سجّلْ حضورك بـ بيت شعر ...

**al-shmaly** · 10-09-2011 08:45

الدمع :عابرسبيل .. ومحجري [ بيته ]

والهم : نخله .. ضليله .. عذقها | داني ..!

ماقسى من الوقت .. غيرالوقت | لاجيته !
مجني عليك .. وتصير.. بعينه الجاني ..!

**al-shmaly** · 10-09-2011 09:01

يامصممين

يامصممين الجرح لو ترسمونه
ماغير التصميم شكله ولونه

ولو طبقوه بفن علم التصاميم
وضمن المناهج للبشر تشرحونه

ومن ريشة الفن الاصيله تسيل
في لوحة الفنان روعة فنونه

ومن الوتر بأحساس صوت المشاعر
لو تدمجون الطيف خلفه ودونه

ومن فكري المجنون لو قلت ابشرح
بدري عليهم قل لهم يفهمونه

مادام كل الناس بالعقل راضي
لو عقلي المجنون ماتدركونه

غاياتنا وشلون ندرك رضى الناس
والعبقري بفنون صحوة جنونه

يامصممين الجرح لولا المحبه
ماهيجن المجنون بأعذب لحونه

ويامصممين الجرح لولا القصايد
من دم قلبه لين دمعة عيونه

لا تضمدون الجرح بدموع الاقلام
بين الورق خلوه ينزف طعونه

جرحي واعرفه زين صعب ايتغيّر
لو تدمجون الطيف خلفه ودونه

ولو طبقوه بفن علم التصاميم
ماغيّر التصميم شكله ولونه

**جمران** · 10-09-2011 09:53

ياحمامٍ على الغابه ينوحي

يزعج الصوت من عال البنيّه

**سالم الظفيري** · 10-09-2011 10:19

صدفة بلا ميعاد سابق من مطار ابو ظبي **** حطت مراكيب الغرام اللي تشد رحالها

وقفت لي في موقف محرج وانا الحر الابي **** اللي يفكر في مخارجها قبل مداخلها

اشيل ما شال الجمل وابرك على روس اركبي**** واقوم بحمول الزمان خفافها وثقالها

وصكات بقعا لا حنت راسي ولا ارخت منكبي ****لو قصرت هيبة اسود الغاب دون اشبالها

من عادتني باول سنين العمر ما اعرف احبي**** ارقي واروم المرجلة واتعب لها واسعى لها

واصبر ولو تحرمني الايام كل اللي أبي ****واعيش يومي والاماني شارب فنجالها

والعذر يا اللي ما لعنت ابليس وابليس يهبي ****ماني من اللي أي فرصة يحسن أستغلالها

ما زلت اخطط للمعالي والكرة في ملعبي****وما زلت ماشي والمسافة ما حسبت اميالها

لا يمكن الاعلام والشهرة تغير مذهبي ****وان غيرتني لا بو الشهرة ولا ا بو حالها

شاعر ومثل ديرتي من مشرقي لمغربي ****والنار من شبابها والخيل من خيالها

الهزل ما لي فية والجد من قضب شنبي ****وارفع مقامي عن علوم المهزلة وارسي لها

والشاعر اللي طاحت اخلاقة يعد اكبر غبي ****يا كثرشعار تساوى اقفايها واقبالها

لن الشعر في عصرنا والا قبل عصر النبي ****رسالة تحمل صفات اسلافها لاجيالها

موقف حصل وانا استفدت وعارف وش مكسبي ****والمستمع ما لة بدق السالفة واجلالها

سلام من شاطي البحر الى الخليج اليعربي****للديرة الي ما لحق ضيم الزمان اعيالها

ديرة هل العوجاوسمي يا المعالي واشربي *****الشجرة اللي كل ابونا تحت ظل ظلالها

الديرة اللي جبها سابي معاليقي سبي ****هذي بلادي وافتخر في سهولها وجبالها

ان كنت في ارض الرياض او كنت في دار الظبي ****لا افتخرت إبها رميت عمامتي وعقالها

**سالم الظفيري** · 10-09-2011 10:24

لـو البحـر ياخـذ هـمـوم المخالـيـق ..
. نثـرت همـي فــوق شاطـيـه كـلـه ..!!~

ياكثر ما سليت نفسي عـن الضيـق
اثــره مـعـي مـثـل المـبـاري لظـلـه

تمشي بي الدنيا علي غير مااطيق
كـن السعـاده درب مـاصـرت ادلــه

واحيان تصفقني مع الوقت تصفيق
واعيـش فـي صـدمـة حـيـاةٍ ممـلـه

شـرعـت بيـبـان الـوفــا للمـواثـيـق
ولـقـيـت بـيـبـان الـغــدر مسفـهـلـه

**سالم الظفيري** · 10-09-2011 10:39

{ أوهام }

اللي يقول الحب موجود كذاب
حاجات ممنوعه يسمونها حب

واللي يقول اسهرني العشق نصاب
ويعرف نصابه معلمته النصب

ماشافات عيوني مواليف واحباب
والعشق لا خطى بقلبي ولا دب

اكتب غزل كذا علشان لعجاب
ماهو علشان الهوى كل ما هب

لا هب نسناس الهوى خاطري ذاب
ولا خلص النسناس وشلون ؟ بشتب ؟

اوهام شعار وتخاريف كتاب
والجيل ذا مو جاو الهوى خرب

نهيت قلبي من طبوعه ولا تاب
قد قلت له خل الصراحه على جنب

لن الصراحه دايما تفتح ابواب
صار الكلام الواقعي يشبه السب

اللي يبي يزعل بيلقى له اسباب
لو ان مالي ذنب بيحط لي ذنب

حنا بزمن فيه العلاقات بحساب
للخافيه ريبه وللواضحه رب

حب اهلك حب وطنك حب الاصحاب
ذولا لقت تحبهم فعلا تحب

**هند القاضي** · 10-09-2011 11:52

احيان احس إنّي من الحزن مخنوق . !
واحيان احس الحزن فيني يغنّي

ياااااما أصبّرني واتمتم (تبي تروق) !
حتى : إنتهيت ومابقا شي منّي . !

**al-shmaly** · 10-09-2011 13:20

الفكر ضد الموت في كل الأوقات
واللي بليا فكر عايش بتابوت

الصح منه يدوم ويخلد أموات
والا الغلط مجرد سنين ويموت

والشعر لوماصار ( ساعي قناعات )
يصبح حكي ..لكن على هيئة بيوت

والصدق مفتاح الكرامة ومنجات
يكسيك من لبس الثنا مشلح وكوت

والكذب نقص عقول فعول واثبات :
بان أغلب الياقوت ماهو بياقوت

والحب (أحلى شي ) الا مع الذات
والدار ( أغلى شي )الا بلا قوت

والدين . .عز . .وهيمنة . .وانتصارات
لاصار قول وفعل وجهاد وقنوت

**al-shmaly** · 10-09-2011 15:25

النيه الطيّبه مــن طيب منبعها
وكلّن على قدر طيبه يسرج خيوله

**سالم الظفيري** · 10-09-2011 20:30

عسى ما ازعلتك البارح وزودت الجراح جراح
عسى ما مرت الدمعه على اهدابك من اسبابي

جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوابي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي

تلفت للأمل دام الرجا في عمري الملواح
اناديلك ولو شرهك وصولك تقطع اعصابي

ابيك الجاي من عمري انا مابيك شي وراح
مدامك اجمل واخر مدامك اول احبابي

ابي ارتاح ياعمري انا ادري هم تبي ترتاح
تعال وقبل ما افرح ترا تفرح بك ثيابي

احبك احبك يابعد عمر الحزن والجرح والافراح
احبك احبك كثر ما نامت عيونك داخل اهدابي