نصيحة رجل للحريم العاقلات :)

[متعجب]

انتي وليد المعلّم يقربلك؟

[مطلق الثنيان]

مجرمة حرب

بصراحة هذي شهادة أفتخر فيها من إعلامي شمري متميز

تدري ليه !!؟

لأن هذا المطلوب

إني أكون متهورة

وأعتقد درجة مجرمة الحرب هي أعلى درجات التهور

بكذا أكون طبقت كلام الدكتور

بالنسبة لمسألة تعدد الأزواج فأنا قصدي بالطريقة المشروعة والحلال

يعني تدفن زوج وتروح للي بعده وهكذا دواليك

طبعا دفنه ماراح يتم إلا لما يصيرون الحريم مثلي مجرمات حرب

وصلى الله وبارك

الله يستر منك يالجازي ..!!

بصراحة شديدة أنتي إمرأة خطيرة جداً ... !!

أعلن عجزي وإستسلامي أمامك وأرفع الراية البيضاء ... !!

وش الحل معك..؟!
ماني قادر أصيدك يالجازي ..!!

[ريم شمر]

وانا غيرت اسمي لام حوسييين <<< كويتيه شيعيه

تعالوا تعالوا

ابد الوضع فله

بنسوق ونفحط على كيفنا

ورايحين ورادين ورادين ورايحين وسوالف ووناسه

[الجازي]

انتي وليد المعلّم يقربلك؟

لا

يقرب لي جاسم المعلم

قصدي المطوع <<< المطوع باللهجة الخليجية معناها المعلم

[متعجب]

بس بجد

قاعدة تمارسين التضليل الاجتماعي لبنات جنسك
مستغلة كاريزماك << تيشكن

[عبدالرحمن]

امر تهور الزوجة لا ينفع مع كل زوج! نعم هناك من الازواج اذا ما رأى ان زوجته متهورة طلقها على الفور!
وهناك من هو ادنى من ذلك بقليل وهو الذي يهجرها سنوات او شهور وهناك ادنى من ذلك وهو الذي يجلب لها الهدايا والزورات!
وهناك من هو لا -يفص - ويقترب من صف الذين جعلوا العصمة بيدها!
يعني الامر كله يتوقف على شخصية الزوج ولا علاقة للزوجة بشيء من ذلك حتى وان تهورت!
اقول الزبدة الى كل زوج ينوي التعدد بان يضع زوجته امام خياران لا ثالث لهما
وهو ان يخيرها بين زواجه من ثانية وبين طلاقها!
وسيرى المفعول السحري!> يدري تم تعليق عضويته في جامعة الجنس الناعم
حمرو العيون بس وشوفو النتائج الايجابية.

[مطلق الثنيان]

وانا غيرت اسمي لام حوسييين <<< كويتيه شيعيه

تعالوا تعالوا

ابد الوضع فله

بنسوق ونفحط على كيفنا

ورايحين ورادين ورادين ورايحين وسوالف ووناسه

أم طلال ...
أنتبهي لايسمعك عبالواحد يجيكم يركض الرجال ماندري هو سني ولاشيعي

لإن الظاهر أنه هو نفسه بلشان بعمره ومايدري هو سني ولاشيعي(شني)

[مطلق الثنيان]

بس بجد

قاعدة تمارسين التضليل الاجتماعي لبنات جنسك
مستغلة كاريزماك << تيشكن

صدقت أخوي متعجب بدليل أن ام عمر صارت أم جاسم
وأم طلال صارت أم حوسيييين كويتية شيعية ..!!
يعني تشيعت بنتنا بنت شمّر ريم شمر والسبّه كارريزما الجازي

الجازي .... أنا خابرن أن عندك نيّه تجين لحايل هالشهرين ؟!
إن شاء الله أنك غيّرتي النية ..!!
كان ماغيرتي نيتك مابقي الا الكلاشنكوف!!
ياروح مابعدك روح

[الجازي]

أفا بس أفا

الحين بالله أنا وش ذنبي

وليه تحطون فيني شيء ماهو فيني

الكاريزما كاريزما الدكتور

أنا مجرد ناقلة لما قاله

رب مبلغ أوعى من سامع

اذا السالفة فيها تضليل فالدكتور جاسم سيد المضللين





بس عاد الحق ينقال

الدكتور ماقال شيء غلط

وأنا ما أقدر أتخلى عن مناصرته ومؤازرته حتى لو انحرمت من الجنسية الكويتية والسعودية بعد

أما حايل فأنا بمرها مرور سريع باخذ شموخ وأزرع ألغامي وعالكويت دايركت عند ريومة حبيبة قلبي

[مطلق الثنيان]

أما حايل فأنا بمرها مرور سريع باخذ شموخ وأزرع ألغامي وعالكويت دايركت عند ريومة حبيبة قلبي

بكيفك أنتي وحبيبة قلبك ريومة الشيعية لكن بنت حايل شموخ شمالية معصي تاخذينها معك؟!

تمرين حايل مرور سريع ولاّبطيء مايهم .... المهم أن شموخ مارايح تاخذينها معك ولو ياصل الدم للركب ولو على جثتي يالجازي؟!