الشاعر فايز غدير سيف الحسيني الشمري
قال الذي ياقال قولا يقديه ++ يازن مقاله خايفاً قول قايل
القاف ماياقف وتقفل معانيه ++ قاف القوافي من حشاه امتهايل
فوق الورق من نقوة الفكر ناقيه ++ يقطف قوافي خاطره بالمثايل
بالباركر يكتب ورتب قـــــــو افيه ++ يختار جزل القاف واهمل هذايل
مد القريحه جوهر الفكر يمليه ++ انتاج جاشه يوم حاشه غلايل
همه نشاْ باْقصى الحشاْ باح خافيه ++ ءانباح سده حده الهم عايل
كود القلم ياضاق صدره يسليه ++ يعطيه مايمليه فكر ومثايل
سار القلم بمسطر الطرس صافيه ++ يزج زاجه بالحروف العدايل
الله على اللي عايزات ميازيه ++ فزاز نزاز يعوق المسـايل
توه يمرن من وكيله تمشــــيه ++ اخر موديل الجيب عدل الوهايل
فكس أرلندكروز تبعد محـــاريه ++ شهر ظهر صيته على كل طايل
جديد مافك المهندس براغيه ++ ولا دخل الورشه بترسه عطايل
يادست له قامت تقادح بواجيه ++ يسهم كمابرق شعق من مخايل
ياسا يقه بالله خطي توديـــــه ++ مع التحيه من شخاليل حايـــــــل
دوك الكتاب اللي من الراس صافيه ++ لبو فهد منصاك دوك الرسايل
لبوفهد طير السعد عز ناصيه ++ حراّ يحوش المرجله والنفايل
ياشعراّ نفرح ونفخر بطــــاريه ++ بيطار في نظم المثل والمثايل
يامسندي هماّ بقلبي لجا فيه ++ اودع معاليق الضماير نحايـــل
اسباب غطرف ذبحني تغليه ++ ريم ربى في مزهرات الخمايل
أسر عسر قلبي ينفذ مباديه ++ طوى نوى حكمه بقلبي هوايل
حبه رسى وأرسى بقلبي مراسيه ++ لجا لجا حبه بعوج المحايل
وفا صفا صافي بحبه مصافيه ++ ماطاع باع أهل الحسد والنقايل
مالي بغيره شف ماني بباغيه ++ هي غايتي من ناقضات الجدايل
أقفى وكثرة في ضميري بلاويه ++ من غيبته والعين تهمل همايل
أقفىوقف حظي ظروفه تناحيه ++ له مدت مادز يمي رسايـــــــل
ماني بميس منه وماني براجيه ++ سهل صعب وشلون حل المسايل
ولك التحيه خص في نص تاليه ++ ياشوق غض العود ضافي الجدايل
رد مع اقتباس
المفضلات