صـــورهـ & قــصــيدهـ

[al-shmaly]

مابين وفاء و... يالله عسا خير
دايم خفيف الدم يصبح ضحيه
مثل الغزال اللي رمته المقادير
وصار النمر من كبر حظه خويه
لا واهني من له جناحين ويطير
ولا بلاه الله بشر البليه
السالفه ماهي سوالف وتعبير
لا واهني الطير لا وا هنيه

</B></I>

[al-shmaly]

[ ضايق ٍ] و أعرف علاج صدري ليا ضاق
|| سورة ٍ || تفرج هم، ، وتزيد قدري ~

شيلوا القصايد / و الدفاتر / و الأوراق
و هاتوا لي[ القرآن ]لا ضاق صدري

[سالم الظفيري]

كثرت في وصفه وانا ماعرفته ===== تشابهت برق العبي والوصي تاه

وارد نبيه اللي شريناه عفته ====== وبشت وصفته ماهقيت اني القاه

وخذ الكلام اللي تعبت وقطفته ===== ومن عقب هذي لاتروحلي وصاه

[سالم الظفيري]

يالعاشق اللي عشقت لويبسات الزمام

لاتحسبـن الهــوى لعبه تسلابـهـا

تعال اخذ درس مجاني واخذلك وسام

يكفيك مـن مشكله من قبـل تبـلابهــا

العشق سم الكبود وكل مامنه سام

لو كــان اله بهجتٍ حلـوه ويبــدابهــا

[al-shmaly]

ياطير يا طير ياطير السعد يا للـي تـرف الجنـاح
لا واهنيـك ليـا ضاقـت عليـك الأرض خليتـهـا
وإن رحت وإن جيت ياطير السعد تسبق هبوب الرياح
وأظن ما فيه ديره فـوق وجـه الأرض مـا جيتهـا
ما نته بمثلي تجي وتروح ما يصعب عليك المـراح
لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح
اللـي علـى شانهـا الاقـدام عنتنـي وعنيتـهـا

[al-shmaly]

ياما حلا الفنجال مع سيحت البال
في مجلس مافيه نفس ثقيله

هذا ولد عم وهذا ولد خال
وهذا رفيق مالقينا مثيله

ياليت رجال يبدل برجال
ياليت في بدلا الرجال حيله

يابوهلا طير خبث البال
الطير نزر والحباري قليلة

يالله ياللي طالبه مابعد قال
ياللي من الضيقات نجي دخيله

[al-shmaly]

تذكـــرت شــــيبان لنــــا يوم حنا بزور
يحثوننا بـــالطيب والفرض والســـــنة

لوعاشــوا حياة قاسية في بحر وبرور
عســــى الله يعوضهم بما فات بالجنة

لــــــو دورن مضى ويــن ذاك الدور
زمـــــان مضى لــــه ذكــريات يحلنه

يوم الذهب ما يلبسونه بدون خصـور
جمال النسا ما هو من السوق يشرنه

فقدنا حياة البدو مع شوفة المظـهور
ولا عاد به بدو ولا الطرش لــه حنه

</B></I>

[سالم الظفيري]

جعل السحاب اللي معه برق ورعود
يمطـــر عـلــى دار وليفـــي سكنهــا

يسقــي وطــن منتوقة العنق ياسعود
مالي وطــن بالعــارض الا وطـنهــا

قلبي غدا واستيســره ليــن العــود
محد يفـــك القلب ياسعــود منهــا

ساطي وفــي كفه جــديحــه وبارود
وادخل يــده بيــن الضلــوع ودفنها

بيني وبينه وصل واسرار وعهود
مصيــونة ماتــدري الناس عنها

في كل عــام يــزود حبه بعد زود
اقفى بروحي والتوى في رسنها

امــوت بين الخــد وعيونه السود
وحـــواجب ربـــي بملحه قــرنها

[سالم الظفيري]

أمس العصر شفتك على بوابة الماضي المجيد

ترسم مــلامــح فــوضــوية شـاعـــر وروح وبــدن!

وحـدك وفيك من الثلاث اللــي تمنــاهــا السعيــد

المــاء والخضــره وثالثهــا انت يا الــوجــه الحـسن

لو قلت لك مشتــاق لك ما جبت لـي شــيءٍ جديد

ولو قلت لك ما اشتقت لك ( كل المشاعر ذي لمن؟)

بغـــداد لــو تنكــر مــلامـــح وجـــه هــارون الرشيد

في وجههــا باقــي مــن اثاره ميــة قصــر وحـصن

[سالم الظفيري]

هب البراد وزان صــف المعــاميل
جو ينــومسنــي علي قول الابيات

النـــار والــداله مــع بــن والهيــل
تشقي غليل اللي خذتــه الدومــات

اطرب ليا جتنـــي علــوم الرياجيل
سؤالف أهل الصيد وروحه وجيات