ثاني اسابيع القصيد .. الليالي ،، !!

**سالم الظفيري** · 11-05-2011 22:01

الليالي ود وأحلامي تعب
والعجب ما بين ليلي والمنام

إن سهرت شْوي حيّرني العجب
وإن غفيت أصحى من الغفْوه حرام

**سالفة عشق** · 12-05-2011 17:01

الليـلـة هــذي واضـحــة لـيـلـة فـــراق
حــاولــت أعـديـهــا وعــيــت تــعــدي

ظــروف مــا تنـطـاق ولا راح تـنـطـاق
صــد الـقـدر مـاهـو بـصــدك وصـــدي

**سالفة عشق** · 12-05-2011 17:06

آآهـ من ليل التجافي مطوله
ليلة العاشق ثوانيها عذااب

رااعني لاجل الليالي الآوله
آآهـ انا مليت من ذل السؤال

**سالم الظفيري** · 12-05-2011 22:57

مـهـمـا الليالي و الزمـــــــــان امتحنــــي
لا صد بي وقتي فاأنا مقدر أنســـــــــــاك

وإن صد بك وقتك عساك متهنــــــــــــــي
فاأنت البعيد الي عيوني تمنــــــــااااااااك

عذري ليامـ(ن) جاك و العذر منـــــــــــي
ويقبل معاذيري كريمـ(ن) شـــــــــــــرواك

**جمران** · 13-05-2011 01:31

ليالي العيد بانت من عصاريها
ماقلت لك من مظاهرها مخابرها
اللي بدا بك يثني بك مشاريها
توارثوها أباً عن جد أكابرها
الاولي ماترك الا مواريها
التجربه خَطة الحكمه محابرها
غصت البحر قبلك ودجنا براريها
أسري مع الجدي والقيعان شابرها
كم ليلة جيت أنا والذيب ساريها
أقنب قنيبه والعن جد طابرها

**ابو ضاري** · 13-05-2011 16:05

عقبـال ماتمضـي الليالـي والأيــام

ويمر يوم ٍ فيـه اشوفـك تقوليـن : ..

ياشاعـري قـل للدفاتـر والأحــلام

مرت سنـه واليـوم كملـت عشريـن

قلّي كبرتي .. قل كبرتي .. من العام ..

وأنا احتريها .. وأنت ساكت لهالحين ؟!

وأقـول هـذي كلهـا حسبـة أرقـام

هو للسحابه عمـر !ردي ؟!وبعديـن ..

مهمـا تكـبّـرك الليـالـي والأيــام

تبقيـن طفلـة قلبـي اللـي تحبـيـن

**سالفة عشق** · 13-05-2011 21:12

عيّد بي غيابك سنه والليله من العايدين

لاعاد عيدك يالجروح اللي بقلبي من دهر

**سالم الظفيري** · 13-05-2011 22:06

ظليت اسامر صورتك لاخير الليل

الله يسعدلي مساك وصباحك

**ليلى بنت عبدالعزيز** · 14-05-2011 00:45

ماعاد فيني .." أبتسم " مدام هالدمعه . [ سلاح ]
ماعاد فيني أبتسم وأخفي ! همومي والحزن !

ومدام فكري أقتنع يرفض مبادئ..هالكفاح
بأقتل شعوري وأدفنه وأخلي احساسي كفن

| ياليل |
تكفى ضمني .. ماعــاد فيني للجـراح .!!
| تعبت |
أجامل وأنتظر .. زود المصايب والمحن .!!

**ليلى بنت عبدالعزيز** · 14-05-2011 00:48

أحس بظلوعي قفص والطير مكسور الجناح
وأحس .. بعيوني .. دمع مسجون .. في داخل جفن

والليل قرب ينتهي ويزول في وقت الصباح
وانا وليلي نكتفي بس المواجــع ما اكتفن

ماعاد لأسراري بلد والحزن دمرها وباح
ولاعاد فيني أبتسم وأخفي همومي والحزن