[ البارحه حلمن حلمته ياعسى خير ]
أحيآن يغني عن التعبير ( بلعة ريق )
لآ صآر في داخلك زحمة شعـور وحكيْ !
<<< تبلع ريقها
مساكم مثلكم ياآل فلة حجاج
مدخل //
وحده مره تسألني :
انتم تشقون كيسة الخبز مثلنا والا لا؟!
هههههه خبله
قلت لها : لا نقصها بالمقص
مدخل ثاني //
نفس الوحده المهستره
تسألني تاكلون بالشوكه والسكين ؟!
قلت لها : الا ماتعرفين تنثبرين !!
/
/
البارح نمت وانا مبسوطه وحلمت حلم طويل
عيا يخلص
بدت احداثه اول ماغمضت عيني
ولاخلص الا يوم صحيت الصبح
ولو اني رجعت كملت نومتي يمكن رجع يكمّل
اول مره اشوف حلم لزقه وبقوووه !!
حلمي ماادري وش يبي
حلم محششين بمعنى الكلمه
وممكن يدخل تحت باب
احلام الخكاريا والعياذ بالله
بس انا مالي شغل هو اللي تبلاني
والا الود ودي بحلم وردي
اصير فيه ملكة العالم
واتحكم فيكم كلكم
عشان مااطول عليكم
ولاني ابي التفسير من أئمة التفسير هنا
الشبث والجعيثن حفظهما الله
فانا بقوله باختصار //
رأيت فيما يرى النائم
ان المناديل خلصوا من العالم !!
اي والله
قسمن بالله
وربي
هذا حلمي ...
لااحد يتشمت
ترى يبلاكم الله وتحلمون باعواد الاسنان !!
بعد الموجز هذي التفاصيل //
بالحلم كان العالم باسره
يعيش ازمة مناديل
المخزون العالمي للمناديل نضب
والتصنيع توقف
والوضع مختبص وكلن يشكي ويبكي
و هوشات وعنف وجرائم خطف وقتل علشان
علبة مناديل
والا منديل طايح بالشارع
انا كنت حامله هم وضايق صدري
وقاعده افكر وشلون بنعيش بدون مناديل ؟!
شلووووون ياربي شلووووون
كيف بناكل ونشرب !!
كيف نتعامل مع الزكام وتوابعه !!
كيف نبتسي بروقان وناخذ رحتنا بدون مناديل
كيف نمسح الزايد من الروج << اكبر همها
كيف نتعامل مع وغد بدون مناديل
ماتجي وربي ماتجي
بيصير الوضع مزري فعلا
اثناء ماانا افكر بالموضوع
وهالتفكير اخذ نص زمن الحلم
من ثلاث الى اربع ساعات تقريبا
<<<< تفكر بالحركه البطيئه
واثناء مالعالم حوسة بسبب ازمة المناديل
والاخبار تدهر والقنوات تتابع والناس تقنت
وانا دموعي اربع اربع
جت امي وهي شايله لفه مناديل من مناديل
المطبخ اللي تجي خشنه حيل
أشرت لي بالمنديل
يوم جيتها قالت هذي اخر حبه للي تحبه
خوذيها ولااحد يدري
طبعا مااقدر اوصف فرحتي وقتها
وعميق امتناني للماما
ياحياتي تنقذني دايم حتى بالحلم
صحيت بعدها واول مافتحت عيني والتفت
يميني لمحت علبة مناديل كلينكس على
الطاوله
سحبتها وضميتها وانا العبره خانقتني
وبغيت اتهور وامطخها
ماردني الا اني خفت ابو طلال اذا شاف
المشهد يجزم بخبالي ويقرر يعرس علي بنفس
اليوم
نصيحه //
كل واحد ياخذ باله من مناديله ترى ماتدرون متى
تفقدونها
رد مع اقتباس
المشاركة الأصلية كتبت بواسطة عبدالله الجعيثن
المفضلات