وش لتس بوه ....؟!
:
:
ياهلا ومرحبا الله حيهم
كل عام وانتم بخير
وأيامكم سعيده
يوووه يا أنا مايليق لي كلللش
كنت قاعده بالخيمه اتقهوى انا وبالمختصر وباقي البنيوات وهي تقبع وحده منهن وتروح برى يم الوغدنيه تولع طرطعان وصواريخ ونوافير
وانا اطالع من بعيد لبعيد << خوافه ماتقرب
وانا يزاوغن الشيطان وانا اقمز وراه
وانا اجيه اترجاه عطيني نافوره اولعه قالت امشي وراتس يلا ما اعطيتس يالخوافه وانا احالف له إني اقدر اولعه
قالت خلاص هاتس وانا اطير من الفرحه تقل وغد
وهم يولعونه لي قالوا إضغطي عليه من تحت بس وجهيه فوق
واسوي مثل ماقالوا لي ...!
وتضبط السالفه وانا اسويه وهي تنفقع يوم شافته ضبطت << وتقوم تركض طفخت وتفر وكل شوي موجهته على جهه
وآخرته من الحماس وانا ارفع يدي واضغط وهي تطق بيدي ويحترقن اصابعي ماوعيت على نفسى غير وانا قاطته بالقاع واتوطاه
امحق عرف
:
:
رد مع اقتباس
المشاركة الأصلية كتبت بواسطة عبدالله الجعيثن
المفضلات