولية لابد اننا نستثني ولانشمل الكل .. ابو فهد انت اكثر فهم مني وممعرفه دينية ان شالله واقوولك انوة لا بالاسلام ولابعهد نبيينا محمد علية السلام ...كان فية هجوم وتهجم من الرسول على الكفار شوف اقوولك الكفار واليهود كان يدعوهم باالاتي هي احسسن .. وان مااطاعوة ماغصبهم ولاتهجم علية لا بالنار ولا باللسان .. ومعروف انوة لانعتدي الا من اعتدى عليينا .. خلنا من كلمة هم كذا او معلوماتنا القديمة ومعلوماتهم القديمة عناا خلونا بانفسنا نكتشف عن بعض مانعتمد على كلام زمان والمتعارف علية .. اكبر غلط الي نسوية كلنا هو الشمولية والمحاربة ... كلنا علينا نبين الصح والخطاء ونوجه ونتكلم باسلوب حضاري راقي يااأما نقنعنهم او يقنعونا او الكل يحتفظ بالي يعتقد فية لنفسه مافي شيء اجباري ولا بالغصب ابراء الذمة هو اننا نووضح ونتحاور ونتناقش باللتي هي احسن بعيد عن الالفاظ البذيئة والتهجمات من كلاناا .. اذا بندعوو الى الاسلام والتسنن علينا باللتي هي احسن .. ولندع الخلق لخالقة ...اذا لم يتجاوبو ..


شأكرة طلتك يالعزيز

دمت بخير

[سلام]

حياك اخوي الجعييثن .



الشمولييية مانبيها ياااخوي الجعيثن ,,, اذا في فئة سبت الصحابية ام المؤمنين او سبت اصحاب الرسوول فالله وحدة كفييل فييهم ... اناا اللي استنكرة صراحة هو التدخل بالصحابة والانبياء والكلام في اشياء مالنا ومالهم فيهم معرفة وعلمها عند ربي اكبر غلط للحين اقوولة هو التهجم مننا اجمعين .. اذا دينك ينص على كذا وديننا ينص على كذاا كل مننا علية يووضح الخطاء والصح والشيء العقلااني والشيء اللاعقلااني بعيد عن التهجمات على المذاهب والديانات الكل مننا علية يووضح دينة وش ينص علية بعيد عن الاستخفاف بالاخر علينا نحكم عقولناا ونشوف اذا هالمعتقدات صحيحة او خاطئة ونشوف عقلنا وش يميل له وش يصدق ويتبعه لان الشيء الحلال والشيء المعقول واضح والي مو معقول وحرام وجنوني موب واضح .. بعيد عن انوة اهلنا ربونا على كذا او ولدت وانا كذا ونتبع اشياء مافي اقتناع داخلي فيهاا .. واشياء اقرب ماتكون خيالية وجنونية ...


شأأكرة مروورك اخووي



دمت بخير

[سلام]

الحيمري اجيب لك كاس ليمون ..هديء يااخوي ..


شأكرة مرورك .. وحضورك


لا يااخوي ينفع وينفع وينفع ... واذا ماينفع .. علينا التحلي بااخلاق الرسول صلى الله علية وسلم في الدعوة والنصح ..


واذا مانفع . .. مانبي حروب وفتن وتهجمات وسب وشتم ودماء تروح واوادم تروح بسسبة انوة الاخر يبي يرغم الثاني على اتباع ملته ..؟؟؟!!


دمت بخييير