ياصاحبي خذ من صميـم التجـارب
عبـرة علـى درب المنافـع تدلـك
لاصار وضعك مايسـرك وخـارب
والهم صـار بكـل وجهـه يتلـك
ناج الكريم وقول بدعـاك يـااااارب
ناصيك عبدك..طامـع بظـل ظلـك
يجلي ضنك صدرك بوقت المكـارب
لاصرت في رجـواك ترجيـه كلـك
وبرق بصدقانك ومـن لـه تقـارب
واختار من بيـن العريبيـن خلـك
وحذراك من صحبة اشباه العقـارب
لايخدعـك لامـن تظاهـر يجلـك
ماكل شـارب بالرجاجيـل شـارب
وفرق من اضدادك بعرفك ومن لـك
وقت الرخا ياكثرهـم كـل عـارب
صدقان لكـن عنـد ضيقـك تملـك
تمسي وحيـد وللصعايـب تحـارب
مـن شـدة لشـدة وشـدة تعلـك
ولاصرت غرقان (ن) ورجواك غارب
موتك.. ولامنـة ارجـال (ن) تذلـك.
اتمنى ان تروق لكم.
رد مع اقتباس
المفضلات