للشاعر / متعب التركي
ولمن يرغب بها مسموعه هنا
استمتعوا
المكان اللى عرفناه ماعـاد المكـان
والقلوب أحداث الايـام زادت غمّهـا
صاحبى حتى أنت ماعاد تستاهل حنان
أنت بعثرت المشاويـر وانـت تلمّهـا
البكا فى مثل هالحال نوع من الهوان
والمهونه كـل رجـال حـر يذمّهـا
صاحبى لو كان للناس والدنيا أمـان
ماتموت ورود الاحلام قبـل نشمّهـا
خل عنك علوم الاحباب واللى كان كان
انتهيت وسيرة الشـوق مانـى يمّهـا
كلما تظما لياليك قمت أكتـب عشـان
تنزف جروحى والايام تشـرب دمّهـا
الكلام الموحش يخاف نور الشمعـدان
تحترق أسمى معانيـه قبـل يضمّهـا
من زمان أكتب علشان تقرا من زمان
بس ماشفت المكاتيب جابـت همّهـا
رد مع اقتباس
المفضلات