[c]السلام عليكم ورحمة الله وبركاته
ومساكم وصباحاتكم ورد انشالله 000
هذي اول مصافحه من حرفي 00 لمنتداكم اللي عساه عامر باهله وزواره
لتمنى ان اتواصل معكم 00 واعدكم بان ابذل الجهد لذلك ما استطعت 00
وخاصه ان الدعوه جاءتني من احد الاخوان اللي له مكانه خاصه وتقدير عندي
شكرا يابشير اللويش لدعوتك00 شكرا لصفاءك ايها النقي
وهذا او ل نزف لحرفي
ه
ه
ه
ه
ه
ه
ه
[/c]
[poet font="Simplified Arabic,14,white,normal,normal" bkcolor="" bkimage="" border="double,5,white" type=0 line=200% align=center use=ex char="" num="0,black"]
البارق النايض مسا امس بخــــيال =برقه نحر ليل الظلام وظلامـــه
النايض اللي شـب فـالروح والحال = عليه يرتج الكيان ومقامـــــه
فيه الخيال امعانقٍ شــم الاقــذال = والا عـلى غــبه وتسـعين قامــــه
جاوز مدى التصوير مـستـقبل اجيال =ويرجع مية عامٍ على عكس عامـه
متوثبٍ مابين مـــهره وخـــيال = ومتمكنٍ يحكم مخارج كــلامـــه
مايخضع الا في ذرا الواحد العــــال = اللي جـعل للرجــل حــق القـوامـه
وغيره فلا له هيبةٍ ترهـب الـــبال = واجبه عندي بس ردة سـلامــه
وله واجب الرجال في سلم رجــــال =كلش ولا عرضت دروب الرخـامه
ويارب انا بحماك من ردوةالـفـــال =وادخل علــيك من العبث والوخامه
واعوذ من قبح التغطرس بالاعــمال =واعوذ من درق القفا والــغشامــه
واعوذ من وعثات الاقفا والاقـــبال =واعوذ من قلبٍ ينقّد هيامــه
واعوذ من غدر الرفاقه والاهـــمال =ومن مجلس الحقران واهل النمامـه
واعوذ من ختل العذارا بالاقــــوال =واعوذ من تقليد مشي الـحـمـامــه
ومن وقفة الرجال بهجـــار وعقــال =ومن ساعةٍ فيها يقل احـترامـــه
واللي على اقــفاي الرجاجيل خــــتال =وعند المواجه ماتراكب عـظامــه
دايم لهومات الاباليـس عــمال =ولمواجه المنقود وجـــهه غـرامــه
مايطلع الا فــي مـواجيـــب بــطـــال =صاروا مناشف دون وجه الزعامـه
يسرف بي التفكير في بعض الاحوال = وياما على دربه لحقني مــلامــه
واقول للي ماتفكر بالامــــثال =دوم الهواوي موتته من غرامـــه
لو عشقته ترمـيه في عرض الاهـوال =يستعذب التعذيب حب وكرامــه
ما نيب مهتالٍ ولا انته بمهــــتال =اذن بلال ولا احتريت الاقامـــه
ياكثر ماشفنا من الوان واشكــال = نصبر وندمح والمبادي علامــه
غريب اراقب عبر موجات الارسـال =غريب ..عن راسه حذف بالعمامــه
وماعاد غنا في هوى البنت مـــوال = وحكم الفراق اليوم تبنى خيامــه
اكبر مهانه تعتذر قــــدم زلال = إن كان هذا شرط ؟ عفت استلامـــه
من باعنا بجنيه بعناه بريــــال =مجال شعر وحافظٍ له مقامــه
((سيف السيف))
[/poet]
وسلامتكـــم ,,,,,
واسمحووا لي على القصوور مع القصيده ومعكم لاعدمتكم
للجميع كل الود
رد مع اقتباس
المفضلات