قصيده مؤثره لاتفوتكم
السلام عليكم ورحمة الله وبركاته
هذي قصيده اعجبتني وحبيت انقلها لكم (لاتفوتكم تراها شيء)
غابت عني ولا ادري وش حالتها
ولا ادري وشلون قلبي بتنام عيونه
قلت اقوم انشد عنها بنت خالتها
عله يرتاح قلب ٍ تلعب فيه ظنونــــه
صدت عني ما تبيني اشوف دمعتها
قالت يا ولد البنت بالعود مدفونـــه
ماتت وغابت بالسما أحلى نجمتها
وحزن النجم والقمر إنخطف لونــه
ماتت ومات بالحديقه أغلى وردتها
وبكى الشجر والزهر قاموا يرثونه
وقفت مذهول وزاد بجسمي رعدتها
وقفت صامتن وعقلي جنت جنونه
رحت المقابر علي الحق جنازتها
لقيتها مكفنه وقبر البنت يحفرونه
وصلت المقابر ومحدن فيه حرتها
غير امها وابوها واخوها يعزونه
شالوها يبغون يحطونها بحفرتها
وغطوها بالتراب وقلبها يدفنونه
لولا خوفي من الله ثم فضيحتها
لأقول هالبنت جسمها لا تدفنونه
التفت لي شخص أظنه من جماعتها
يقول هالولد علامه تبكي عيونه
غمضت عيني ما أبي تنزل دمعتها
بس بان الحزن والناس يشوفونه
وإنزلت دمعه من قوة حرارتها
احرقت خدي وخلته احمرن لونه
قلت انا اللي روح روحي فدتها
قلت انا من روحي وقلبي يفدونه
قلت انا من تركتني وحيد بدنيتها
وانا من عشقها وحبها دايم يصونه
أحبها واسألوا عينٍ يا كثر ما بكتها
واسألوا كل هالبشر وهالعالم وكونه
أبيات شعري ياما وياما تغنتها
تقول أبيات شعرك قلبي يطربونه
من لام روحي عله يعيش حسرتها
ويعيش طول الدهر تبكي عيونه
يا لايمين قلبي شوفوا صورتها
بعدها تبون تلومونه لكم تلومونه
ما أبي غيرها أبي اسعد بضمتها
ما اريد غير قليبي تنجلي حزونه
فوق قبر هالبنت تعالت ضحكتها
يا عسى قبر هالبنت بالسما يرفعونه
لعنبو عين عقبك ما تحدر دمعتها
ولعنبو خلقن كان اسمك ما يطرونه
لعنبو روحي كان تكتمل فرحتها
ولعنبو الحزن لو فارق يوم بسجونه
روحي فقدتها ودموع عيني رثتها
بأبيات شعر مكسرة ما هي بموزونه
يا الله يا كريم تغفر لها كل زلتها
وتغفر لها ذنب كل الملا يقترفونه
يا كريم اجمعني بها بجنة عدتها
حج البيت والصيام وخمس ٍ يصلونه
يا ليتني ساكن اليوم بوسط حفرتها
وروحي بجنب روحها اليوم مدفونه
وسلاااااااااااااامتكم اتمني بالفعل انها تحوز على اعجابكم واعذروني على الاطاله بس تراها تستاهل
تحياتي
رد مع اقتباس
مراحب بأحلى نوفه
المفضلات