يامرحبا ياراعي الدار حياك
بقلوب شعبك يازعيم الزعامه
الشعب ياأبو الشعب يفرح بلقياك
فرحان بك وبعودتك بالسلامه
الشعب كله بالشوارع تحراك
كله وفا،،،، كله غلا،،، يا إمامه
مافيه يمنى تعتلي فوق يمناك
ياللي فرض عند الجميع إحترامه
نجدد البيعه وبالروح نفداك
ياخادم البيتين رمز الشهامه
خلدت بالعالم وبالعلم ذكراك
وحطيت في قمة جبينه علامه
من بعد ربي ياأبيض الوجه لولاك
كان العرب هانت وقل إهتمامه
لكن رأيت وحقق الله رؤياك
وشعبك لهم في دولة العلم هامه
شعبك يحبك حب ويجل مسعاك
ويبجلك تبجيل عز وكرامه
ممشى هل التقوى والإيمان ممشاك
كلك تواضع ماتجيك الملامه
لو الشعوب تولع إضراب وعراك
ومظاهرة تخريب غطى ظلامه
حنا معك درعك وسيفك وشلفاك
معك رجالن ماتعرف الندامه
نبيك وتكفي سماحة محياك
ولانرتضي غيرك ونسمع كلامه
ياكافل الأيتام يازين طرياك
عون الفقير ومسنده بإنعدامه
شف الفقارى وده تحب يمناك
ولالوم شعبك دام حبك غرامه
هلا بشوفة سيدي لاعدمناك
شعبك بخير برجعتك بالسلامه
رد مع اقتباس
المشاركة الأصلية كتبت بواسطة سالم الظفيري
المفضلات