طفــلــة القبـــر
لو كــــان مخزون الشعر في داخــــــل فوادي عقيم
واحساسي الشعـــــري يعاني من معاني الإحتضار
لابــــــد مــــا ينبض ويحكي قصة الغـــــزو الغشيم
لو طــــــاحت عيونه بمنظر طفلة"ن" تبـكي انهيار
هي صـــــورة"ن" هزت كيان الشاعر الفذ الزعيم
تشـــعل فتيل الشعر ترقب مــــن هواجيسه شرار
يمه صـــــبـاح الخير يـــــلا باص مــــــدرستي يهيم
يـــــلا تــــــــــعالي لبسيني وادعـــي الله بـــالنهار
مـــــريولي يمه والدفــــاتــــر والــجبن كـلـه ســــليم
والبوسه بـــــــاقي والـــــوعد أرجـــع ولاقيج انتظار
حــــــان الرجـــــوع ولا رئيت امـــي وقلت الله عليم
يمكن نست خلني أدق الباب واصبـــــر ع اللي صار
يمـــه تــــرى الشنطه ثقيله واتعــــــبت حيلي الرخيم
يمه دخـــــيل الله كـــــافي صـــرت اعاني من الدوار
من بعد خطوه قــــال جاري وبصدى صوت"ن" أليم
بنتي تـــعالي لا تنــــــادي راحـــــت امـــج للديار
يا جار قــــولي دار منهــــــو دار عمــتي أم كـــريم
ولا في بيت الجـــــد أحمد ولا جــــــارتنا انتصار
يا بنتي أمــــــج في ديــــــار الخــلد في دار النعيم
واللي قــــتلها كنـــه الا بينها وبينـــــه حصــــــار
كانوا ثلاثـــــه وكــــل منهم في طرف عينه جحيم
وبلحظة"ن" أسمــع رصاص وصوت أمج يدوي نار
يا جار خذني لقبــــر أمـــــي زاد بي طعم السقيم
واتركني حدها أخـــزي راسي وابكي من ظلم الكبار
يا يمه قومي مــــا تعبتي ما شبعتي مـــــن الجثيم
قومي ووعد اني اصلي واصحى بدري من الصــغار
يــــــا يمه شوفي جبت عشــــره والمعلم قال ريم
بكره تعـــــالي وجيبي مـــامـــا قالها بكل افتخار
حتى الجبن يا يمــــــه كلته وقلت باسم الله الرحيم
غسلت إيـــــدي وقلت ربي أســـألك حسن الجوار
يــــا ليتني يمــــه مــا رحت المدرسه لجل اللئيم
يذبحــــني وابقى حـــدج بجنة نعيم اهــــــل الوقار
هذي حكاية صــــورة"ن" من ألف من صور اللطيم
وبكل صـــوره وكـــل قصــــه ينشعل قلبي مرار
يا أمة الشعـــــب الأبي وش ذنبــــه الطفل اليتيم
مـــا بين طلقه وبين صرخه عــــاش والدنيا دمار
هو حالنا في ذا الزمن يا كود هو حــــــال"ن" عظيم
والحــــال يرثي حظنا والذل يـــــكسينا بعار
مــــا ودي إلا أطــــلب الأيام لـــو هي تستقيم
دام العــــرب مــــا همهم رد الأذى والإعتبار
رد مع اقتباس
المفضلات