يكفي سكوت .. وقرب الحبر والبوك
نبي نجمل بيض الأوراق بالفن
دام القصيده بنت فرسان وملوك
وكم شاعر(ن) لخيوله الجامحه عن
إن مالفاك البيت مملي ومحبوك
نذر(ن) علي مالحنه يوم ألحن
صحيح أنا صغير.. لاكن وأنا أخوك
ما استخدم الإنسي ولا استخدم الجن
أسند على يمناي ماني بمعكوك
ضربـة معلــم بالبيـوت يتفنـن
ولاتحسب إن الشعر للفاضي علوك
ولاتحسب إني منطرب يوم أدندن
الشعر ماجاء من وساع(ن) على البوك
بدايته ياجـرح... ياهـم محزن
شي(ن) عليه الصدر بالقفل مصكوك
نكنها ليـــــن المشاعر تـوذن
جمر(ن) لهيبه سم...ودروكه دروك
ألا يحمس صويحبه حمسة البن
وأنا ليا سمعوا كلامي ونادوك
وقالوا: قصير اللي تخبرونه إنجن
ياما وطت رجلي على الجمر والشوك
وسكت ليــن الشعر من ماحصل ون
قبل نظامي كل مشروك مبروك
وإدمح خطايا صاحبك وأحسن الظن
والحين إقول مسايس الناس متروك
والسوس طبه لاكثر شلعة السن
لابوك يارجل(ن) بلا راي لابوك
ولابوك يارجل(ن) عن الطيبه كن
اللي يطيع الناس للكل مملوك
يصيـر لعبـه في يديـن المـجـنـن
الله ولا ثوب(ن) من الذل محيوك
والذل ماله مع هل العزم مسكن
والشعر بالإحساس والعقل مسبوك
بــه الجبـال النايفـات يتثنـن
الشعر أدب وأفكار والدرب مسلوك
وجزالة الأبيات ماهي على السن
الشعر مسجد بالمصلين مضكوك
ولابــد للمسجد إمـام ومـؤذن
والقبله المعنى بلا زيف وشكوك
وصف أو غزل.. على حسب ماتلحن
وأنا معي للجزل ميثاق وصكوك
والشعر عندي طب هم(ن) تفرعن
لامن قراه الشاعر يصير مربوك
ويزيـد عـزم وفهـم ثـم يتفنـن
لي بـه مثل ماللروافض بكركوك
يسوى البشر عندي بعد يمكن أثمن
رفيق عمري بالمعاليق مشبوك
نـديم فكـري وبخفـوقي تمكــن
ياما مشوا دربك وعجزوا يجاروك
ويامـا ويامـا للجزايل تلحن
وإعذروني على إنقطاعي عن المضايف
رد مع اقتباس
مشرف مضيف الترحيب والتعارف
المشاركة الأصلية كتبت بواسطة سالم الظفيري
المفضلات