تصريفات
مصطلح لغوي
فيه الكثير من التلاعب
مأخوذ من صرررف
وهي في الاصل صرف
مثل ما يقولون صرف المدير الراتب للموظفين
اي اعطى المدير الراتب للموظفين
ولكن هي كنايه عن صرف التسذب
يجي واحد وينحرج من الرد او الاجابه
فيقوم يصرررف الطرف الثاني بتسذبتن كبر راسوه
المهم
هالتصريفات كثرت بوقتنا هذا
هي موجوده من زمااان
والدليل
ان البدو او البنت تاخذ القربه وتروح للغدير
هي رايحتن تبي تشوف ملعون الرقبه عشيقه
واخذت القربه تصريفه
بس للاسف نست انه بكذا تحطه براس حبيب القلب
اول ما يشوفونهم يرمون الخبيل ويسفونوه ليما يقطعون بطنوه
ما تشوفون نص الزقرت مشققتن مواطيهم
والله من من الطردي اللي جرالهم
ولكن مع الوقت تطورت هالتصريفات وبداء الناس
في تلافي هالاخطاء البسيطه
وللاسف صاروا يطيحون بأخطاء بدائيه
وذلك لدلاخه مستعصيه موجوده بالبشر
مثل مره اخوي جا ولا عيونه زرقاء
قال ابوي وشبلاااك ؟
قال اخوي طحت من الدرج
يضحك علينا هو وخشموه
يعني بالله طايح على عينك مثلاً
وبالاخير بعد ما حجر لوه الوالد تبين انوه مجلووود لين عض القاع
وما يغفل عنه الناس
ان هالتصريفات حتى على المستوى السياسي
لكن له اسم ثاني
دبلماسيه
يعني مرتبه شوي
وحتى الرياضه
وبعد حتى حقين مصلحة الارصاد وحماية البيئه
عليهم تصريفات كبر روسهم
علشان ما اطيل عليكم
ابعلمكم بتصريفة اخون لي
هذا سلمكم الله اخوي الصغير
بوه لحميه ولوه شخير على بعد
( معيارتوه خش خش )
ومره كنت اكلم خويي بتلفون البيت
وكان فيه تلفون ثاني فوق
اخوي هذا رافع السماعه اللي فوق ويتسمع
مسوي فيها جيمس بوند او مدري وشو
المهم وانا اسولف مع خويي اسمع
اخخخخخ
اخخخخخ
<< شخير الاخ
قلت لخويي اسكت شوي
واتسمع
ولا اخخخخ اخخخخ
قلت خااالد << اخوي
قال اااخخخ هااااه
قلت وش عندك تسمع
قال اخخخ انتظرك تسكر ابي اكلم
اوووم التصريفه
ياخي بغيت اطلع لوه فوق واقطوه من السطح
وتقلدوا تحيتي
رد مع اقتباس
المفضلات