هل اعتذار الرجل للمرأة ينقص من قدره

[الجازي]

^
^
إلا صحيح على طاري المسط والمحط بعقال وخيزران

متى ممكن يسويها الزوج مع زوجته !!؟

لاتقول إذا فورت دمه

أبي أمثلة مثل إيش !!؟



شموخة تراني أمون عليتس وعلى مواضيعتس يالغلا

[الاصمعي]

قبل العقال عبارة من ست حروف تعتبر كلمة السر ان واصلت تحديها بعدها جاها العقال ولا أقرب شي تاصله يده

[الجازي]

طيب وش نوع هالعبارة

هل هي فعل أمر مثلاً

بعدين سؤالي عن أمثلة على الحالات اللي تخليه يقول العبارة قبل العقال

[الاصمعي]

العبارة طال عمرك ((وبعدين ))<<تمد الياء ثلاث حركات مع تطيير العيون

أما الأمثلة فاتركها للشباب الي يتعاملون به مع زوجاتهم أنا ديمقراطي أقول وبعدين وأقفي عشان ما أنتقل للمرحلة الي بعدها

[عبدالله الجعيثن]

^

شرحك سرى...




والقرآن عطانا الحل اللي احسن من العقال

[دموع الذهب]

عوذه هي السالفه به محطات و مخطر ؟!

الا جد والله سؤال ذكي ليه الرجال يمحط مرته ؟

وش اللي يطير مخه بهالدرجه ؟

والله سؤال ما عمره خطر على بالي

[أبو فهد]

والله بعض الزوجات ما يكفيه عقال












<<<<يبي يشبها







لكن وشو اللي أقوى من العقال











اعرس عليه





<<<<يملا البلش





------------------
أبو فهد الهمزاني

[سالم الظفيري]

دموع ترى في بعض الحريم تطلع الرجال من طورة

تطول صوتها على رجلها او تسمعة كلام وهو مضغوط من الداخل

يقول شي وهو لايعلم وش قال



فيه بعض الحريم ماتقدر ترى


اخوي ابو فهد


المثل يقول طق النساء بالنساء ولا تطق النساء بالعصى

[شموخ شمالية]

.
.


الجازي



خوذي راحتس ياجدي
الموضوع موضوعتس ..




الصراحة سؤال رائع ..

فعلآ وش اللي يخلّي الرجل يضرب زوجتة
وأيش اللي وصّله لهالمرحلة



نبي الجواب الصريح من الرجال ..!!

[الجازي]

بما إن سؤالي صار رائع

فأنا أطالب بالإجابة عليه إجابة وافية وشافية بدون لف أو دوران

أنا حقانية وقفت في صفكم يالرجال وقلت وشوله نطالبكم بالاعتذار

بس عاد يوم جت سالفة المحط والمسط لازم تتفاعلون معها وتقولون لنا وش اللي ممكن يخليكم ماتشوفون اللي قدامكم وتمسطون هاللي تقوطر رقة وأنوثة بالعقال أو الخيزرانة أو العصا

*
*

أما سالفة طق النساء بالنساء ولا تطق النساء بالعصا

فأنا أقترح عليكم قبل ماتطبقون المثل تشاورون حريمكم

وهم بالخيار ياتنطق بمره والا تنطق بعجره

والأكيد إن الخيار الأخير هو المحبب

الاصمعي

بالله وشوله تقول وبعدين دامك بتقفي

تسان مقفي من أول

ممنوع التهرب من الجواب

وترى لو جاوبت مو شرط إنك تكون مطبقه لكن نبي تذكر لنا وش ممكن ينرفزك ويخليك تطلع عن طورك كزوج بسبب تصرف من الزوجة !!؟

مافيه أحد معفي من الإجابة

الله يرضى عليكم نبي نقاش وحوار مفيد يستفيدون منه بنات المضايف

وخصوصاً المقبلات على الزواج

ترى فيه دفعة ماشاء الله هالسنة محتاجين دورات تدريبية للتعامل مع عريس الهنا

وأنتم ماتقصرون

شدوا حيلكم

وهاتوا اللي يعكنن عليكم وفضفضوا <<< طبيبة نفسية