بالخير عليكم كلياتكون
وشلونكم يا علكم بخير
بها الفايت حدا ايام الاسبوع اللي فات
ما فطنت الا هالجلبة و هالازعاج
وناسن رايحه وناسن جايه
وانا اقمز من النوم وكان توه يذن العصر
ابراعي وش السالفه
ماني خابرتن اهلي هلون
يوم فطنت يمار عندنا وغادين جيراننا كلهم
والعالم متجمهره بالحوش
قلت الله يسسستر
وش صاير
وانا امسك لي وغدن من وغداننا اسعله
قال ان عمي اللي هو اخوي طبعامستاجرن لوه ملعب صابوني وجايبه عندنا بالحوش
قلت اها
والعالم اللي متجمعه وش يبون قال حنا ناديناهم نبيهم يلعبون معنا
قلت هلا هلا
المهم
وانا اطلع بالحوش ابشوف يمار العالم مدهررررين
اللي معه الهوز حق الما واللي معه مساحة ومكنسه ينظفون الملعب
ويزينونه
وهم يروحون للصلاة
قالوا يا جينا نبي نلعب
وهي تروح هالعالم وما بقى الا انا
واراعي يمار بوه سنع ماطوور ينشبك بالكهرب عشان ينفخ الملعب ولوه صوتن اعوذ بالله يخرع
وانا اراعي لوه
وهي تجي براسي فكررررة
قلت يا ولد اركضي يمه وافصليه هالحين ينفقع
وانا اركض منخرررررعه وحالتي حالة
اتحرا الملعب ينفقع
وانا استانس يوم وصلت وهو ما انفقع
قلت اصصصصصم الله علي طوووول عمري وانا سنعه طوووول عمري وانا راعية واجب وفزعات
وحيل حيل اعجبت بنفسسسسي و على فطنتي وذهانتي
وانا افصصصصصله
وانا استانسسسسسس
يوم التفت للملعب وهو يقعععع هههههههههههه
يمار هالمروحه تصير شغاله طوووول الوقت يما يقضون منه ويطفونه عشان يطفي
وما اسمع الا صوووت جاي من بعيد
يقوووول الله لا يلبسسستس عافيه اششششششبكيه
وانا انخررررع وانا اشبكه وانا انحاش
ههههههههه
انا وفزعتي لوهم سالمينن مني تسان ما ابخت منهم
الوكاد يوم جاء العصر يمار كل حااااااااااااااارتنا عندنا بالبيت
وابوك ياللعب
وكل شوين جايتنا مرتن مع وغده
صار بيتنا منتجع سياحي الظاهر
والله يما جت الساعة 12 بالليل عاد وهي تبدا تسسسري هالعالم لبيووته
وقضى مانا وخلص صابوننا على هالوغدنه
قضت قهوتنا وتمرنا وقضى شاهينا و قضى رزنا على امهاتهم
هذا اللي تسسبناه بس من هالملعب
وشكرررا
رد مع اقتباس
المفضلات