اللي صبرعامين يصبر على يوم ******** يصبر ولا يلحق على النفس لومه
يصبر عشان اللي على العبد مقسوم ************ يصبر و لكن يجتهد في لزومه
والياس ما هون طموحات وعزوم *********ولا هونن سود الليالي عزومه
والنيه الزينه كما المزن مردوم ******* تقبل ويقبل ماطره في كمومه
لا شك راع الظلم بالظلم محزوم ********* لابد مايلقى دعاوي خصومه
وانا خفوقي صار له وقت مثلوم ********* لولا اربوعي كان زادت اثلومه
ربعي ربيع اللي من الوقت مكلوم *******مداتهم بالطيب محد يرومه
لا اطيب ابن زايد ولا عيال مكتوم ******** ولا طيب من طيبه افلوس الحكومه
مداتهم من قل مع طيب بسلوم ********* ياللي تبون الطيب هذي اسلومه
وانا خوي اللي من الغوش شغموم ************ اللي كما الامطار يفرح قدومه
و ايضا نطيحي نقوة ....الغوش زيزوم ********** اللي مع العربان حلوه علومه
واشوم عن دار الرديين و اشوم ****** عن واحدا ما فز لابن العمومه
والبارحه عيني جفا جفنها النوم ********* من ليلة جتني بشاير حلومه
من غيبة الغالين عامين مكضوم********** والثالثه يلفح علينا سمومه
وجدي على شوفة مطانيخ وقروم ********** ابطوا علي والقلب زادت همومه
ياراكب اللي بالسما تبعد الحوم ********** بالليل كنه من سواري انجومه
تلفي شيكاغو من ورى ديرة الروم ******** حيث الربيع الغض غطى حزومه
يا جيت سلم لي على عبيد ملزوم ********* اللي تباشير السعد في رسومه
وسلم على اللي للصناديد قيدوم ****** ماجد اذا عدوا نقاوي قرومه
و ياشوق من وسطه عن الردف ملموم ********* عطهم خفايا مابقى من وسومه
قله ابو نواف ماطاح مهزوم ********* كل النتايج عند ربعي محسومه
مرفوع يالراس الطناوي ومحشوم ********مرفوع لين القبر ترفع رجومه
رد مع اقتباس
المفضلات