شسولف لك وانتا سالفتي
مدخل //
انظر فوق
بسنتن من السنين
كنت توي شارين سياره
ورحت لرفحاء تمشيت
ومشيت من رفحاء الصبح راجع للرياض
لحااالي وحداني
وامر الحفر
ومطب
يوم وصلت لكبري القاعده واشوف ثلاثه يشرون على الطريق
قلت حلووو
لقيت خويا
ابيهم يونسوني بالطريق
وانا اوقف
ويجيني حديهم
قال فين راااايح
قلت قدام
قال نحنا نبغى الرياض
قلت اوووف
عز الطلب ياخي
انا رايح للرياض
قال طيب بكم توصلنا
قلت بلاش ابي بس خوة الرجال << مسوي مرجله
قال خلاص هذولا يبون يروحون معك
قلت وانت ؟
قال لا انا ماني رايح
قلت يعني مسوي فيها متحدث رسمي اخس يالربيعان
خلهم يرتسبون بس
ويخمون بعض
ويتوادعووون
وهذا يخم هذا
والثالث يبتسي
وانا افتح الباب
قلت ياخوي انت وياه حسستوني انه الحلقه الاخيره
اخلصوا علي لا امشي واخليكم
ويرتسبون كلهم ورا
قلت هيه
يالله حديكم قدامم
سواق عندكن انا
ويرتسب حديهم قدام
وادعس
واتحرى الخويا يسولفون
اتحراهم يسولفون
ماااش
قلت خلن ابداء << ما يقدر يسكت
قلت من وين الاخوان
قال اللي بجنبي ام جيزان
قلت اهااا افهم من كلامك انكم منتم بنفس جيزان
قال هبلك فشله مين قال
قلت انت تقول من ام جيزان يعني مهي جيزان
قال لا ياخي هي جيزان بس نحنا نقول لها كذا
قلت حلوووو
ونوقف عند محطه وينزلون الخويا للبقاله
قلت ماله داعي اروح للبقاله
ابي احاسب للبانزين قبل يسبقوني
ويجون ومعهم باغه به غرضان
ونمشي
وهو يطلع اللي ورا ببسي من الباغه قال محمممممد
يعني خويوه
ويعطيه الببسي
ويطلع لوزين
قال محمممممد
ويعطيه اللوزين
ويطلع ماء
قال محمممممد
ويعطيه الماء
وانا كل ما قال محمممد التفت وامد يدي احسبوه يعنيني
اثريهم جايبين اثنين ببسي
واثنين ماء
واثنين لوزين
جحدوني
يوم هقيت اننا ابعدنا عن المحطه
قلت ياخي انتم عليكم اسلوب مدري شلون
قال اللي بجنبي ايش
قلت هالحين نازلين للبقاله وتجيبون لكم وساحبين على خويكم
اللي هو انا يا حيوانات
قال حديهم والله ما نحسبك تبغى شي
وقف عند البقاله الجايه
قلت جايك العلم اني اطرك يا كمخه
قال والله تلبق عند البقاله الجايه
قلت اسكت لا اقلب بكم هالحين
ونشوف محطه بعيده
قال هذييييك بقاله وقف عنده
وانا التفت لوه
قلت شكلك تحسبن مستهلتس ياعلك تموت << فهمن غلط
ونقرب اكثر للمحطه
قال وووووقف
قلت انطم
قال علي بالطلاق توقف
قلت انت متزوج
قال ياوا << يعني ايه
قلت تحب زوجتك
قال ياوا
قلت يؤسفني انكم تفارقون بهالطريقه هذي
قلت اييييش << مطير عيونوه
قلت طلقت مرتك يا خيبان خل هياطك ينفعك
قلت لاااا يا محممممممممد وققققف المره راااحت
وهو يذبحن الضحك
واوقف على الخط شوي علشان حلفوه وامشي
قلت اسمع ولا نفسي لا تقبس هوشه هالحين
يوم قربنا لمدخل الرياض
الساعه حول 2 الظهر وحر مووت
وهو يحط يدوه على المكيف ولا باااااارد
قال ياخي اللي اخترع مكيفك هذا شكلو مات
قلت ليه
قال اخترع مكيفك ومات ما اخترع مثلوو << اهب يا وجهوه
قلت قل ما شاء الله
الله يجيركم وهو يعيي
يوم دخلت الرياض
وهو يقلب الميكف حااار
وانا اسفط على جنب
قلت حول انت وياه
قال ياخي حرام عليك وصلنا للبطحا
قلت حرمت عليك عيشتك انت وياه اندزلع لابارك الله فيكم
وهم ينزلون ويمشون على الرصيف
ولا الاخ اللي بجنبي مخلين ببسيه معي
وانا امشي
يوم وازنتهم وانا امغطوه بالببسي بالغارب
وللبيت
وتقلدوا تحيتي
المفضلات