حكاوي نوره والروضه :)
السلام عليكم يالربع
الحين وش اسوي
وش اعمل
وش الدبره
؟
؟
تدرون
صحيح اذا قالو لسى الناس به خير
هذا مره من المرات وانا بالديره
خربت سيارة واحدن من اهل القريه
الرجل هذا ادري بوه
رجالن لكم على عقلوه شوين
بس شوين
الوكاد خربت سيارتوه وماتشتغل
وانا هكالليله رايحن ابي اسرّي ام نوره والبناي
والقاوه واقف ويأشر تال الليل وارحموه واقف لوه
سلام يافلان
هلا هلا
وش بلاك
ابد السياره ماتشتغل
وانا اعرعره انا واياه
خذينا ماخذينا
وهو يصفق بيده اووووه
وانا انخرع وشبلاك
قال عرفت وش علته
ايوه قل يابو العرّيف
قال ابوي معطينن فلوس ابي اسدد فاتورة الكرهب وماسددته الى الحين
والظاهر انه قطعو الكهرب علينا وعلى السياره
واراعي لوه شويييييييييين
امش امش ابي اوديك اهلك ابرك
شكلك مرفعن بالحيل
نزلته عند اهله ولادري وش عمل بفاتورتهم
أأقصد سيارتهم
****
نجي للمهم
ابشركم نوره دخلناه الروضه
بس فيه مشكله عويصه شوي
كل يوم تجينن قبل تروح للروضه
بابا ابي ريال
واعطيه ريال
وتاقف
يالله بابا روحي الباص ينتظرتس
قالت ابي ريال
قلت تدرين هاتي الريال اللي مشوين
واعطيتس خمسه << كريم لبّاي بس
وتصيح لا ابي ريال ابي ريال
قلت بس بس منتي وجه نعمه
هاتس ريال وريال وريال ابد ابد
عاد انا اتوقع انه ماتبي ريال يعني فلوس
تبي ريال خوينا والظاهر انه عاشقتوه وتستحي تقول
الحين تعال ياريالوه
الله خيرك
ياتعطينن فسحته ليا ما تخلص الروضه
والا تجيب جاهيّه وتخطب
مو تلعب بعقل البنت طمعانن بالورثه اللي عندي
فوتّوكو بعافيه
رد مع اقتباس
المشاركة الأصلية كتبت بواسطة عبدالله الجعيثن
المفضلات