.
,
هالمحشي لوه قصة
دقّن علي صديقاتي وقالت نبي نسيّر نبي نذاكر سوا
ونبي عشاء من يديتس مبطي ماذقنا طبختس الحلو >> قمّارات يبن العشاء
قلت وين تسيّرن ماجهزت شين قالن دبري عمرتس بعد وجيه مايستحن
قلت مابوه الا الله ثم الرايز أجيب لكن منوه
عاد أستحيت وسويت لهن هالمحشي مع المقبلات والباقي من برى
شفت هالطريقة بمنتدى وجربتها تهبل وطريقة للمحشي جديدة
الطريقة اللي شفت كان معها قطع دجاج وأشياء ثانية بس انا سويت هالطريقة على عجالة
المقادير
كوسه
معكرونة أسباغيتي
ماجي
شوي بقدونس
اعواد دارسين { قرفه }
شوووي ملح
الطريقة
تحفر الكوسة بمحفر المحشي
تكسّر الاسباغيتي وتغسل وتحشي الكوسه بدون طبخ لاتكثرون الاسباغيتي
لانها اذا طبخت تكثر
يقلي بصل وشوي معجون طماطم ويوضع الماء معه أعواد دارسين
وكرتون الماجي وشوي بقدونس وتطبخ كـ طبخ المحاشي لاتكثرون الماء
كان ودي مصورة الطريقة من بدايتها بس تخبرون عفسة المطبخ ومافضيت
للتصوير الا لين جهزتوه
هاكم الصور
وهذي بقت بعد الهجوووم اللي يبيها ياخذها
وبالهناء والعافية على قلوبكم
.
رد مع اقتباس
المشاركة الأصلية كتبت بواسطة سالم الظفيري
المفضلات