{ صـدق المشاعـر }>>>
[poet font="Tahoma,10,white,normal,normal" bkcolor="orangered" bkimage="http://www.shammar.org/vb//backgrounds/....gif" border="ridge,10,darkred" type=0 line=200% align=center use=ex char="" num="0,black"]
(صدق.المشاعر)
دام القصيد أشتات والحرف مطعون =كيف أجمعه وانظم عقود القوافي
كيف أطرح هْمومي وانا كلي شجون = كيف اقسم احساسي ولاهوب كافي
كيف أضرب دْفوفي وغني لك لْحون = ونا اشتكي من طول ليل التجافي
كل ماحسب حْسابي معك صرت مديون = دمعي يساوي في الغرام إعترافي
حبيبتي مدري بدونك وش آكون= أسأل وابي من حضرتك ردّ شافي
لا لاتقولي لي الهوى سر مكنون= من أجل ليلى قيس مر الفيافي
واصبح يلقب عقب حبه بمجنون= لانه عشقها وحبها حب صافي
لو مانبي العذال بالحب يدرون= بعيوننا صدق المشاعر يشافي
معذور لي من صرت عاشقiiومفتون= ولقيت بعيونك لسفني مرافي
لاني أحبك حيل واهواك بجنون= ومقدر أعبر عن شعوري بقافي
قلبي بحبك دايم الدوم مسكون= لا تسهري لا تقلقي لا تخافي
نامي وخلي للسهر ليل وجفون= وتْأكدي باني معك دوم وافي
أقسم يمين الله ماخون ماخون = لو ينسكب دم الغدر في طرافي
قبلي كتب شعر الغزل إبن لعبون= ومحمد القاضي وصقرالنصافي
وانا كتبته فيك والسبة عْيون = صحّت في الهاجس وهوكان غافي
أقصد عيونك ما دري كيف وش لون = لي سلهمت تسحر بكم من سنافي
***********************
أخوكم.ومحبكم./.بن.ماضي
[/poet]
رد مع اقتباس
المفضلات