قصيدة حزينة ؛ موجودة بجوالي لقيتها وانا ابحث عن قصيدة منصور الرمالي
للشاعر / مشعل حمود العازمي
البارحه ياحسيـن مركـاي كوعـي
من العشا الين اذن الفجر يا حسيـن
ما غير اسلـي خاطـري بالدموعـي
مثل الذي من يقضي الديـن بالديـن
وكل السبب طيري حسين الطبوعـي
النادر اللي شوفتـه تطـرب العيـن
اللـي ليـا منـي نهمتـه فزوعـي
مثل الشجاع الـي نهمـوه القريبيـن
قمـت اتـذكـر تلـتـه للطلـوعـي
بخدن قنصنا فيه حـروة اسبوعيـن
مدري ثمان ايـام معهـن اسبوعـي
لا شك كنهن يا ابن الاجـواد يوميـن
وفي تالي المقناص يـوم الربوعـي
اتلى العهد به راح يلـوى الجناحيـن
اقفى وراء خرب ٍ مصقـر جزوعـي
متذير ٍ واردفت مـن عقبـه طيريـن
وسقنا معاهن وسـط خـد منوعـي
اقف ٍ شمال ومبعـدات عـن العيـن
الخرب صامـل والنـداوي قطوعـي
وحال الوعر من دونهـم والشعيبيـن
وقفت ادربل ميـر مامـن اسنوعـي
وقالوا جهاز الطير ما نسمعـه زيـن
واجهدت رجلي بكل رجـم ٍ رفوعـي
ارقى والوّح وادبل الصـوت صوتيـن
وما قصروا وقـت المنافـع ربوعـي
واخذت في جـو القطامـي نهاريـن
لاشك طيري مـا نـوى للرجوعـي
وانـا بعـد حـدرت يـم البـلاديـن
ما كان ودي ان المفـارق فجوعـي
ليتـه موادعنـي سـوات المحبيـن
الله يلـوم الطيـر بعـده يلـوعـي
خلاني اسهـر والمخاليـق ممسيـن
عساه يسلم مـن يديـن الطموعـي
اللي على النشـاد يخفـي البراهيـن
والا الرجال اللـي تعـرف السنوعـي
تلقى على حجله مع السبق رقميـن
والا عسـاه ابنـازيـات التلـوعـي
ورزقه على اللي خالق الناس من طين
ومما جرى يا حسين قلبـي قنوعـي
لو كان عقبه خاطري صايـر ٍ شيـن
هذا والفقيدة طير اجل لو فقيدته آدمي تسان .!!
اتمنى تكون اعجبتكم يابعدي
رد مع اقتباس
المشاركة الأصلية كتبت بواسطة راعي الوقيد
<<<< تذكرت اهلها 
المفضلات