أم طلال.. وش تبين من حلقي
السلام عليكم
صباحكم رضا وسعادة وراحة بال
ياعزوتي ماادري شلون أبدا على أني مشغولة بزواج صديقتي الليله بس
من وجع تسبدي قلت الا أعلّمكم وأنخاكم أنكم تاخذون حقي من ريمووووه
أيه ريم أم طلال
مدري وش تبي من حلقي
كل ماأدخل المنتدى الا القى لها رساله ع الخاص هاه وش سويتي .؟
شلون أمورك
شلون أمتس
وش أكلتي اليوم
شنوح ركنتس هاتس مهو عاجبن هاليومين
شنوحتس بردتي ماعاد تكتبين
عيّفتن حياتي
ياشين لاصرت مشهور والكل متابع لك
عجزت لاأطلع من بيتنا أخاف أني مراقبة من هالمجرمة
ومع هذا تقول أنتظريني بجيك بحايل قريب
ياربي هذي وشتبي من حلقي
وآخر شئ واللي خلاّنن أموت وودي أترك المنتدى ذاك اليوم كانت معي
ع المسن وسولفنا ع المايك وكل شوين تقول أنقطع الصوت
أيـه أرجعي لمكانتس
لالا مو هنا ...أيوووه وضح الصوت
وربي حسيت أن راسي برج أتصال كل شوين بطيح من ع الكنبة
ومع هذا تضحك علي تقول أخبر الواحد لاخرب عنده شئ بالجهاز يحرّك الجهاز مو راسوه
عاد أنا من هالمنبر
وأوجه الكلام لشيخ الفلاوية شبيثان وأنخاه أنه ياخذ حقي
من هالمجرمة اللي أشغلتن وخلتن أحاتسي روحي
عاد أنتم قرروا وش تكون عقوبتها وأنا راجعتن لكم باتسر تسان الله أحيانا
وأعلمكم بعد بأخبار العرس
.
.
المشاركة الأصلية كتبت بواسطة الشبث
المفضلات