يا ليتني بنغالي
يا ليتني بنغالي
مسالخير يا شمر
يالربع كل ما أشوف بنغالي أدنق ؟؟؟
و اقول حلولات من صار زيه
حظوه عندوه جواز يقوا يسافر للي يبي
مهو مثلي
متى ما طقت براسوه أبو ؟؟؟
كلم العيال خوياوه و ولم شنطتوه و دق الموتر سلف و دز
يهب هبيت
مهو مثلي
الله كتب علي و ضاع جوازي عام 1421 و ليومك هذا ما قدرت أطلع جوازن بدالوه
( مدري متهمن واحدن من العيال أكلحين حاسن انوه صقعن عين كل ما هذا مسافر و هو أبوه حاشروه ما يخليه يسافر )
الوكاد ضاع جوازي و لي هلحين سنة و نصف و أنا أراجع جوازات حفر الباطن و ما من فود
يا علهم بالماحي ألي يمحاهم
يقولون ما نقدر نطلع لك جواز
معاملتك ضاعت - أغدوه الله يغديهم -
لا و واحدن منهم من تشوف وجهه هو و جواله الكشاف
جالسن على مكتبه و بس يولع لمبة الجوال و يطفيه
و مرجعن ظهروه ورا شوي و يقع
يا علوه يقع بهوبة و لا يطلع منه
ههههههههه
أتخيل شكلوه واقعن بالحفرة و يضوي بجوالوه يبي أحد ينقذوه
ههههعهههع
و يوم قلت لوه أبي أطلع جواز يقول
و ليه جايننا عقب 10 سنين تبي تطلع جوازك ؟؟؟
و هو وش دخلوه أجي عقب 5 و لا 10 و لا 20 و لا 100 سنة
متى ما بغيت أطلع جواز أطلعوه
هلي يقولون
أنا سعودي و السعودي بكيفه
لحظة أبي أتوكد بطلع البطاقة أبي أشوف هي تبدا بـ 10 أو 11
أشوا 10 و مواليد حايل مهو بادية الشام و لا العراق
و يالربع ألي دابلن تسبدي
عيونوه خضر و شواربوه صفر
و يخانقن
و يالربع لله ما معهم نفس من تكلمهم شوين عصبوا
ما معهم نفس مهم حول روحهم
هقوتي أن كل واحدن منهم يحس أنه مدير شركة و ان الجوازات هذي شركتوه
الوكاد دبلوا تسبدي دبل و ثري و فور و بالقهوة
و بالتالي يقولون لي رح لمديرية الجوازات ألي بالرياض
و أنشب لهم بحلوقهم ليما تخلص موضوعك
و لا رح دور لك حدا الشمامرة بالمديرية هناك و طح عليه و هو يخلص موضوعك
يا الربع وش أعمل يبون يخلونه طلايب و قط عقل و حب خشوم
و هم الي مضيعين معاملتي
يا الربع بحلت معهم
أنا ألحين تعينت بعرعر و ودي أكمل دراستي بالأردن و لا قويت
ما أقول ألا الشكوى لله ثم لأبومتعب
الله يخليه لنا و يطول بعمره و يعطيه الصحة و العافية
ألا على طاري أبو متعب الله يخليه
شفتوه أكليوم بمياراة الأهلي و الأتحاد على كاس الملك
يوم جا يسلم الكاس و هو يتأسف لهم و يقول أنا أسف مقوا أقوم
و الله يا الربع أنه صدق متواضع و حبيب لأبعد حد
ملك و هالعالم كله تحت أمارتوه و يتأسف
قسم بالله أني بكيت
و قلت الله يخليك لنا و يطول بعمرك
و الله أنوه متواضع و طيب
مهو مثل خويي أبو كشاف
ألي يكلمني من طرف خشموه
ليتوه شاف ابو متعب أكليوم
غديه يعتبر و يحس يا علوه بالحساسية
أبي جووووووووووووووووووووااااااااااااازززززز زززز
* توضيح للأخوات ما عدا الداشرة شرهة
دبل و ثري و فور و بالقهوة مصطلحات بلوت ألي ما فهمت لسا تراسل شرهة خاص
رد مع اقتباس
المفضلات