يانوف

[جمران]

للشاعر/ ناصر بن سعدي الرمالي

يرد على نوف يوم أرسلت تسأل عن منصور الله يرحمه وهي ماكانت تدري عن وفاته

يانـوف هـذا الخـط كـلـه قريـنـاه

ولا للرسايـل يمـي اليـوم داعـي،،،

يانـوف منصـور مـات وحنـا دفنـاه

خوذي شهـاده مـن وفاتـه وراعـي،

يانـوف محبوبـك غـدة فيـه دنـيـاة

ولاعاد باقـي غيـر كلمـه وداعـي،،،

اقفى وكم مـن دمـع عيـن(ن) نثرنـاه

راح وتركنـا بيـن نايـح وناعـي،،،

لوتنفـدى روحـه بـروحـي فديـنـاه

لـو تنشـرى لجلـه حياتـي تبـاعـي

لاشـك هـذا المـوت حنـا عرفـنـاه

ومـن ياخـذه يانـوف مالـه رجاعـي

ولاباقـي الا الجـرح تدميـه ذكــراه

وصوره مع الذكرى له الأصل ضاعي،،،

لاوالله الا الـنـوم بـعـده فـقـدنـاه

والقلـب مـن بعـد السلامـه ضياعـي

وليـا بغيـت ارقـد خيـالـه رأيـنـاه

ويطيـر نـوم العيـن واقـوم واعـي،،

واليـوم يابنـت الوفـاء سـم ذقـنـاه

ويزود مع زايـد عنـااااك اللتياعـي،،

واللـي بقلـبـك ياحزيـنـه عرفـنـاه

مبـداك وصـل الحب،،،لا،،للخداعـي

الموت حـق وغصـب حنـا رضينـاه

ولاينفع الذيب العواء حيـن جاعـي،،،

الله يعينـك ذوقـي الـلـي شربـنـاه

يانوف جزلات المصايـب جياعـي،،،

[راعي الوقيد]

صح لسانك ولسان الشاعر

لك التحية

[سالم الظفيري]

صح لسانك ونقلك وذوقك


وصح لسان الشاعر

قصيدة جميلة رقم الحزن

الله يبعد الحزن عن الجميع


تسلم وتدوم اخوي جمران

لك تحياتي

[جمران]

صح لسانك ولسان الشاعر

لك التحية

وصح بدنك ومرورك يالغالي

[جمران]

صح لسانك ونقلك وذوقك


وصح لسان الشاعر

قصيدة جميلة رقم الحزن

الله يبعد الحزن عن الجميع


تسلم وتدوم اخوي جمران

لك تحياتي

لاخلى ولا عدم يالظفيري

تشرفت بمرورك

[عبدالله الجعيثن]

لاهنت جمران



ابيات جزله



والله يرحم الشاعر منصور الرمالي

[الشبث]

الله يرحم الشاعر منصور سعدي الرمالي




لاهنت جمران



وتقلد تحيتي

[شموخ شمالية]

.
.
.


رحم الله منصور الرمالي

وصح لسان الشاعر وصح نقلك أخوي جمران

[جمران]

لاهنت جمران



ابيات جزله



والله يرحم الشاعر منصور الرمالي

ولاتهون يالغلا

شاكر لك مرورك وتواجدك

[جمران]

الله يرحم الشاعر منصور سعدي الرمالي




لاهنت جمران



وتقلد تحيتي

تواجدك اضافه وتميز للموضوع

لاخلى ولاعدم يالغالي