اوقات الامطار
وايام الربيع
تزين الارض ويطلع الناس للبر
حيث ان البر بريره والهم بالديره
وبسنتن من السنين كانت الارض ربيع وخضراء تخرع من زينه
ورحنا للشمال
ابوووتس يالارض يا زينه
كل شوين اطلع راسي مع الدريشه واششششم هواء
ياااااه
اثرينا نتنفس كيروسين كل هالسنين
المهم جاء عمن لي وقال باتسر ان شاء الله نبي نروح يم الغنم ونتغدى هناك
وكل عماتي وعمامي يبون يجتمعون
والله والحلااا ابوووتس يالفله
كنت بريعان شبابي
وجتن الدنيا من اقصاه لادناه بهالخبريه الطيبه
يعني باتسر راح اشوف الخضره ( الفياض ) والماء ( الخباري )
والوجه الحسن ( هالمزين اللي يبن يتقامزن بهالفيضه )
وامر اقرب بقاله واشتري كوره
ناااوي النذخه الله لا يعوق بشر
والله ونجي موقع العزيمه
ياربي يا زين الارض ما شاء الله
هالفياض
وهالنوار
وهالعصنصل << وش دخلوووه
واروح اتمجغل شوين بهالفياض انا وعيال عمي
واحد منهم قال عيااال شرايكم نتسابق
مسوي فيها سعيد عويطه هو وصوابروه
بالله جو سباق ياخي
كل عمامي وعماتي مجتمعين
اكبرهم عمتن لي عجيزن وجهه يجيب الهم
لو ابسوي له شد لازم اخذ قرض سكني يالله يكفي خشته
وكل عمامي وابوي يحترمونه حيل
المهم
ونتغدى
وبعد الغدى بشوي وانزل كورتي من السياره
ابوي كان جالس وشابن النار وعندوه دلالوه
مسوي فيها ابن مهيد
وعمي اللي عازمنا راح لغنموه بفيضه ثانيه
والباقين جالسين بوسط الفيضه يسولفون
وانا جتن اللعانه
يوم شافن ابوي نزلت الكوره
قال هيييه فودااان اندزلع هنااااااا لا تكسرنا انت وكورتك
يوووم قهرن
احس بحرارته بتسبدي
شكلوه متعمد يبي يحرجن قدام البنيوات
قلت هين يا القديم اشوف كلامي ولا كلامك يمشي << اخسس
وانا اقوم ادقدق بالكوره قداموه
قال هييي شبلااك ما تنقلع
وانا اشوت الكوره ابيه تروح وراوه للعيال
من زين البخت وهي تضرب رضمه وتنقز وتصفق الدلال
يالقهوه متطشرتن عليه وحايستوه
المشكله الحين يحسبن متعمد
قال اخوووو فلاااااااااانه
وهو ياخذ من هالرضم
وانا انحااش
ويلحقن
وانا اطير
وهو يطير وراااي
مدري وين اولي
وصفق الرضم يميني ويساري
قلت اهاااا مافيه الا عمي عند غنموه ابدخل بوجهوه
وانا اطير يم عمي
يوم شفتوه ولا عند غنموه
وانا اصيح عمممممي بوجهك
وابوي وراااي يصيح حدوووه يابو فلااان حدوووه
واراعي لعمي ولا الرجال يلقط من هالهوادي
وهو يقوم يتهوداني
قلت ما يبيله ابنصى عمتي العجيز ديانا كرزون على غفله
واطير
وهم ثنينهم لهم نهيت وراي وانواع القذائف
يوم راعيت ولا هذا عمن لي ثالث راتسبن الددسن ومعوه عمتي ومااشي
يبي يوديه لبيته
وانا اطير كل قووووتي وراهم ابي اتعلق بالددسن
من السرعه الهواء قطع ملابسي ما بقي الا التكه << وووزززز طع
واتعلق بحوض الددسن وارتسب
واراعي لابوي وعمي وراي
وانا اصيح
يبببببه سلملي على امممي وافلقن اذا شفتن ثاني مرررره
نسيت ان اللي بالددسن اخوهم الصغير
وهو يمسك بريك
ويديور يمهم
ويدعس بسرررعه يمهم ما يبيني اطبدز
حسيت ان جلدي تقشر من الفشله
مهو الفشله
الانحراج او مادري وش يقولون له هذيتس الخررعه
ولا انا خلقه مابي حيل اركض
ويوقفن عندهم
قال ابوي انزززل
وانا اجلس بالحوض
قال ابوي شبلااك انصقهت
انزززل
ولا حركه
وهم يرتسبون معي بالحوض
وانا ابتسي
ويكمخووووني
وانا لي جعير
ويالله عمتي فكتن منهم
وارجع للمخيم اعوووذ بالله
حالة وزا
كل العيال ينذخون الا انا طايحن حظي مربوط عند الدلال اغسلهن
نقلدوا تحيتي
رد مع اقتباس
المفضلات