سجّلْ حضورك بـ بيت شعر ...

**سالم الظفيري** · 10-09-2011 21:45

يقـولون السـماء .. لغز النهار وسره المكـنون !

وأنا أقول السماء( ثـوب النهار )ولبسه الدافي !

غيّومه .. كنها قطعة قطن تمسح جروح الكون !

إلى من سال مع ( دم الشفق ) دم أكثر أطرافي

**بالمختصر..** · 10-09-2011 23:04

،

ياللي تغني .. و تجر صوتكـ
...... أصبر شوي لين أجيكـ و أرقى ،

بغني معك ! و صوتي لايفوتكـ
..... انا بعد مثلك .. أشكي الفرقى *

.
.

**عبدالله الجعيثن** · 11-09-2011 07:59

ياسيّدي طاح العنب وأينع التوت // والله مكانك بين الاضلاع فاضي

**al-shmaly** · 11-09-2011 08:01

على رتم العقول اللـي تعالـج وضعهـا بهْبـال

سرى ليل القلوب اللـي تهـاوت فـي مساحاتـي

وانا ماعاد لي قلب ٍ ايلا من قـال , قـال وطـال

ولالي غير زفـرات القصيـد وطيـب هقواتـي

أتابع فيـك مفـرود القصايـد وافتخـر واخْتـال

وأحس احيان بحْروق الحروف وحـر جمراتـي

أنا لو جيت لـك مجنـون قولـي فلسفـة عقـال

واجِبْري كسر تنوينـي معـاك ابْرفـع ضمّاتـي

اباغيّـر مفاهيـم النحـو والصـرف والاهمـال

وقانـون البلاغـه والعـروض ابْكـل كلماتـي

أبا اخلق نون للنّسوه , وبافتـح بـاب للإحـلا ل

وابدّل جمعكـم مفـرد وبَارفـع كـل كسراتـي

أبا انصب مبتداك بْكاف وامسح منْه حرف الـدال

واحط اللام فـي وسطـه يبيّـن سـر مأساتـي

ابا الْعن خامس الفاعل , وأغيّر صيغـة الافعـال

واحطه في خبر كانَ , واجـدّد شكـل صفحاتـي

ابا الغي سيْبويه ابْحرفْ , واصْنع بالنّقاط اجيـال

وبَاشْطب طرْح أبو الأسود مع خالـص تحياتـي

أبيك انتي اجابة منْ , وعطف الواو , واسم الحال

وابيك الفعل والفاعل , وكـل أهـداف نظراتـي

أبيك انتي قواعد صرف , وحزم الجد واستهبـال

وابيكاعْقول تفكيري , وصوت الكـذب بسكاتـي

أبا اعقد مؤتمر قمه , وبافْرض حظـر للتجـوال

وبَامْنع رجة امعمّـر , مـن الغـاء إجْتماعاتـي

al-shmaly

**سالم الظفيري** · 11-09-2011 13:14

لاتكرم الناس بسكوتك

والعين بدموعها غرقاء

ياعل موتي قبل موتك

ترى السماء لونها زرقاء

**سالم الظفيري** · 11-09-2011 13:17

اسكن يعوني من قبل سكرة الموت // بودع الدنيا ونا عنك راضي

**al-shmaly** · 11-09-2011 14:48

بنت الحمايل بالمواقف عن رجال
تسد غيبت خيّهـــــا واجــوديّه

**al-shmaly** · 11-09-2011 14:49

تعبت .. أمشي .. و الزمن .. خطوته عكس
.. مرّآت أضيق .. وأكتم الضيق .. مرّآت

اللي أبي بكرآ .. ألآقيه .. في الأمس ..!!
.. واللي أبيه يفوت .. ألآقيه .. ما / فـــآت

**سالم الظفيري** · 11-09-2011 19:40

حي الرساله وان لفت في بريدي
وياحي شخصاً صاغها ثم كتبها

امن الغلا خطت بذوقاً فريدي
باسلوب راقي فيه قمة ادبها

تستاهل التتويج عبر القصيدي
بنت الرجال اللي يشرف نسبها

هي بنت شيخاً وسط ربعه عقيدي
شيخاً فناجيل المراجل شربها

شيخاً على نهج المراجل عنيدي
له رايتن فالمجد باسه نصبها

وهي دانةٍ لوجيت اكرر واعيدي
غالي ثمنها رابحاً من كسبها

في عينها رمح المنايا شديدي
لاسلهمت بالعين وارخت هدبها

منها الحديد ايذوب مثل الجليدي
بحد النظر ناراً تزايد لهبها

وهي شيخة الزينات قولن وكيدي
سبحانه الخلاق ربن وهبها

يرصد لها التقدير داخل وريدي
كبر الجبال اللي جنوباً من ابها

عبر الزمن يبقى بجوفي رصيدي
ويفنى صبياً كلمته مااحتسبها

**سالم الظفيري** · 11-09-2011 19:44

انا بنت الرجال اللي يعزون الخـوي والضيـف

انا بنت الرجال اللي تنومس مـن حكـا فيهـا

انا بنت الكريم اللي يزبن من من وطاه الحيـف

انا مـن لابتـن ماهـو موفـق مـن يعاديهـا

اعرف ان الرجال رجال ماتمشي دروب الزيـف

واعرف ان الضعيف ضعيف نفسه دوم مذيهـا

وبما اني عزيزة نفس ماني حاسبـه لضعيـف

لعلـه يفهـم التلمـيـح دام انــي بعديـهـا

وبكتبها هنا جملـه صريحـه مابهـا تزييـف

ترى اسلوبي مع ردودي تفسر عكس مابغيهـا

وانا ردي يجي عادي وطبعي ماعـرف تكليـف

ولكنـه ضعيـف النفـس بأفكـاره يسريـهـا

ولأني أدري ان الناس ما تاتي على ادنى كيـف

انا بصبر علـى هـاذي وحـذر قبـل اداويهـا

ترى بعض البشر تمشي بكلمة والبعض بالسيف

وكثير أشخاص رمشة عين تقربهـا وتوديهـا