سجّلْ حضورك بـ بيت شعر ...

[سالم الظفيري]

الطيب صنته لكن البخل خنته
ماصنت نفسك لكن الطيب صانك

تبي الصراحه كل هالكون عنته
اسمك يسافر فيه وانت بمكانك

ماتنعوج بانذال والطيب صنته
لو تنعوج بانذال عدل شانك

لاماسجنك الطيب والله سجنته
اطلعت كفك قبل يطلع لسانك

الطيب صنته واعرفك كيف صنته
أن خان كفك قالو الطيب خانك

[al-shmaly]

يا " الغايب " اللَي انْتظر .. من [ غيمة اوصالك ] .. هٌطول ...!
طوَلت .. وجروحك تنآدي : في " خفوقي " ..[ من أنا ..! ] ...!

تعآل .. مليت [ ال ج ف آ ف ] اللي ملا " روحي " ذبول ...!
ضآمي .. و [ عآمين الجفآ ] .. اسقت " قفر صدري " عنآ ...!

[al-shmaly]

الله يغفر لي كبار المساوي
في يوم تجزا كل نفس بعملها

انا بوجهه من جميع البلاوي
وبحماه من طيش النفوس وجهلها

رب لغيره ما تلوق الشكاوي
اللي خلق كل النفوس وكفلها

لافكت ابواب الامل والرجاوي
افتر دولاب الزمان وقفلها

ولانقص ظني ولانيب اراوي
في قدرة اللي لستمالت عدلها

حتى لو ان قلبي شفوق هواوي
وله حاجة يسعالها ما وصلها

ما اخايل الدنيا بعين الشفاوي
السلعه اللي عند اهلها لاهلها

نفسي سموحيه وقلبي غناوي
واللي تروح ويعوضنا الله بدلها

لاصرت فالواقع فقير شقاوي
احلم وخل النفس بالحلم تلها

[سالم الظفيري]

مـن جمــالة مـابهـا شيــاً يبين

غيــر كحلة عينهــا وخظـــابها

[al-shmaly]

لا تِعضْ إبْهـــاّمگ الأيّمن ندَمْ
النَدْم مـّـا فاد لہّ ناسٍ كِثيّر

يُوم كِنْت بِخيّر صّارُوا لگ خَدمْ

ويُوم طاّر الطيّر . . . عزّاگ الفقيّر

منْ بنى ساسہّ علّى جِرفٍ إنهِدمْ
والعُمر لوْ طاّل . . . آخِرْتہّ قصّير

ما تُحوشْ الأرّض إذا الوزنْ إنعدمْ
واللّہّ أعْلم وينْ . . . تقْرير المصيّـر

al-shmaly

[سالم الظفيري]

مايلـــــيق الشعر إلا في جنابه
.. .. .. .. .. ضاع عقل الشعر لامنه تهــــــيا

ذاك لامنه مشـــــــا كله رتابه
.. .. .. .. .. شفت لون الفجر فــي ذاك المحيا

لابغيت آصله يخدعني ســــــرابه
.. .. .. .. .. وإن بغا وصلي ملاني بالحــــميا

لاحكا فنٍ من فنون الخــــــطابه
.. .. .. .. .. وإن سكت زاد الحكي بشــفاه غيا

وإن مشا ماعاد في قلبي طبــابه
.. .. .. .. .. ولاإلتفت لي في عجل بحت الكنـيا

لا والأدهى والأمر عينه..حــجابـه
.. .. .. .... حافرٍله سهم في قلبــــــي هنيا

لاوالأعظم من كذا طيــــب وذرابه
.. .. .. .. .. ماطلبته يـــــــوم في شيٍ وعيا

لباقلبه.. لباروحه ..مع شبـابه
.. .. .. .. .. لبا حبٍ وسط هالضلعــــــين حيا

لبا حسن سلوك سيـــرته وآدابـه
.. .. .. .. .. لبا صوته يــــوم ياخذني إليـا

لبا كل ماينطقه حضرة جنــــابه
.. .. .. .. .. لبا شعرٍ كل ماشفته تهيـــــــا

[سالم الظفيري]

لو طــــــفا شوق البنادم للبنادم ..ماطفيـــــــتك
.. .. .. .. .. .. .. ولو ذهل زيــــــن البنادم هالبنادم ماذهــــــلني


صار لي ســــاعه وأنا أشرب من حلاك ولا رويتك
.. .. .. .. .. .. ..صار لي ســــاعه ولا مليت منه .. ولا مللنـــــــــي


إختلط حابل غلاي بنابل أشــــواقي وجيــــــتك
.. .. .. .. .. .. .. جيتك أترنح على صدر الغـلا ليـــــــن إشتعلني

أنت شف لي حل .. قلّي.. وش أسوي لاظميتك؟؟
.. .. .. .. .. .. .. لا ختلت الشـــــوق في طلتك أبرواه .. وختلني


مادريت إنك بهذا الذوق لين إني قريـــــــــــــتك
.. .. .. .. .. .. .. ثم كتبتك بالبنفسج لين مـــــــــــــا حبك قتلني


لا تلفت يابعد روحي.. فديـــــتك ثم فديــــــتك
.. .. .. .. .. .. .. شفت هذا العمر كله ماإنخلق به من شغلني!! !!


غيرك أنته ماليٍ هالروح ليـــــــــن إني هويتك
.. .. .. .. .. .. .. ولا إحتملت البعد عنّك يابعدهم.. .. .. ماإحتملني


بعت أنا هالكون كله.. ..لجل عينك.. ..وإشتريتك
.. .. .. .. .. .. .. إشتريتك ليش؟؟ ؟؟ مدري.. .. يابعدهم لاتسلني


المهم إني إلا ضاق الفضا فيني .. .. لقيـــــــتك
.. .. .. .. .. .. .. لانخيت إحساسك الطيّب يلبي .. ماجهلني

[سالم الظفيري]

ماجيت أبســـأل عن طعــونك في حشاي الموجعه
.. .. .. .. .. .. .. .. ولاجيت أبســــــأل عن نهــاية صدك وذاك الجفا

جيــــــــت أشكرك عــن كل دمعٍ محرقٍ ماتسمعه
.. .. .. .. .. .. .. .. وعن كل جرحٍ لا سمع حرق المدامع قال .. أفـــا

ياصــــــاحبي والليل حـــــلمٍ شــــــايلٍ سقمه مـعه
.. .. .. .. .. .. .. .. لا فتحت عين الشـــــــقا غمض عليها ثم غــــــفا

كم كنت أسولف لك عن الحـــب وطعــمه ومنبعه
.. .. .. .. .. .. .. .. وكم كنت أمني بـــارد الإحساس بإحساس الدفــا

ياصــــاح لا تشـــره بعد ضاع الجمل واللي معه
.. .. .. .. .. .. .. .. قل ربـــــــــــما صدمه عنيفه هزت الشعر وهفا

لو عاد تدري وش غبن شعري ثم أدما مدمعه
.. .. .. .. .. .. .. .. وخـــلا سكون القاف يشعلها على جبال الشفا

إن تعذر اللي ضــــــــاقت الدنيا عليها فالسعه
.. .. .. .. .. .. .. .. وإن تعذر القلب المتيــــــــم بالسعاده والصفا

والـــــــــبدو لا لاذ الدخيل بسترهم قالوا دعه
.. .. .. .. .. .. .. .. وشلــــون لا لاذت هنوف بسترهم تطلب وفا

ووشلون أنا !! لالذت بك مستنجده مستفزعه
.. .. .. .. .. .. .. .. أطلبـــــــــك بالله ثم بأمانه ثم بوضعٍ مؤسفا

إنك تزيد طعـــــونك بجوف الخفوق وتوجعه
.. .. .. .. .. .. .. .. وإلا تجي وأبحث أنا وياك أسباب الجـــــــفا

[سالم الظفيري]

ياكثره الحب وإن ناظــــــــــــــرت ياقله
.. .. .. .. .. .. .. ياكثر ماأشــــــــــتاق له وأحن لوصاله


أرجوك ياللي تشـــــــــــــــوفه بلغه قله
.. .. .. .. .. .. .. يرضيه حـــــــــــالي ويرضا في تبـهذاله


قولوا له إني بعده أحـــــــــــيا على مله
.. .. .. .. .. .. .. أسلي الروح مع فيـــــــــــروز وأصـاله


عيني بعد راح عـــــــــــني من تكحل له
.. .. .. .. .. .. .. ازيد بإهــــــــــــــــــمالها لازاد بإهماله


ماشفت فالمملكه شخـــــــــــصٍ حليٍ له
.. .. .. .. .. .. .. حتى إني أقنع إلامــــــــــن راح في فاله


ولا جا خبر عنه مـــدري كيف أباصل له
.. .. .. .. .. .. .. ومن كثر ماأغــــليه ماأرضا بأحدٍ بـداله


ومرت عليّه سنــــــــــــــــــينٍ مالها مله
.. .. .. .. .. .. .. قربت أنا أنســـــــاه وأنسا سطوة أفعاله

[سالم الظفيري]

قلت أنا مليون مره انصحوها.. لا تحــــــدا
.. .. .. .. .. مير لاطــــاعت نصيح ولا تمل من التحدي


وجيت أراهنها على القيفان ثم عيت تصدا
.. .. .. .. .. إهزمتـها شمّخ أشعـاري قبل يوم التصدي


قلت أحط لمهزلتهافالــــــــــجرايد ذيك حدا
.. .. .. .. .. دامني لا أدوس طرف ولااتعدا فوق حدي


كنت أبشعلها قصــــايد لين تطمن ثم تهدا
.. .. .. .. .. مير لاذت بالصــــحافه والشتايم والتردي


بنت طـــــافي نار لاشاف الملاقا مجرهدا
.. .. .. .. .. دس راسه فالـــرخامه لايجيب ولا يودي


لو على القيفان والله ماتنــــال اللي تودّا
.. .. .. .. .. ماتنال اللي تبيه وبالشعر تـعرف مهدي


لي قصيدٍ لا نخيته جــــــــاك قرمٍ مستعدا
.. .. .. .. .. لانخيته جاك مثل الذيب صامل مايصدي


وعلموهاتنطح الميـــــــدان وإلا لا تحدا
.. .. .. .. .. من تحداني أبيه يكون صـــامد للتحدي