سجّلْ حضورك بـ بيت شعر ...

[ملامح شمري]

بالصمت الوذ احيان واستعذب الليل ,*, واصكّ باب الخلق واشري غيابي
عبدالله الجعيثن

[سالم الظفيري]

ياربي جعل بكره مايجيب الهم مثل اليوم

عسى هم الخميس يفكني منه ضحى الجمعة

[سالم الظفيري]

هاجسي لامن ضوى ليلي سري
.......... مختلف جوي بجو البارجة
المصارح زين والواجب تري
.......... كل منهو له رفيق يصارحة
يمكن انه زل زلة مادرى
.......... وجرحة مايدري انه جارحة

[al-shmaly]

التزمت الصمت واغتال السكـوت
ضحكة صفراء على الجرح اتكت


بالمشاعر ما أجامـل لـو أمـوت
وللغـدر وجـهٍ تقاسيمـه حكـت

بين همز ولمز في مخبـاة كـوت
حاجة تذكـر وحاجـة مـا بـدت

من سمع في كلمة من غير صوت
أو سمع صخرة على ابن ادم بكت

ما دخل إنسـان بيـت العنكبـوت
أو هدب عينه علـى كفـه نبـت

شارب ما تفقـده لـو راح فـوت
وشارب من نظرتـه عينـك روت

في شتا همي مشالح مـع بشـوت
والأمل ما يوم روحي بـه دفـت

عندليب وللأسف شبعـان مـوت
يابس الجنحـان والنظـرة طفـت

من يعزي الناي في نغمـة تفـوت
شوقها مفتون في لحظـة مضـت

من يشيل حروف من بعض البيوت
وصورة المعنى شعاع وما غفـت

ريشة وفنـان وألـوان وزيـوت
وعبقرية ملهـم اللوحـة زهـت

عاشق المرجان يدخل بطن حـوت
وعاشق الدنيا مع أنـوار ضـوت

التهانـي والهدايـا والـكـروت
ما لها معنى إذا الفرحـة جفـت

بابتعـاد القافلـة خلـك صمـوت
ماضي الإنسان مـا يـوم التفـت

[سالم الظفيري]

حبنا يضرب به العالم مثال
فيه عشق و فيه تقدير و هنا
طبع خلك راسيٍ مثل الجبال
و العواذل حكيها ما هزنا
كنت أظن ان الزعل ماله مجال
و الصحيح ان الزعل اوشى بنا
للأسف صارت حقيقتنا خيال
و العواذل شرها كله لنا
لا رحلت و شان حظي ثم مال
مثل ما تركتني بجلس هنا
بس إذا ممكن ابي أسأل سؤال
( من يحبك كثر ما احبك انا )

[كبرياء انثى]

جا يشوف الحال كيفه
عقب ماهزه حنينه
وقبل يسألني سألته ؟
كيف حالك يالحبيب
قال انا كني غريب
(ضيع دروب المدينه)
(قلت انا كني مدينة)
تنتظر...
رجعة غريب..

[al-shmaly]

الله واكبر غربـة الايـام يـا مكثـر نكـــــــدهـا
تتعـب الرجـل الشجـاع وتخلـف النفـس الرزينـه

__________________

[سالم الظفيري]

آه من هم الفراق وعيشة الغربة
آه من برد الشتى واشواق وجداني


يا زمن عود بساعة طالبك طلبه
لين اجاوب يا زمانِ فنجاني



جاء يصارع للوصل ظروفه الصعبه
جا يبي يسعف خفوقِ طاح ضمياني


وقلبي اللي من فقدته مشعلٍِ حربه
كل ما سجيت عنه قام ينخاني


كم شعور في صميم الذات مضطره
وكم بيوت من بحور الشعر تنصاني


واللحون اللي تجي بلساني العذبه
تستبيح الدمع كله بين الاعيان


الفضا ضايق علي من شرقه وغربه
من فقد بالوقت ربعه عاف الاوطان


ياهلي كيف الوصل دام القدر غربه
والله اعلم وين وضعي ووين ميداني


ما رحلت من الديار ورفقت الصحبه
الا وانا ناوي بالمجد عنواني

[سالم الظفيري]

في كل حاجه لي قرار .. الا انت مالي بك قرار
أفرغت لك قطعة من اقصى الروح محد ٍ طبها
غصب ٍ على قلبي .. بلا تفكير و بدون اختيار
أصبحت تسكن داخل ضلوعي كذا .. من ربها

[عبدالله الجعيثن]

بعض البشر ودك بريموت تشغيل // لامن عجن بعض السواليف طفّه

واللّحيه اللي ماتجيب المحاصيل // اعدل على الحلاق .. خلّه يحفّه