[ ::: ســـــــــــارا الــــــريــــاض ::: ]

[الجازي]

^
^
دامك رديت هالرد

ماهقيت إنك مطلق الشفاية

أجل باتسر ببلاش !!

الله من يأجل عرسهم للسنة الجاية

عشان نشوف الشفاية توصل الشرقية والا تعداها لإيران

[ســــارا الرياض]

سؤال حصري للقديرة الجازي
هل
الشفاية = الفضول ؟!!
ما مرت علي قبل وبس من سياق الجملة توقعت

صراحة أنا من اول اعرف ان التشفّي بأحد وهي الشماتة
مع أني عارفة ان مالها مقام هنا وقلت يمكن منها الشفاية
و
ودي أضيف ذى الكلمة للدكشنري مالي
بس حابه قبلها أتأكد
وخاصة انك دايمن تكرريها قلت أكيد ضليعه
في ذى المصطلحات
/
مشكورة مقدماً

[الجازي]

مامرت عليتس !!

معناها المعرس مهو من حايل ولا من أهل الشمال خخخخخخخخخخخخخ

بنشب لتس ياسارا لما تعلميني ههههههههههههههاي

يابعدي اعذريني والله ترى مو من طبعي الشفاية بس جازت لي اللعبة <<< ايه هين

صح عليك يالغلا

الشفاية يعني اللقافة يعني الفضول

عاد لاتحرجيني أكثر من كذا

حسيت إني أسب في روحي

ضيفيها للدكشنري مالتس وأرسلي لي اسم المعرس عشان أضيفه للدكشنري مالي

حسبي الله على ريومة والله إني توهقت بسببها

تامرين على شيء يالغلا

تدللي بما إنك عروس المضايف

[ســــارا الرياض]

مشكورة يالعزيزة الجازي بما انك علمتيني
/
وبما انك يالجازي طلبتي الدلال
إيه اريد منك شئ طلبته من ام طلال وشكلها يا نست يا تناست
وهو اذكر قبل سنة يمكن او قبل كم شهر موضوع عن التعدّد
وصراحة لا أخفيك نفسي اعرف بعض العرب وش كانت وجهة نظره اذا
له تعليق وبعدين أكيد سهل بتعثري عليه لأنك ربما مشتركة في ذى الموضوع
وبس
وايضاً شكري مقدماً
/
بالنسبة للاسم
مع اني اشوف عادي صار معرفة او نكرة
ومو اول اثنين ننخطب والا اول انسانة تنحطب
لكن عشان تنقص نسبة الفضول
اول حرف من اسمه هنا بالمضايف هو اول حرف في اللغة
وصح اني ما استأذنته بهذا الافشاء بس لازم يقدّر
كيف سر بين حريم وش بيكون مصيرهـ
وتبشري بعد كم يوم بعطيك الحرف الثاني بس ذكريني
بشرط تعطيني رابط الموضوع

سلامي يالغالية

[الجازي]

خخخخخخخخخخخخخخخخخخ


يابعدي تامرين أمر

موضوع وعن التعدد

تسان المعرس هو اللي ببالي فهو سبق له الرد على هالموضوع

<<<<<<< تسمع بالابتزاز


طيب ياقلبي مواضيع التعدد كثر التراب في هالمضايف

فأرسلي لي اسم المعرس عشان أسوي بحث خاص بطريقتي الخاصة

أرسليه عالخاص حرقاً لشفاية الباقين <<<< طلع عرق النذالة

عموما أنا شبه تأكدت منه وإذا تبين أرسل لك اسمه تكرم عينك

بالتوفيق يالغلا لكم

[ســــارا الرياض]

طبعاً هو يقول انه ضد التعدّد
ويقول دايم ينصح الاخرين ويبين لهم سلبيات التعدّد
فهذه نقطة محسومة لصالحه
بس حابه أتأكد من مواضيع عفى عليها الزمن
نقيس ونشوف الكلام هل هو مطابق لما تم تدوينه في وقت الرخا
/
لا تنسين يالقديرة الروابط
وانا صراحة أحسبه رابط واحد
فإذا اكثر من صالحي

[ابو فارس]

اويله ويلاه

اجل نقيس ونشوف؟


برسل لابو سلطان
حذف اي موضوع عن التعدد
او حجب التصفح

حفاظا على الامن

[الجازي]

ههههههههههههههههههههاي

سارا

وش دعوى

اللي أوله شرط آخره نور ,, أرسلي الاسم عشان توصلتس الروابط

واذا هو اللي ببالي <<<< بصجكم بهاللي ببالي

فهو كان دبلوماسي وسياسي محنك في مثل هالمواضيع

يعني ماتاخذين منه حق ولا باطل


<<<< شكله بيحقد علي عقب هالرد

سوسو يابعدي

عشان ما أحرجك أكثر

سوي بحث على اسمه في مواضيع الأسري بتشوفين له ردود في مواضيع التعدد وتتأكدين بنفسك من مبدأه

[متعجب]

مبروك يا سارا

الف مبروك

[شموخ شمالية]

.
.


سوي بحث على اسمه في مواضيع الأسري بتشوفين له ردود في مواضيع التعدد

>> راحت تنخل الاسري نخل