سجّلْ حضورك بـ بيت شعر ...

[شموخ شمالية]

.

,


اللي عطاهم لسان معطيني لسان
................. وأقدر أحطهم بين سني ونابي
لكني أسكت وأتجاهل علشان
................ ماأفتح لاوطى المخاليق بابي

[كبرياء انثى]

بأحكي لكم قصة عن انسان مسكين
............................................. // .. رُبَى يتيم .. وكان .. رابع خواته
أبوه مات .. وماترك .. لأمهم.. شين ..!!
............................................ // .. ماغير .. رحمة ربهم .. في وصاته
عاشوا على .. شغل امهم .. بالفساتين
............................................ // .. وياحسين ود الثوب .. ياحسين هاته
بأول حياته .. جرب الشين .. والشين ..!!
............................................ // .. هو فيه .. زين يجربه .. في حياته !!
ان راح يلعب .. عيروووه الوراعين ..!!
........................................ // .. واذا .. رجع للبيت .. مو .. من .. حلاته
يسمع " كلام امه " .. عن الفقر والدين ..!!
............................................. // .. ويضيق فيه الكون .. بأربع .. جهاته
يعني بَنَت مستقبله .. دمعة .. العين ...!!
............................................ // .. ماعاد .. تفرق .. عن حياته .. مماته .. !!
كُبر .. وصار .. اكبر حرامي .. دكاكين..!!
............................................ // .. يسمع .. بفقر الذيب .. والا .. غناته ....!!
لين اكفشوه .. وصارله .. أربع سنين .....!!
............................................ // .. يدعي ... لرب البيت .. بآخر.. صلاته :
يارب .. تشملني .. (( بعفو .. المساجين .. .. ))
............................................ // .. وتفرج عن اللي .. يرتجنّه .. خواته ..!!
:

[ابو فارس]

يابو فارس وينك اليوم يالغالي ابيك

ودي اجاريك ياذيبان والخرج ملي


اقـرب اقرب الله يـرحم والديـك

ودي اهمس بذك شوي يابعد الردي

انت تامر علي وانا بامرك اجيك
.................................واخذ حروفي وارمي لك الورد الندي
لو نخيتك وانت ماتخيب من هقى فيك
..........................ليا قلت تكفى ردد الصوت ابشر بسعدي

[سالم الظفيري]

التواضع من صفاتك والشهامة تحتويك

................وعرفك ياذيب سرحان لاجيت تعدي

انت ياللي تارث الطيب من جدك وبيك

..............اسم اللي بين ربعك لمع مثل الجدي

[عبدالله الجعيثن]

تدري ... وش اللي .. يجرحك وانت شايب

...............................ذكرى هنوفن ... صارت اليوم " جدّه "

[صعوة فسفورية]

يابو الحلا و أبو الغلا و الذواقه
سرايرك مله و حكيك نبوه !
روحك و قلبي لو بحلل و ثاقه
مربوطة في بعض هيا و هوه....

[سالم الظفيري]

ياليت لي قوة واقوم ازعل عليك

البلا حتى عتابك اصبح ينافس غلاك

من افكر ارمي حظي يسرع ورجع اليك

تدري انه مايلاقي فرحته الا معاك

[عذوبة الورد]

كثر المواصل بالهوى ما هو بزين
ودك بخلك بين مدّه ومدّه

لأن البنادم ما ترك طبعه الشين
لا حب له شي وشبع منه هدّه !

[سالم الظفيري]

من زود حبّك جيتـك بكـل ذاتـي
واشكي غيابك يابعد كـل مزيـون


خلّـك رحـوم بحالتـي يامنـاتـي
طال الغياب وضاق بعيوني الكون


ليه الجفا وانـت الوحيـد بحياتـي
مدري تغلي أو دلع منـك وفنـون


يازيـن ارحـم حالتـي ياغناتـي
يكفي تعذّب واحـدٍ فيـك مفتـون


حرمتني حتى الخشـوع بصلاتـي
واسهرتني يـوم الاوادم ينامـون


عقلي ثقيل وكـان أحلـى صفاتـي
وخليتني أمشي مع الناس مجنون


يآلغالي لو فـي وصالـك وفاتـي
راضي ولا أقبل غير قربك وممنون


الموت عنـدك راحتـي وامنياتـي
ومعك الدقيقه تنشرى بالف مليون


ترفّق بـي ليـن اكتـب وصـاتـي
واطلب سماح اللي يبي منّي ديون


ومن بعدها لـو تحكم بمماتـي
عمري وكل اللي تبينه لـك يهـون

[صعوة فسفورية]

دعني مع الأحلام بالله دعني
عن واقعي فضّلت دنيا خيالي
أشوف بعدي عن وجودي نفعني...
على الأقل ارتاح يا صاح بالي...