قبل امس وانا طالع من البيت حوالي الساعه عشر بالليل
سمعت اصواات
والتفت لبيت جيراننا
ولا جارنا ماسكن واحد وغايلوه
ويقول الفظ
الفظ
واجيه اركض واوخروه عنوه
قلت يابن الحلال وش تبي بوه
قال ابيه يلفظ
قلت وش يلفظ < احسبوه يلفظ الشهاده
قال ابيه يلفظ انفاسوه الاخيره<< متأثر بالاخبار الاخ
طلع الولد كاسرن لمبة بيتهم وماسكوه وبغا يذبحوه
المهم
قعدت افكر بهالكلمه
( الفظ )
ل ف ظ
تعني بعد الكلمه اللي نقوله
زمان
ايام الابتدائي
جاء واحد ابو خوي لنا بالصف
وقال للمدرس يا استاااد
( لك اللحم ولنا العظم )
حنا بزران وش فهمنا لمقصدوه
نعرف لحم يعني اللحم اللي ناكلوه
عظم اللي يعرشنوه التسلاب الله يعزكم
وباليوم الثاني
غاب الولد مدري وش بوه
وجاء ابوي انا
وقال للمدرس يا استاد ( لكم اللحم ولنا العظم )
انا على طووول تذكرت خويي
احسب المدرس ذبحوه وصلخوه وضبطوه مقلقل
وانا اصيح
لا يبه خلااص والله ما اعوووده
وهي تجيني ام الركب
والصق بأبوي
ياولد خلللن
قلت والله ما اخليك
وصل للبيت وانا لاصقن بفخذوه
حنا بس نسمع الكلمه على طووول نعتقد بالمعنى اللي قدامنا
مخ مافيه
وياكثر الكلمات اللي به شرك اعوذ بالله
وعادي
كنا نحلف بوالديننا
ونحلف يمكن بجيراننا
وعلى طاري الدين
اول ما علمن ابوي للصلاه
كنت اروح معوه للمسجد
وكان هو امام المسجد
واصلي انا بالصف
اذا سلمنا ما اسلم يمين اول لااا
اسلم يسار بعدين يمين
وكل ما التفت لجهه اشوف اللي بجنبي يراعيلي
التفت يسار ولا اللي يساري يراعيلي
التفت يمين ولا اللي يمين يراعيلي
انخرعت
وبحدا المرات يوم راعولي وانا اصيح
يبه
شفهم يراعوون لي << خبيل
وتقلدوا تحيتي
رد مع اقتباس
المفضلات