باركوا للفاضي صار محلل نفسي ((متجدد))

**الفاضي** · 02-10-2002 23:23

هلا مفتاح 14 حالتك سعله بالحيل اسمع

اذا جيت تنام عد من واحد لمليون وياويلك تنام وانت ماخلصت عد تدري ليه لانه اذا نمت وانت ماخلصت ما يجيك غزيل ويسزيك وبعد تصاب بعقده نفسيه تسمى الكتناكوماتيكيه الي تخليك بالعربي لفه كامله هذا للارقام <<<<يبي يدمره هالفاضي
---------------------------------------------------
النوم قبل لاتنام اشرب لك كوب من الديزل لانه يساعد النوم بكل سهوله
اذا مانفع العلاج مرن وان شاء الله نعالجك زين

--------------------------
الي ماشخصنا حالتهم بكره ان شالله نحللهم
مع السلامه

**أبو طنب** · 03-10-2002 17:33

[c]
يا تختور
انا جارك الله قبل ما أنام كود أحط شريط تفحيط أو حوادث أو فلم رعب وجلس اتابعه إلما أغفي
ابي أعرف هذا وش يدل عليه
هو يعني اني رجالن شجيع او أني ما أخاف
أختر حدا الثنتين بس
[/c]

**ابو مشاري الشمري** · 03-10-2002 21:54

باركوا للفاضي صار محلل نفسي
ياجماعة الله لايبلانا الفاضي دورت عليه وسائلت كل الحاره واحد واحد (جعيثن. وجشعم.ومــبــيريك.وبراك. ومحارش. ومفتاح 14. وشليويح. واللي في المضايف كلهم
والمشرفين والمراقيبن .والاعضاء. والمتصفحين. قالوا أنه تنوم في عيادة الامراض النفسيه.وشفيه قالوا صابه مس والعياذ بلاه.زرته ولقيت متنقح ورافع رجوله فوق
ويمص حلاوة ابو عود ويغــني سامري (مع الزمل الاول .مع الزمل الاول .وياشبه سيل دارج(ن) يوم حول.يابو خزاري .يابوخزاري. يالشمعة المظهور يابو خزاري.)
قلت يالفاضي انت طيب .صرخ علي وقال أمسكوه هذا اللي جنني يوم كنت العب أنا وياه كوره يوم ابغز عيونه...........
الله يشفيك يالفاضي ..........فقدناك..................

الفاضي وينك أشتقت لك وأشتقت لتعقيبك .. يابعد حيي
عسى الله يردك سالم وغانم واذا انت نايم نومة العافيه.

....................(أحبك ليه أنا مأدري)................

**أبو طنب** · 03-10-2002 23:53

[c]
الله لايبلانا مابلاه
وأنا أبيه يفزع لي الله يستر
الله يرفعنه ولايبلانا
الحمدلله
[/c]

**الفاضي** · 03-10-2002 23:58

منهو الي يتبلانن انا بخير واتم صحكه وهي اشاعه من ناس مغرضين

وان شالله احللك يابو طنب

لا تصدق

**ابو غازي** · 04-10-2002 15:07

الفاضـــــــــــــــــــــــــــــي

إنت خراط مشـــــــمش

إفتح لك محـــــــــــــــــــــــــــــــــــــل تشليح

أفضل لك وريحنا يالحبيب

أخوك

أبو غازي

**الفاضي** · 04-10-2002 18:21

النص الأصلي مرسل من قبل ابو غازي

أخوك

أبو غازي

8
8
8
هذا واحد من المغلين والحاقدين على الناس الناجحه مثل:D
اخوي ابوغازي اذا انت ودك تفتح ورشه ومستحي او انك من شله الطفره<<<
والا اقول عندي لك شغله وشرايك تصير قهوجي بالعياده:D لا اتسذ وشرايك تصير ممرض وتمسك الحالات السهله ابي اسوي لك اختبار واذا نجحت تصير الممرض الخاص وش قلت
الاختبار هو انك تشخص الحالات وانا اشوف انت تستاهل والا لا ورنا شطارتك

على العموم شهادتي ما حد يقدر يجيب مثله تدرون منين
من جامعه الخرطوم بموقق<<<<<<<<<حللوه:D تسان قدرتوا

تحياتي