ماله راس من رجلين !!

**الجازي** · 06-06-2011 23:15

مسج وصلني وعجزت أعرف راسه من رجليه

يقول المسج صح لسانه

:

هل أتعبتكِ مشاكلك الزوجية والأسرية !!؟
تودين أحد يستمع لك !!؟
لدينا برنامج حرق الدهون بدون ريجيم

دوّني الرقم ستحتاجين لنا في يومٍ ما

ومسمين أنفسهم (( khazari ))

بالله وش دخل حرق الدهون في المشاكل الزوجية ؟؟
وإلا تهقون هالشحوم هي السبب الرئيس وراء مشاكلنا الأسرية

*
*
*

نرجع لأزمتي الأزلية وهي هالمسجات الدعائية !!

وش الحل ياخبراء الجوال ؟؟

**عبدالرحمن** · 06-06-2011 23:35

الارتباط بين المشاكل الاسرية والدهون واضح
وكذلك التخلص من المسجات الدعائية واضح وحيل
ولا اعتقد انك غير عارفة هذي الاشياء الواضحة
لهذا نحن من نطلب منك الجواب وبسرعة

**سالم الظفيري** · 06-06-2011 23:37

والله تبين تتعبين مع رسائل الجوال

بس ننتظر منك الجواب وهم بسرعة

تسلمين اختي

لك تحياتي

**ليلى بنت عبدالعزيز** · 07-06-2011 00:35

هههههههههههه

هالقنوات ماعاد بقى شي وسوته

ياليت نلقى حل

**الجازي** · 07-06-2011 20:23

المشاركة الأصلية كتبت بواسطة عبدالرحمن

الارتباط بين المشاكل الاسرية والدهون واضح
وكذلك التخلص من المسجات الدعائية واضح وحيل

ولا اعتقد انك غير عارفة هذي الاشياء الواضحة

لهذا نحن من نطلب منك الجواب وبسرعة

دامها واضحة ليه تبون مني الجواب

الواضح لا يوضّح

شرفتني أخوي عبدالرحمن

وشكراً لمرورك

**الجازي** · 07-06-2011 21:02

المشاركة الأصلية كتبت بواسطة سالم الظفيري

والله تبين تتعبين مع رسائل الجوال

بس ننتظر منك الجواب وهم بسرعة

تسلمين اختي

لك تحياتي

فعلاً صايرة قلق رسايل هالجوال

شرفتني أخوي سالم

شكراً لحضورك

**الجازي** · 07-06-2011 21:06

المشاركة الأصلية كتبت بواسطة ليالي نـــ ج ـــد

هههههههههههه

هالقنوات ماعاد بقى شي وسوته

ياليت نلقى حل

هلا وغلا بليالي

وش قنواته ياحيي !!!؟

وحدة منا فاهمة غلط

نورتيني ياعسل

**ابن جشعم** · 07-06-2011 21:19

اويابو خزاري اويابو خزاري ,,, اوياسالم الارواح اويابو خزاري

اسمهم روعه
>>> خزاري <<<

بما انهم دافعين فلوس للاتصالات وموبايلي عشان يرسلون هالمسجات
مابوه من الطرق الا طريقة وحده وهي كالتالي:

اولا تجيتتس الرساله
ثانيا تفتحين الرساله المرسله
ثلاثه تقرين الرساله
رابعا وعلى حسب نوع الجوال تسوين له ديليييت بطريقتين:
الأولى.., تضغطين على خيارات وبعده تختارين حذف الرساله
الثانية.., حذف مباشر عن طريق حرف C الموجود على اليمين من الجوال.

الحاله مستعصية مع الاتصالات يالجازي مابوه الا تسذا

تحياتي

**الجازي** · 08-06-2011 00:38

حياك الله يابن جشعم

علم اللي قبلك هاللي يبون إجابات واضحة وسريعة

شكراً لك على مساهمتك في حل المعضلة

وأنا بضيف حل ثاني

إنك تدعي على شركة الاتصالات تالي الليل الله لايربحهم !!

انذبحت مابقى محل في الرياض ما أرسل لي دعاية !!