اليوم
خرب دينمو سيارتي
وماني فاضي لوه على هالصبح
واخذت سيارة اخوي
جيتوه وهو نيم وقلت عندك دوام ؟
قال لاااا
قلت طيب عطن سيارتك ابي اداوم عليه
وهو يعطيني المفتاح
بدون ما يقولي اي شي
واركب السياره وانا امشي
والاخ مشغل ( ودعتك الله يا نظر عيني )
مدري ليه قرصن قلبي
احس انوه هو يقوله لي
قلت ياولد خلن انتبه للسياره
لا تصير مثل سالفة ( وترحل)
وانا امسك بريك
ولا مافيه بريك ابد
واطنب
ولا مافيه بوري نهااائي
قلت بسسس
الله يستر على هالزحمه
وامشي شوي شوي
وكل شوي يقول المسجل ( ودعتك الله يا نظر عيني )
اطفيه
ويرجع يشتغل
بوه البلا
وادخل مع شويرعن قريب لدوامي
هالشارع ضيق
والتريلات واقفات يمين ويسار
وانا ادعس شوين لاني تأخرت
ما فطنت الا اثنين بنقاليين طالعين يمشون قاطعين الطريق
ويسولفون مهم يمي
وابي اطنب لهم
ابي امسك بريك
مااافيه
والمشكله لو الف عجنتن حدا هالتريلات
وافتح الدريشه واطلع راسي وانا اصيح لهم
جييييييييييتكم
ياااااااااااصديق انحش
ياويلي جيتكم
ذبحتكم انحاااشوا
وهو يلتفت حديهم
يالربع اشوف عيونوه كل شوين يكبرن
واجيهم امشي مليون
يوم قربت لهم
وانا اغمض
اتخيل دمهم يتطشر على القزاز
وانتظر
انتظر
انتظر
ما سمعت صوت واحد يصيح ولا سمعت صوت كفرات يتوطن ببطن واحد
ولا شي
وانا افتح
ولا مافيه شي قدامي
واراعي بالمرايه
ولا كل واحد متعلق بتريله
قلت اشوى سلمت منهم
واراعي قدامي
ولا فيه مقاولين حاطين عدتهم يبون يشتغلون
وانا اتجشمهن
واشتت شملهم
وازين حوفهم
يوم وصلت الدوام ولا سيارة اخوي عليه الوان من بويات المقاولين
هالحين يبيله حرق بويه
وتقلدوا تحيتي
رد مع اقتباس
المشاركة الأصلية كتبت بواسطة الشبث
المفضلات