الله لا يصبحكم الا بكل خير
ياخي مدري ليش وجهي طولان اليوم
صايرن تقل سطل
الظاهر اني نيم على وجهي البارح
تصدقوني اني ما عرفتني من شين زيني
الله يالقنص
متعه
تحس انك تاكل من عرق جبينك ياخي
يبيلك بس ريالين خبز والباقي مجهودك
اتفنا مره انا واثنين من العيال نبي نروح نقنص
حديهم وجه نكبه وقليل فود
اتفقنا من الفجووور نمشي
وسواقنا قليل الفود
ويمروني الفجر توي قاعد
يالله بساااع اخلللص رااح علينا الصيد
اخسس وش عندوه
اللي يسمعوه يقول الطيور تبي تنقرض من عملوه
اصلا هو سامحين لوه حقين الحياة الفطريه بأي وقت يقنص
لانوه ما يشكل اي خطر على الحاية الفطريه
المهم رتسبت معهم
ومشينا
قلت للسواق يا فلاان مر الصرافه بالله ابي اسحب فلوس
قال
هه هه هه
<< ضحكه بشماته وناقدن علي
قال وشوله الفلوس
قلت سبحان الله يمكن ما نصيد شي نشتري غداء
قال يوووووووه انا وش مخليني اخذ هالخكري معي
قلت من تعني بالخكري
<< ماسكن القلم بيدي ابي اطعنوه
قال فلان
<< يعني خوينا الثالث
قلت يا فلاان والله مخباي مابوه الا ريالين
قال حلووو
ريالين حق خبز علشان نشوي الصيد وناكلوه بخبز
قلت يالله مشينا
وحنا نروووح
ونبعد
وصلنا ديار ما حولنا الوالي
قلت يا فلااان انت تدل
قال افا عليك
انا يلقبوني القارمن
قلت اقووول امش وانتس ساكت الله يستر من تاليته
ونقوم نفتر
وندوج
مافيه شي
ونفر
وكل شجرتن نراعي له
وكل سدرتن مارينه
مافيه ولا حركه
يا فلااان وين الصيد
قال ياخي الاسبوع اللي فااات مليت السياره ملي << وزز
ونفر لين صارت الساعه 2 الظهر
قلت يا فلان واللي يرحم ابووك دور لنا لو نمل نبي نحمسوه وناكلوه
ونقوم نفتر
بالاخير اقر بذنبوه
قال يالربع
نبي ندور بقاله نشتري بهالريالين خبز ونسوي شاي
وماعندك احلى من الخبز اللبناني على الشاي
قلت هذي تاليته ؟
ونروح
ونلقالنا محطة
وننصااه
وانزل ابجيب خبز برسالين
واقوم افر بالمحطه شوي
واسمه صوت
بق بق بق طععع
واسمع خوياي يطنبوون
شبيثاااااااان بساااع تعال بساااع
وانا اشري خبز وارتسب معهم
وهو يطييييير السواق
يافلاان وش العلم
قال اصصصص
وداااااعس
ليما ابعد عن المحطه
وانزل
قال يالله يا فلان نزل الصيده
واراعي بحوض الددسن ولا صايدين ديتس حق عمال المحطه
عليه رقبه شي
والله وننتف ريشوه ونشويه
والطعم على كيف كيفكم
خصوصا بالخبز اللبناني
طالع تقل طعم طاقيه
وتقلدوا تحيتي
رد مع اقتباس
المفضلات