قصيدة الشاعر / فيصل بن طواله بشاعر المليون
التناكر بين خلق الله بدا
صار هذا تقل مايعرف هذاك
الفتن خلت رفاقتنا عدى
والوجيه البيض تطعن في قفاك
استمع صوتي ولابيلك صدى
ذاخرن ياذيب للمرقب عواك
بح صوت العقل من طول الندى
المسا المحسوس واستخدم ذكاك
فرصة التغيير لا تذهب سدى
قبل تبدا خطوتين إرجع وراك
طيبتك مع بعض خلق الله ردى
لا تواضع وأسفل العالم رقاك
الحقيقة زيف والمصلح غدى
والنصيحة أوشكت تصبح هلاك
لا تقول إن مالي ومالك جدى
ياعزيز النفس ماينفع غناك
وش عشاك وأنت ماتلقى غدا
لا تقول إن الغداء تالي عشاك
أدري إن العافية ثوب ورداء
لكن الخوف المرض إليا اعتراك
للطموح إن مات واحدنا فدا
البلاء لا عشت ماحيـ(ن) رجاك
للعطش غيمة وللوردة ندى
والوسيلة قد تبرر مبتغاك
إنحلال المجتمع ماله مدى
ناظر أصحابك قبل تنظر عداك
الفساد بدورنا قام يحدى
أضعف الإيمان تسأل وش بلاك
النبي ( صلى الله عليه وسلم ) بدّل ضلالتنا هدى
بس مايقدر إذا ما الله هداك
رد مع اقتباس
المفضلات