رابع اسابيع القصايد ....الأعداد ..

**سالفة عشق** · 02-06-2011 14:57

^

^

ياطييب حضوركم
دائما وجودكم اضافه تمييز لكم

لاهنتواا

**سالفة عشق** · 02-06-2011 14:59

ثلاثسنين انا أخطط لهذا اليوم يابو سعود
تيسّر حالي و جاهز اوفّي وعدي بوقته

و فجأه جتني تتعذر .. تقول تأخَرَت لوعود
و انا مستغرب و اسمع كأني وعدها خنته !!

حسبت انها تمازحني و تتصنع جفا و صدود
ضحكت بوجهها من قلب.. مع انْها بايخه النكته

و قالت ارضى بالواقع .. قلبي ماهو المعهود
تغير كل شي صوبك .. نصيبي ما اظن انته !!

كنت ف يوم محبوبي و لكن ما اظن نعود
وصل من قبل ما توصل .. و انا ذاك الصبر عفته

و لكن تكفى صدقني و يشهد ربي المعبود
ترى ما خنتك بغفله .. ولا كلمته و شفته

صراحه اهلي قالوا لي بأنه ولد اصل و جود
و جتني امه بالصوره .. و بكلمات المدح اخته

سكت و قلت هي فرصه مدام الجود في الموجود
و قالوا كل من حولي علامات الرضا سكته

و انا فكرت دام امه و اخته ما عليهم زود
اكيد اني براضيهم اذا وافقت و اخترته

و اراضي اهلي و اخواني مدام ان الفرح مقصود
عطيت الناس انا كلمه ومعاهم وقتي حددته

و لا اقدر اغيرها .. ترى عند العرب منقود
اوافق و اعتذر باجر و اقول الراي غيرته !

تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمري ما عشته

انا ماني بقايلها .. عسى يفرش ثراها ورود
بعد ما حطمت قلبي و طعم الموت جربته

عسى بفستانها اشواك .. و في ثوبه عقارب سود
و نار ٍ تحرق الكوشه و تحرق بيتهم حتى

و موت بليلة الدخله يبرد حرتي يا كود
ولا احس انها بحضنه يلامس خد لامسته

علي اهون اذا ماتوا ولا بنفس السرير رقود
ترى صعب ٍ علي اتخيل اللي ما تخيلته

عسى قاع الثرى يقسى و يتحول صخر جلمود
و حفار القبر يرفض يسوي فوق مقدرته

ترى دفنة عديم الذات تلوع حتى كبد الدود
و من خان العهود و مات تعافه حتى مقبرته

عسى ربي يجازيهم بحبل ٍ من مسد ممدود
يعلقهم من اطرافه و فوقه نار ٍ و تحته

انا ماني حقود و شين ولاني من نسل نمرود
ومن حط نفسه بوضعي بيقول اللي انا قلته

مدام الفعل له ردة فعل والله ابشري بردود
بدعي دامني حي ٍ و بغرس للدعا نبته

و بسقيها نزيف القلب و دمع ٍ ما رحم لخدود
و تكبر و الثمر ثاري من اللي خانني و صنته

انا نذرٍ علي اكتب و افجر هالقصيد رعود
و اسمّع كل بشر صوتي عجبته ولا زعلته

و اردد للي يسمعني .. اذا حبيت ( حط حدود )
انا حبيت دون حدود و شوف اللي تكبدته

ثلاث سنين انا ابني و جت ( صوره ) بكل برود
خذت مني شقى عمري و حلم ٍ ( قلت ) حققته !!!

ثلاثسنين انا أخطط لهذا اليوم يابو سعود
وتوافق من كلام اخته .. و صوره ( 4 ف 6 )

الشاعر/
فهد معتوق - ساقي الشوق اسم القصيد اربعه في سته

**ابو ضاري** · 03-06-2011 01:03

همٍ يجي سآعه ويقفي / مجآفيك
................ وهمٍ على صدرك له سنين [ مشقيه ]

وهمٍ [ خبيث ] وهمه شلون / يذيك
................ وهمٍ نظيف ولا شكى منه / رآعيه

وهمٍ كبير يحركه [ شوق ] ويجيك
................ وهمٍ صغير ودربه بعزم [ يحبيه ]

وهمٍ كريم الطبع يبذل / ويعطيك
................ وهمٍ بخيل ومدته سم / يهديه

وهمٍ خفيف الدم لا جآ [ يسليك ]
................ وهمٍ ثقيل الدم يا شين / طآريه

وهمٍ طويل السآن للخلق / يشكيك
................ وهمٍ كتوم يموت ما بآن [ خآفيه ]

**ابو ضاري** · 03-06-2011 01:05

مآ لـ(الصبر) في سآعة الضيق رآيآت
.............................. ومآ لـ(الشعر) بالصدر حرفٍ هجآبي

مآ عآد لي وسط الحكآيآ [حكآيآت]
.............................. ولا عآد آصآفح يد تعشق [غيآبي]

تبت ونهيت النفس عن كل مآفآت
.............................. فرق الوضوح / ولمح وجه السرآبي

عآمين رآحت بين حسره و ونآت
.............................. والله يجآزي هالقلم / مع [كتآبي]

**متفاائل** · 03-06-2011 02:16

أنا يابو مصلح كل ماقلـت قلبـي سـج=صحى مثل مايصحى المسوهج من السجه

وأنا لج قلبي لـج سوقـن حراجـه لـج=بساحة حراج الصبح في ساعـة اللجـه

وأنا لي سنه وأربع سنين وثلاث حجـج=ثمان وثمان شهور مـع تاسعـت حجـه

وأنا كن قلبي فيه حدب السيـوف تخـج=من الهاجس اللي يجذب القلـب ويخجـه

وأنا ياوجودي وجد مـن بالمحاكـم دج=عليـه المحاكـم ثبتـت باطـل الحجـه

على اللي حلايا غزيل-ن من مقيلـه هـج=تبع ساقت أمه يوم ريـح الهـوى هجـه

**متفاائل** · 03-06-2011 19:10

اجمعتنا الشفوف وفرقتنا الظروف = والمواليف ما اصعب ساعة افراقها
بين عوج الضلوع وبين حدب السيوف = ترسم العين دمعتها على اوراقها
فيه ساعة تطوف وساعةٍ ما تطوف = ساعةٍ يذبح العشاق براقها
ياقمر عشر واربع يامليح الوصوف = المحبة بحور غصت بأعماقها
انقش أسمك على صم الصفا بالحروف = ما محته الليالى السود برناقها
ياحلي الغزال اللي يقود الخشوف = لا تقص العروق وتحرق أدقاقها
دام باب المحبة يالحبيب أمعروف = لك بقلبي بيوتٍ تقرع أحلاقها

**ليلى بنت عبدالعزيز** · 04-06-2011 01:18

النفوسَ آلوآفيهْ : رغمْ آلمصآعِب مآتميل
وآلسمآء ، كِثر آلسحبْ مآيغطي نورهآ . !

**جمران** · 04-06-2011 08:25

تباشروبي عقـب سابـع ضحيـه ..... وانا علي ابرك ليالـي زمانـي

لومي على الطيب ولومه عليـه ..... وراه ياخـذ عشقتـي ماتنـانـي

**سالم الظفيري** · 05-06-2011 23:31

الخامسه ياذيب هاذا نتاجها
غبّر علينا بالمفارق عجاجها

خمسَة سنين الحب والشوق والهوا
قش النصيب اليوم باقي سياجها

فان رحت فادري بان قلبك يحبني
دنياي من بعدك بيطفى سراجها