جونا وجوكم!

[ريال الفسحه]

الحساء مطرت اليوم


واللحين انا بالدوام بررررد ومطرررر

[الجازي]

لا لا

جونا اليوم يبيله تقاعد من النت


وش هالزين وش هالوناسة

والله إثرنا حبوبين وذوق وأخلاق بس الجو والجفاف هم اللي مخربين أخلاقنا

اليوم كل من قابلت ولا البسمة شاقتن وجهه <<<< مع اني ماقابلت أحد غير وجهي في المراية


سعاااااادة حظ اللي مداومين أو كاشتين


شكلي بجهز قهوتي وأتقهوى في الحوش أو السطح أهم شيء مايفوتني هالجو الخنفشاري

[ريال الفسحه]

^

افرشي فرشتس بالشارع << يبيها تندعس

[الجازي]

مهيب شينة

وتساني اندعست صرت شهيدة المطر

[الجازي]

اعقبوا على هالعيون

ما أمداني أصب فنجالي وأصور الا وهي ممطرة

حتى الطحينة لقيتها مخلصة

لكن معليش

كرمال هالمطرات الحلوين كل شي بيهون

[ريال الفسحه]

^

عسا دلتس تنتثر

[الجازي]

ماهيب دلة

ترمس

وحتى لو انتثرت فدوة لهالمطر <<<< تسني قاعدتن أقهويه

ابو خالد معليش اعذرني عفست متصفحك

بس المطر عامل عمايله فيني

خلاص بعتقك من ردودي <<<< ام الحوطنة

[الاصمعي]

لا كذا ممتاز

مع المطر مامن خطر <<لا انعفاس موضوع ولا مزاج يا ربي لك الحمد


بس أريت هو يقال "اهبوا" ولا "اعقبوا"

[الجازي]

أهل الرياض لهم فيها قولان

اذا هم يمزحون ونيتهم زينة قالوا اعقبوا

واذا هم صادزين ويبون يصكون بعين قالوا اهبوا


ترى حتسينا غير يا اهل الوسطى

[ريال الفسحه]

بالصميم يابوخالد