الجوهره والأرض الطيبة والمسدح
السلام عليكم
بنتي الجوهره عسى الله يخليلكم عيالكم من اشد متابعي مسلسل ( الارض الطيبة ) التركي - الحمد الله انها مالحقت على سوالف لميس نور
الاطفال يبكون على افلام الكرتون وبنتي تبكي على الارض الطيبة
وانا افزعلها واقول لاخوانها مايخالف خلوا جوجو تتابع الارض الطيبة
وانا اشوف ان المسلسل عادي يسولف عن قضايا ارهاب .
/
طبعا البنت عمرها ٣ سنوات ونيف ( حلوه ونيف مو)
هالأيام جتني تركض زعلانه وخايفه وتشكي اخوها فواز البطة ، العلم يا جوجو ، تقول يا بابا فواز يقول يالله قومي والا بجيب التنزيم ( بعد مو التنظيم تنزيم ) انا مدري وشو التنزيم الحين ولا ادري شكو خايفة منهم
تقول يا بابا فواز يقول الارض الطيبة والتنزيم يبون يجوني بالمسدح ( المسدح دلع مسدس ) انا الحين اكتشفت ان عمليات القتل والتعذيب اثرت على البنت واثري هالتهديد من فواز البطة فتح الارشيف عندي
والاطفال لازم متابعه حتى توم وجيري يأثرون فيهم .
/
المهم رضيتها قلت يخسون يا جوجو وانا اروح اطلع المسدح مالي من التجوري ( طبعا ما فيه الا مسدح واحد و٢٠ دينار فقط ) طبعا مرخص
قلتي علمي البطة ان بابا عندوووه مسدح يسدح الارض الطيبة كلهم حتى التنزيم مالهم .
والحين كل ما تطلع الارض الطيبة تناديني يا بابا التنزيم جاء هات المسدح ، لقينا حل وشريت للعائلة كلها مسدح ماء واذا طلعت الارض الطيبة قمنا نسدحهم بمسدحات ماااااء .
وسلامتكم ،،، شرايكم بالهسالفة حلوه
رد مع اقتباس
المشاركة الأصلية كتبت بواسطة ابو فارس
المفضلات