سلااام عليكم
شلونكم
هكا اليوم << مننننندفع يبي يسوولف
اخباركم
وش علومكم
يابعد وجهي انتم
تخيلوا اصير بدون وجه
صراحه احسن
المهم
اللهم تقبل منا رمضان واعده علينا اعوام عديده
يالربع برمضان الواحد يدور الاجر دوره
بحدا ايام هالشهر المبروك وقفت عند اشاره
ولا فيه شباب زي الورد واقفين ويوزعون ماء عند الاشارات
سويت فيها ابصير زيهم
وانا اسفط سيارتي عند الاشاره الثانيه واشتري كرتون ماء
وانا املا شليلي واقوم اوزع على هالناس
يوم التفت ولا هذا المرور عند سيارتي يبي يشيله
واجيه اتطلبوه ويالله يخليني مع المخالفه لاني واقف غلط
واهرب للبيت
اثريني نسيت كرتون الماء عند الاشاره
ترى هذي مهي سالفتنا
هذي بس تسخين تجودوا
المهم يا اخوان
جتني امي هكا اليوم وقالت يا وليدي ابيك توديني للسوق ابي العطارين
قلت اصير لتس صرة بزااار يمه
اروووح عنزروت ومره وحلتيته
مشينا يمه
ونروح للسوق
يوم جينا العطارين قالت امي ياوليدي خلك بالسياره انا اباخذ غرضاني واجيك
قلت وجب يا امااه
وتنزل
عااد تخبرون الوقت يلعب بحسبتي لعب
قلت مالي الا العب بالجوال علشان اضيع الوقت قبل يضيعن
واطلع جوالي واقوم العب بالجوال
شوي واسمع وحده تقول يصوووورن يصوووووورن
قلت ياحول يا مشاكل هالسوق
هذي اكيد وحده مصوره واحد من هالدشير
ولا تصيح يااااويلي صوووورن
وانا التفت
ولا مره ومعه بناته حوالي اربعه
واقفتن بجنبي وتشر علي
والناس مجتمعين
قلت انتي من تعنين
قالت انننننت تصووووورن
قلت اناااا
قالت اييييه انت الله يوريني فيك يوووم
وهي تقوم تدعي علي
وتقوم تبتسي
قلت يابنت الحلال تريتس واااهمه
واااهمه العن ابو شكلتس منين طلعتي لي
حلولات امي تجي وتبقسسسه
والعالم المجتمعين يقولون لاحوووول
واللي يقول ياللي ما تخاف ربك
واللي يقول اذا انتي متأكده خليني ارنوه هنا
وفيه ابو هنود يقول ايواا انا شوف كاميرا سوي كذا << قصدوه فلاش النصاب
واتهاوش معهم
شوي ولا رجال الهئيه جايين
قال سلام عليكم
قلت عليكم السلام
قال خير ان شاء الله وش فيه
قلت ابد حيوانه تتهم حيوان انوه يصوره
قال منهي الحيوانه ؟
قلت هذي
قال منهو الحيوان ؟
قلت انا طال عمرك
قال وانت مصوره صحيح
قلت علي بالحرام ما صورته
بعدين انت بالله راع لشكله هذي وحده تصور
فيه مره تجي مربعه
قال ممكن تعطيني جوالك اشوفه
قلت ممكنين وبكل سرور
واعطيه جوالي
مالقابوه الا صورة لماجد وصورتين لابوي
وصوره لمرزوق راع العبيدا وصوره للضحوك
وهو يراعي له
قال يا اختي ظلمتيه الرجال ما صورك
وانا اصيح
يحيا العدل
الله ينصرك
الله ينصرك
يا علتس تموووتين انتي
ظلمتيني حسسسسبي الله عليتس
وشمتي فيني اللي يسوا وهاللي ما يسوون متجمعين معتس
ابو هنود واعوانه
وتجي امي
وشفييييه
شبلاااااك
قلت تساهيل يمه هالحيوانه تقول اني مصوره
قال وش تبيبه تصوره ياوليدي
قلت يمه ما صورته
عاد شلون اشرح للوالده
فضحتن فضيحه
وكل عام وانتم بخير
وتقلدوا تحيتي
رد مع اقتباس
المفضلات