مسنجر ما يفتح

**أبو فهد** · 18-08-2011 02:54

السلام عليكم

يا إخوة

عندي لي أكثر من مسنجر كلهن يفتحن إلا المسنجر الرسمي

اللي عليه إيميلي

علما أنه يفتح الرسايل عن طريق الهوتميل

اللي عنده خبره بهالماضوع يفيدنا

و جزاكم الله كل خير

----------------
أبو فهد الهمزاني

**ابو فارس** · 18-08-2011 03:28

فيه حل انك تزعل عليه لين ينتهي رمضان

يمكن يرضى من كيفه؟

اولا جيت اسجل وقوفي معك ضد اللي مايتسماش

ثانيا
تاكدي من كتابة الايميل بشكل صحيح
ولاتعتمد على المحفوظ لديك
والرقم السري تاكد من وضع احرف الكي بورد
وخاصة مفتاح caps lock

وعلمنا وش يصير معك

دمت بخير

**ابن جشعم** · 18-08-2011 15:09

باين من رد اخونا ابو فارس ان رمضان ابتداء يأثر بوه

ابو فهد:::

اذا الماسنجرات الثانيات يفتحن فــــ البرنامج مابوه خلاق

هل جربت من كمبيوتر ثاني تفتح الماسنجر ؟

حاول انك تدخل على الماسنجر من نفس صفحة الهوتميل

رمضان كريم

**أبو فهد** · 18-08-2011 16:27

هلا بك أكثر أبو فارس

وش سالفة تأكدي و تأكدي

تعطينا درس بالطبخ مثلا

لاهنت و جربنا جميع ما قلت

و النتيجة ماكو فايدة

-----------------
أبو فهد الهمزاني

**أبو فهد** · 18-08-2011 16:29

ابن جشعم حيا الله هالطلة

ما جربت من كمبيوتر ثاني

لكن فتح معي من صفحة الهوت ميل و لا بوه خلاف

و الحسابات الثانية للمسنجر تفتح طبيعي إلا هالحساب

فهل المشكلة من إضافة بعض الناس اللي اسمه contacts مثلا أضفت واحد مقرود و قردن معوه

------------------
أبو فهد الهمزاني

**أبو فهد** · 18-08-2011 16:40

ملاحظة : فتح المسنجر من الجوال و للآن جاري محاولة فتحه عالحاسب

----------------
أبو فهد الهمزاني

**ابو فارس** · 18-08-2011 17:18

المشاركة الأصلية كتبت بواسطة ابن جشعم

باين من رد اخونا ابو فارس ان رمضان ابتداء يأثر بوه

المشاركة الأصلية كتبت بواسطة أبو فهد

وش سالفة تأكدي و تأكدي

تتشمتون مثلا؟

يا اخي الجوع ماهو زين
والعطش ماهو زين
والامتناع عن القهوة والشاي يسوي بلاوي

ابو فهد
وش رايك ترسل لي الايميل والرقم
وتخليني اجرب من جهازي--ناوي يجمركه

خل رمضان يزل والامور تضبط ونمخمخ لك