[ فهيد الطرقي ..&.. فهد الغنام ]

[عبدالله المهيني]

.
.
.

عندما يكون للشعر حضور

فـ لن يكون هناك تقديم

واعذب كلام الخلق بأسمك وطرياك
....................... واجمل من الموضات كله ثيابك
واغلى من الالماس ضحكك وسلواك
....................... واحلى بطن اللي حملبك وجابك

[ فهيد الطرقي ]

.
.
.

ما مدحتك نفاق ولا هي احميّه
....................... قبل اشوفك واعرفك جاني الطاري
يابعد حيّ حييّ جبت الاصليّه
....................... ما عطت بعض حقك جملت اشعاري

[ فهد الغنام ]

.
.
.

لـ نزفهم بقية

[عبدالله المهيني]

.
.
.

ما نبيع القصيد بشوفة الميّه
....................... يلعن اللي يبيع ويلعن الشاري

راع الشرف كل(ن) يحبه ويغليه
....................... وراع الردا ماله ترا قابليّه

بعض النساء بالحب كل(ن) تخاويه
....................... خبله لوّ إنه في عباة أجوديّه

درب الردا دايم تجي في حراويه
....................... بسباب غيره بس ما هي نقيّه

وألا بعضهن عز أهلها تداريه
....................... متّحضره وألا تعيش إبدويّه

مثل الحرار اللي رفيعه مرابيه
....................... وألا الورود اليانعات النديّه

درب الردا يا بنت وش هي تواليه
....................... غير الضياع بليلة(ن) سرمديّه

[ فهد الغنام ]

.
.
.

المعمعه عشها بذكاء تصير لو تبغى طبيب
....................... وبالملعنه خلك غبي تصبح كبير ولك شعار

هذي حياتك عيشها تجيب والا ماتجيب
....................... بس المهم اوصل لهم تعيش معهم بأختصار

ادري مخوتهم ملل وبيوتهم شكله كئيب
....................... والذل يوصل هامتك ويقتلك صف الانتظار

بس المهم انك تعيش والكل يصبح لك صحيب
....................... ويصيرلك بشت وقلم والسرق في وضح النهار

[ فهيد الطرقي ]

.
.
.

لازال للنزف بقية

[عبدالله المهيني]

ادري اني لقلبك مبتغاه ومناه
......................... وتدري انك لعمري حلم قلبي يريده

ماشربتك مراره غير ارجي حلاه
.......................... ولا قدعتك غرور ولابكيتك فقيده

[ فهيد الطرقي ]

.
.
.

المرجله قمّه ولا هيب تنطّال
من دونها طاحت ثمانين هامه

يقدر عليها عيال وتعجّز عيال
ومن طالها يأجب عليك أحترامه

[ فهد الغنام ]

.
.
.

لازلنا معهم

[عبدالله المهيني]

.
.
.

أبرحل لو ظما قلبي لـو انـه ناشـفٍ ريقـي
أبرحل لو خيالك ويـن مـا وجهـت يبرالـي

تلملمني علـى حـظ الوفـا وتريـد تفريقـي
مثل طفلً يبي يشـري جميـع أشيـاه بريالـي

نسيت إن الفضاء هذا وسيعٍ نـوب ويضيقـي
ونسيت إن الشيم فينا مهيـب اتبـاع بالمالـي

[ فهد الغنام ]

.
.
.

دامه شريك السمو وفاهمن طربه ...
حقـه يعيش السعـادة لـو بغا وكـرك

هذي حقيقة وواقع واحتمل ضربه ...
خلك على الصمت عايش مااحد يضرك

انا احمد الله ياوطن تشهد التربه ...
وادري مصيري مابين ايدينك وصدرك

[ فهيد الطرقي ]

.
.
.

إلى آخر المطاف فيما بعد

[عبدالله المهيني]

الحظ وانتي وشيء بالصدر مكتوم
...... والحب ... والعزه ... وشيءٍ ... نويتيه

خلوا حياتي كلها حزن وهموم
...... يمطـر سماهـا دمـع / والقلب يسقـيـه

موعد زفافك موعد الموت واللوم
...... وابحضره لو كان موتـي حضر فيه

[ فهيد الطرقي ]

.
.
.

والقضـيّـه مــن قـديــم ولا لقـيـنـا حـلّــه
...... ياكثـر مـن يتبـع الشيعـه وهـو غلطـانـي

نعرف إن القدس راحت وأرضها محتلّه
...... خابرينـه مـن قديـم وراحـت الشيشـانـي

مـا ذبحنـا يـا رفيقـي غيـر قـرص الملّـه
...... دارنـا راحـت وحـنـا نـأكـل القرصـانـي

أعـرف اصغـار الأمـور وخابـرن جلّـه
...... وأدري إنّي في نظركم صايرن عدوانـي

[ فهد الغنام ]

.
.
.

هنا نهاية الرحلة

[عبدالله المهيني]

الشكر كل الشكر

لـ الشعراء على هذه الروائع

لـ عبدالله الجعيثن [ المعد ]

لـ طلال [ مصمم البطاقات ]



ولكم على تواجدكم جميعاً

لكم الود

[سالم الظفيري]

شكرا ابو خالد


شكرا ابو غازي

شكرا طلال

شكرا من القلب للقلب

تصميم رائع


وفكرة جميل


حفظكم الله


لكم تحياتي

[عبدالله الجعيثن]

الجمال هنا



تتقزم الحروف امامه



فليس لنا الا القراءه بصمت



ولي عودات

[فهيد الطرقي]

الشكر كل الشكر لكم

ابو خالد

ابو غازي

طلال

على هذه الفكرة وهذا المجهود

نتمنى ان نكون حزنا على رضاكم واعجاب ذائقتكم ولو بشيء بسيط .



تحيااااتي

[أحمد]

صح لسان فهد وفهيد

وصحت عقول من فكر ومن صمم و انتج لنا هذه الروائع


تري مكاسي