سجّلْ حضورك بـ بيت شعر ...

[al-shmaly]

دنيا تغير مـا عرفنـا لهـا لـون
يا بخت منهو جاهلٍ فـي عهدهـا
/
كم من حزينٍ من عناهـا ومغبـون
وياكـم بـالٍ راحتـه قـد فقدهـا
/
وكم من شجاعٍ راح واليوم مدفـون
بين النصايـب وأستقـر بلحدهـا
/

[سالم الظفيري]

ياذا الحمام اللي سجع بلحون
وش بك على عيني تبكيهــــا

ذكرتني عصرمضى وفنون
قبلك دروب الغي ناسيهــــــا

اهلي يلوموني ولا يدرون
والنار تحرق رجل واطيهـــــــا

لا تطري الفرقى على المحزون
ما اداني الفرقى وطاريهــــــا

اربع بنا جر في يد المزيون
توه ضحي العيد شاريهــــــــا

عمره ثمان مع عشرمضمون
مشي الحمام الراعبي فيهـا

يامن يباصرني انا مفتون
روحي ترى فيها الذي فيهـــا

[سالم الظفيري]

عديت في مرقب والليـل ممسينـي
بديار غرب لعل السيـل مـا جاهـا

اضحك مع اللي ضحك والهم طاويني
طية شنون الطلب لا سربـوا ماهـا

وراك ما تزعجين الدمـع ياعينـي
على هنوف جديد اللبـس يزهاهـا

هبت هبوب شمال وبردهـا شيـن
ما تدفي النـار لـو حنـا شعلناهـا

ما يدفي الا حشا مريوشـة العيـن
والي عطشنا شربنـا مـن ثناياهـا

ابو عيـون الـى سلهـم تناجينـي
يا قرد عين المشقا كيـف يقواهـا

ياشبه وضحـى فتـاة دلهـا زيـن
داجت على عقلة والورد مـا جاهـا

يا عل من شار بالفرقى عمى العين
مخباط صمعا جليل الفخـذ يشظاهـا

جعله حسير كسيـر وراكبـه ديـن
واتلى حلالـه ذلـول راح يطلاهـا

[سالم الظفيري]

طاوعت فيني كل عـاذل ولـوام
وش دخل العذال بينـك وبينـي

الحاجز الوهمي على طول الايام
يكبر ويصغـر حبنـا ياضنينـي

انسوك عشرتنا وهي توها العام
وصورة خيالك بين جفني وعيني

وحطمتني وانهيت امال وأحـلام
تقذف بها الامواج شك ويقينـي

حقي من معاشرك هجرانك النام
على الرجى حبك يضيع سنينـي

معك الوعد يامايس القـد قـدام
ان جادت اظروفي بتسديد دينـي

[سالم الظفيري]

حايل و اهل حايل غلاهم لحالـه=
ساكن بقلبي مـا تغيـره الازمـان
حايل من البلـدان قلبـي لجالـه=
لا داخل الدوله ولا بـرا الاوطـان
حايل عروس المملكه في شمالـه=
ولا يلقا لـه شبـه حتـى بلبنـان
قلبي عشق ضلعانها مـع سهالـه=
اجا وسلمى و نفدهـا وام سلمـان
دار ياعل السيل و الخيـر فالـه=
دار الكرم للجود و المجد عنـوان
دار بهلهـا كـل عـلـم تنـالـه=
عز الله انـه بالكـرم فعلهـا بـان
دار سبقنـي ناصـر يـوم قالـه=
دار عشقها وقلبه معلـق ببـرزان
و الدوسرية بهلها ويـش قالـه ؟=
يومه تمنى مسكنه ذيـك الاوطـان
وايضا العنزي يوم يمدح خوالـه=
يقول شمر هـم ذرا كـل بلشـان
كل سبقني فـي جميـل المقالـه=
ولا نوفيه بالمدح ببيـوت و اوزان
و هي شرفت في دورها من عناله=
عز الله انه ترفع الـراس يافـلان
ان جيت له زوار جولـك عيالـه=
كل يقول ابغاك ضيفـي مـن الآن
جود و كرم مع خف نفس وشكاله=
و للضيف عند عيالها قدر مع شان
و لا اقول انا باق القبايل هزالـه=
ولا اقول بالاجواد سب و نقصـان
و اختامها رسـول رب الجلالـه=
صلوا عليه اعداد مـا كايـن كـان
و في الختام تقبلوا تحياتي
صلاح الرمالي

[al-shmaly]

من لا يديس الرأي من قبل ما ديس

عليـه داسـوه العيـال القرومـي

ومن لا يقلّط شذرة السيف والكيس

يبدي عليه مـن الليالـي ثلومـي

والقصر ما يصلح على غير تسييس

ومن لا تعلـم مـا تفيـد العلومـي

[سالم الظفيري]

الــوقت هـــذا . كـــفانـــا الله مـن شـره

لاطحت تكثر طعونك من اعز ناسك

[سالم الظفيري]

شوق . وامل . واحلام . وكثرة هواجيس

حيره . ضياع . اخــتــار مــنهـا حــيـاتـي

[سالم الظفيري]

مادري الخطأ في دروبي واتجـاهاته

والاّ الخطأ بــاخـتيــارك اوّل دروبي

[al-shmaly]

يوم الوفا يجمع شتات المخاليق ..!!
يطري علي قلبي من الخلق مخلوق ..!!

تهتز من طاريه اقصى المعاليق ..!!
.متمركزن حبه على كل معلوق ..!!

فكري معك يا صاحبي له طورايق ..!!
منت برخيصن يابعد كل مخلوق ..!!