( سجــــــل حضــــــورك ببيت شعر )

**سالم الظفيري** · 12-06-2011 16:07

رحت انشد الشيخ مير الشيخ مافتاني

الشيخ وجهه بشوش ولا ضحك سنة

سمع سؤالي بعد مارحت نداني

ثم قال شف شيخ ثاني وشندة عنه

ونا سؤالي عن اللي بالهوا جاني

وابغى جوابه بحكم الفرض والسنة

الادمي لاسرق قلب ادمي ثاني

هو من هل النار ولا من هل الجنة

**بالمختصر..** · 13-06-2011 00:32

,

لا صرت ربعي و داري فيّة جفونك
........................... وش دخّل الناس خل الناس يجفوني ..

.
.

**بعد ملي** · 13-06-2011 01:11

مــا ارخصــت لـــه نفسـي..انـا بس شاريه
........................لــنــــــــي احــبـــه / واعشقــــه / وآتمنّاه

**al-shmaly** · 13-06-2011 08:17

يــارب .. لامنـي ذكرتـك .. وصليـت
وذكرت عفـوك وانت لاضقـت " عونـي "..!!

ضحـكت .. ضحكـة طفل لاهـي .. وسجيـت
[ ماهمنـي .. لو الجمـيع .. اخذلــوني

**al-shmaly** · 13-06-2011 08:49

http://www.youtube.com/v/dJ8ZHsCb7aA...</param><param
^
^

^

^

للأستماع

ماعاد في صدري كلام
الصمت خيّم عليّه

لا قلت سيري للامام
ياحروفي الابجديّه

تجيني بعذر الكرام
ولا لي بها مقدريّه

الرمي من تحت الحزام
يأثر على البندقيّه

سامحك ربي يالغرام
على ماسويتي فيّه

كنت احسبك برد وسلام
ونار المحبين حيّه

كوتني بجنح الظلام
تسعه وتسعين كيّه

الحب له قدر ومقام
والشوق لارحم حيّه

عيني تعذرها المنام
تمسي وتصبح شقيّه

ياصاحبي مالك ملام
لاجاك قلبي هديّه

قلبن يحبك لانتظام
يهواك صبح وعشيّه

مشاعره حسب النظام
زهرة شبابه نديّه

لو يبحث اسباب الخصام
والله مايلقى خطيّه

حرام ياخلي حرام
ترميه في المهمهيّه

خليتني جلد وعظام
وذمة غرامك بريّه

اشكي على نوح الحمام
واجاوب الراعبيّه

قلب المهمات الجسام
دايم جروحه وفيّه

لاشك روح الانتقام
لاهل القلوب الرديّه

**متفاائل** · 13-06-2011 09:41

انا احمد اللي فكني من شطنهاا
متميخ مابين عرر وابا القور

**al-shmaly** · 13-06-2011 10:25

ابيات عزيزة عندي

نافق تعيش وجامل الناس تنحب
وبيع الضمير تشوف كلن يجيلك

هذا هو المنظور في وقتنا الصعب
أما تزيل الصدق والا يزيلك

الصدق ماله لازم بعالم الكذب
حتى الطفل كذاب يالله دخيلك

كذا أنكتب نعيش حاله من الرعب
مابين شك وخوف صبحك وليلك

نمشي مع التيار من وين ماهب
وأترك عـّـنك من قال قلبك دليلك

أن عشت في نيه تحارب وتـنسب
ولاعاد تلقى بالاوادم خليلك

ياللعحب ويش العجب ؟ لا تعجب
لو ماتجامل صاحبك مايجيلك

**راكانو** · 13-06-2011 10:50

واعيني اللي كل ما ذعذع من الغربي هبوب
يحلى لها لون الغروب اللي يذوب قبالها

وياويل حالي كل ما يحلى لها لون الغروب
تطري لي الريم اللعوب وسالفة ترحالها

وعزالله اني كل ماتطري لي الريم اللعوب
حرمت امد ايدي على حاجه وانا ما اقوى لها

من سافرت ريم الفلا صديت عن كل الدروب
ماهو قصور بـ العذارى بس ذيك لحالها

من فارقتني ماخطف قلبي من الحور محبوب
ولا لقيت الجادل اللي تستحق احيا لها

لأن القلوب ان ما وفت لأحبابها ماهي قلوب
والعشرة اللي ما ترد الروح ما نسعى لها

اما الوفاء اللي يستر الرجال من كل العيوب
ولا الجفا اللي يستر عيوب العرب في رجالها

ماقسى من فراق الجنوب الا فراق اهل الجنوب
ويلي على اللي كل ما تزعل تشد رحالها

اللي مغيرها العتب لا شبت بصدري شبوب
عييت اراضيها وهي عيت تطول بالها

كانت معي مثل النصيب يحدني من كل صوب
كانت دروبي من متاهات الضلل لظلالها

كانت هروبي لا شعرت اني بحاجه للهروب
كانت سماي اللي ليا ضاقت علي ألجأ لها

ليه تحداني وانا في كل الأحوال مغلوب
ليه حرمتني من قهر عذالي وعذالها

ليه تجاهلني وانا ماني جبان ولا كذوب
ليه أرخصت دمعي و انا اللي ما بكيت الا لها

ما ترحم اللي له سنه كنه على النار محطوب
ما هزها دمع الفقيد اللي بكته اطلالها

ما خافت تهدم السنين اللي بنتنا طوب طوب
ما فكرت تشفق على حالي وترحم حالها

قولوا لها لو ماتــتوب انا بخليها تـتوب
قولوا لها ان ماعنت لي مستعد اعنا لها

ان دمحت لي هالخطا بدمح لها كل الذنوب
وان جابت الحسنه معي تبشر بعشر امثالها

افرش لها صدري وطن واجمع من ضلوعي شعوب
وارقى لها المكانه اللي محدن يرقى لها

وان كاني مخطي فانا ماني خلياً من العيوب
الذنب يغفر والبشر تجزى بقدر اعمالها

البعد قاسي والفراق يضيق الصدر الرحوب
وانا تعبت ادور الحيلة وأرد احتالها

قولوا لها ترجع ترا ماني على الحزن مغصوب
ولا ترا نذراً علي انه مهوب اشوى لها

اما تجنب هالهبال وتترك البعد وتـتوب
ولا بتبشر بالهبال اللي ماهوب هبالها

كافي زعل ترى الظروف مقفله من كل صوب
وانا حملت من الهموم انواعها واشكالها

يكفيني اني كل ماهبت على صدري هبوب
تحنّ عيني للجنوب وتلتفت بلحالها

والمشكلة اني كل ماحنت عيوني للجنوب
تطري لي الريم اللعوب وسالفة ترحالها

وعز الله اني كل ماتطري لي الريم اللعوب
حرمت امد ايدي على حاجه وانا ما اقوى لها