لعبة الطلبااااات

**هـــلا** · 26-09-2002 08:33

نظراً لأنه عندما قامت إدارة المنتدى بالتحديثات للمنتدى الغيت اغلب المواضيع

فقد اظطريت ان اعيد كتابة الموضوع

مع ان اكثركم بإذن الله فاهمين الفكرة

= = = = =
اللعبة عبارة عن شخص يطلب طلب

اللي بعده لازم يلبي له طلبة

وبعد مايلبية يطلب الطلب اللي هو يبية

وبما اني انا صاحبة الفكرة فراح اطلب منكم

قصيدة ناصر القحطاني اللي يوصف فيها فتاة احلامة

حتى اول بيتين منها يقول فيهم

خوية درب عـــمــــري ماخذاني دونها النسيان
...............وأنا يأهل الملامة مارغبت العيش وحـــداني

**هـــلا** · 27-09-2002 06:33

ليش كذى

ليش ولا احد فيكم فكر يشاركني لعبتي

إذا الطلب صعب قولوا لي اغيرة

بس لاتسكتون كذى

الموضوع اللي دخلوا وقروه فوق الـ15 واللي علقوا ولا واحد

ليش والله ضيقتوا صدري

**الفاضي** · 27-09-2002 11:22

انا ما عرف شي بالقصيد لاكن احاول انشالله

**هـــلا** · 27-09-2002 17:24

انت الوحيد اللي جبرت بخاطري ورديت على الموضوع

ولأجل عيونك انت بغير الطلب

ابي صورة للشاعر ناصر القحاطني

**الفاضي** · 27-09-2002 17:28

اقعد والله وكلينا هوا
اقول هلا والله وغلا تسلم عيونتس

ومشكوره بس الطلب ما اقدر البيه لتس اعذرين(ن)

تقبلي تحياتي الفاضيه

**هـــلا** · 27-09-2002 17:33

انا طلبت قصيدة ولا قدرت عليها

وهالمرة صورة ولا قدرت بعد

اجل تراني متنازلة عن هاللعبة بكبرها

والله زعلتوني يا عيال عمي

ماهقيتها منكم

بمشي وخاطري مكسور

وش الطلب اللي تقدرون تنفذونه لي؟؟؟؟

**محمد العربي** · 27-09-2002 18:22

وددت لو أن اشارك بهذا الأمر ...........

لكن أنا لا أعرف ناصر القحطاني , وهذا ليس انقاصا من شأنه , ولا من شأني .

ولكن بيت الشعر المذكور لا يحمل ذلك الابداع الذي يجعلني أحتفظ بصورة المذكور ..................

بل اقول , ان بيت الشعر للمدعو محارش مدبول , والذي يقول :

[poet font="Simplified Arabic,14,black,normal,normal" bkcolor="white" bkimage="" border="double,4,gray" type=0 line=200% align=center use=sp char="" num="0,black"]
واوجودي عليهم وجد ورع(ن) يحوبي = ود عينه يسف تراب وامه تعيي
[/poet]

يحمل من الابداع والتوجد والوجود وقوة التصوير اكثر منه .

**هـــلا** · 27-09-2002 18:25

كملوا اللعبة من غيري

ماني مشتركة معاكم

العبوا من غيري

الطلبوا ولبوا طلبات بعضكم

**الفاضي** · 27-09-2002 19:04

لالالالالالالالالالالالالالالالالالالالا لالالالالالالالالالالالالالالالالالالالا

هلا والله وغلا اذا انتي انسحبتي انا ابي

ولا يهمتس ابي ادور القصيده بس كل شي الا زعلتس

تحياتي الفاضيه

**الفاضي** · 27-09-2002 20:24

اختي هلا والله وغلا

دورت القصيده بس مالقيته لكن البحث جاري وحبيت اذكر بعض المعلومات عن الشاعر وهي

يسعد صباح الفقر يا اللي تذمينه********في ذمتي مانتي من الفقر معذوره
ما شلت هم الرغيف اللي تشيلينه********كل الهموم لسواد العين مذخوره

يعد الشاعر المبدع المتألق في سماء الشعر «ناصر القحطاني» من الشعراء الذين دخلوا الساحة الشعرية بقوة. فقد أعطى الشعر لوحة شعرية تشكل جميع الأغراض الشعرية «الغزل المدح الوصف» وغيرها. فهذا الشاعر نجد في شاعريته المفردات والصور الشعرية ما هو جميل ومؤثر في نفس الوقت. شاعر تتقدم بداياته نهايات من سبقوه.. الهدوء. والعا صفة في وقت واحد وحينما يكتب نجده يكتب بصدق وأحاسيس يعزف بها انغامه الجميلة التي تنساب بهدوء الى عشاق الشعر، فقد نجح هذا الشاعر في اصدار الديوان الصوتي عندما أصدر «»همس الغمام شمس الغرام» وعندما تكون كلمات هذا الشاعر الغيور مشبعة بالثقة والحكمة والعقلانية وهو يرد على إحدى المثقفات العربيات بما تراه من تخلف للمرأة العربية بحجابها وعباءتها.. نعم قصيدة انبعثت من وجدان شاعر مسلم للرد على أعداء الاسلام. فارفعوا أيديكم الصفراء وأفكاركم الهاوية عن المرأة المسلمة التي هي مثال يحتذى به في كل مكان. من الأخلاق، والرقي، والعفاف ... الخ.
واتباع ما جاء به الصادق الأمين.
يقول:

في بلادي يحسبون ان النساء متخلفات****في المساء مستوطنات وفي الضحى مستعمرات
مادروا عن ها البيارق شمخ العرض النظيف****فزعت الدين الحنيف شجرة العز الكثيف
غاده وسجاده وكفين وحجاب وصلاة****من صبايا المحصنات من عروق طيبات
اطهر من الفين منظر كلها فتنه وزيف*****في رجاء الصبح الكسيف واجرة الليل السخيف

وكذلك له المرثيه الي غناها الفنان خالد عبدالرحمن
وكان اسمه الذاهبه
وهذي كلماته

الله الي راد والعقدة قضاها الي عقدها *** لا على الدنيا سلام ولا لباقي العمر زينة
الفضى ماكنه الا خيمة طاحت عمدها *** والفرح ماكنه الا شيخ انقصت يدينه
والشوارع لفها ثوب الظلام الي حجدها *** والعرب في العيد بدموع اليتامى مستهيتة

والعنود الي جفيت الناس والدنيا بعدها *** مدت الفرقى لغاليها وهو تعبت يدينه
وينها كيف اتركتني وليه ماجت في وعدها *** والقمر لاطل خابرها تجي بيني وبينه
أثرها ماتت وماتت كل فرحة في مهدها *** والربيع أقفت به الي كانت التاج الجبينه

زخرفت حلم وبنت له مسكن وسمت ولدها *** آه لو غرد ولدها في خميلة والدينه
عاهدتني وإظفرت بيمين أقوى من عهدها *** والصبي لا خير فيه إن كان ما نفذ يمينه
ما تثقى عن رثاها عرق اقتظ بشهدها *** ولا تبقى خلف قضبان الجفن عذره سجينه

قالو الشيخ الفلاني مرجع القوم وسندها *** قال يبشر بالعوض والعلم جينا ناقلينه
ساق لك بدر البدور الي نشدها من نشدها *** جادل هزت عروش وخيبت روس ذهينه
اترك الناي وعطيت شيخنا غن لسعدها *** وانبسط يا عم وانسى الي ورى التربه دفينه

قلت ولصدري تناهيد تروع من شهدها *** آه وا ويلاه من يجلب على قلبي ظنينه
خلو أغلى ذاهبه ترعى ربيع الي فقدها *** والعطى راعيه ماحد صوبه الله لا يهينه
لو ضمنت الجنة لتفاحت القلب وشهدها *** قلت من بكره عسى مضنونها توقف سنينه
الله الي راد والعقدة قضاها الي عقدها *** لا على الدنيا السلام ولا لباقي العمر زينه

امل انه اعجبتس اختي وغيرت رايتس وبعد تري البحث جاري

اخوتس الفاضي