حصة تعبير الفلة

[ابو فارس]

ماشفتها..لا..شفتها لكن بلمحة خاطفة
...............................فز الخفوق وخابره لفز يعني شفتها


بتقول لي ليه اردده
اقول لك
لان هذا البيت اكتشف بلوتوث الروح
قبل مايكتشفون بلوتوث الجوال






اقول حنا بالفلة وش دخل السوالف هذه
نرجع لمحور حديثنا

وان جمران شخصن يتعبون ماضيقوا صدره


اللي بعدي

تكلم عن الكبسة

[بالمختصر..]

.




الكبسه ..

اليوم سويت الغدا بس ما سويت كبسه كالعاده ، سويت مقلوبه تجنن << مداح نفسه

و أكره شي عندي لا سويت الكبسه تقطيع البصل ..

و أحلى شي إذا كبست الرز و طلع بخآآآآر ..

و أدري إني فاشله بالتعبير

،

يالله اللي بعدي يكتب تعبير عن ( بالمختصر.. )




.
.

[شموخ شمالية]

بالمختصر
هي بالمختصر المفيد حبوبه ..تحب الدراسة حيل وخاصةٍ مادة الانقلش أكره مادة عند شموخ
مو لانه مهي زينه شينه لانها صعبة واللي صعبها ابلا منيفة الله يذكرها بالخير
نرجع لـ بالمختصر من غلاها ودك تخليها ماء لان الماء مهم بالحياة ومالنا غناء عنه
تحب الاتكيت بس انها باردة ماتجي للاسري كثير ودّك تمغطه باند على برودته
بس لاأعطينه باند راح نفقده وحنا مانصبر عنه لاني زي ماقلت هي زي الماء مانصبر عنه



بعد هالتعبير اعطونن وسام لان أكسل بنت بـ مادة التعبير هي انا طوّل الله عمري




اللي بعدي يعبّر عن حايل

[ملامح شمري]

حايـل
هي ديرة تتكون من اربع حروف و فيها شجر و ماء و تراب و سماء
وايضا فيها رصيف و سيارات تمشي بالطريق و معارض سيارات فيها
سيارات للبيع و فيها بعد ناس و الناس ينفسمون فيها لقسمين
حريم و رجال والرجال ينقسمون لعدة اقسام
شيبان, وغدان و شباب و الحريم مثلهم بعد
, شيبانات , وغدانات و شبابات
اللي بعدي
عبر عن اطول سفرة لك برحلة بالخطوط الجوية السعودية

[جمران]

ودي ارد واعبر لكن

الذين يشاهدون الموضوع الآن: 4 (2 من الأعضاء و 2 زائر)

• جمران
• ريال الفسحه

ريالوه لك الى مايك يقطر سعاااابيل

[ريال الفسحه]

اطول رحله على متن الخطوط الجويه السعوديه


في يوم من الايام حجزت على رحله من الدمام الى حايل وعندما اقلعت الرحله
وساعه وساعتين وعشر ساعات ياتهيا نوصل ولله ماحولك ديره واروح لغرفة القياده لياهذا
السواق بثوب وشماغ ومتلطم وزقارتوه بيدوه هههههههههههههههه
واجي وامسك السواق مع غاربوه وقلت ياخي حنا حاجزين على حايل والا على فرنسا ؟

وهو يلتفت علي يمار هذا الشبث هههههههههههههه

قال ماعليه يابوالشباب فيه طريق مختصر ادلوه شوي وحنا واصلين خخخخخخ مسوي ذيب هو ووجهوه

يبي ينكبنا هالخبل هههههههههههههههههههه

والتفت لمعاون الطيار يمار هذا اللي لابسن وزره وشماغوه وعندوه شيشه يمار هذا ابوغازي خخخخخخخخ

ويوم خذينا العلوم وتعللنا سوا اثري الخبل الشبث اندمج بالتعاليل ودلا يهذر وترك ردقسون الطياره
اثريه راحة بوجهه يم ايران

وهم يرمون الطياره وهي وهي تنفجر وهم يموتون الركاب ولابقى الا حنا وحنا نطيح بالبحر
الشبث طبعا كالعاده سقطة رضمه بوجهوه للقاع حق البحر وسبحان الله اول ماوقع نبت لوه
ذيل وطلع لوه خياشيم وصار سمكه وليومكم هذا وهو بالبحر يقولون انوه صار سمكه انثى
وهالايم تراوه مخطوب
اما ابوغازي طبعا طفح ( من كرشوه ) ويقولون عاش بايران وخذالوه ايرانيه ويشتغل حاليا
خباز خخخخخخخخ

اما انا فيقولون كلاني قرش ومت



هاه ملامح الرحله طويله والا ؟!

[ريال الفسحه]

شكرا جمران


اللي بعدي التعبير عن اعواد الاسنان

[قـــوت]

اعواد الاسنان


واحدها عود اسنان اللي هو لقب اخونا الجثري اللي كان مشرف الرياضي وعقب تقاعد واهم شي انه ترقى ترقيه ماقسه ماودك تجري على صديدز

وهو عويد طول الصبع وشطير من الجهتين

وكان الاولين يستخدمون عويد رمثه لتنقيش الاسنان




اللي عقبي

عبر عن شركة الاتصالات السعوديه

[ام الرغفان]

stc
شبكه هاتفيه عندما تريد ان تقرقر ع راس احد تمسك جوالك وتدق
اذا مسكت الابراج عندك دقيت وادا مامسكت وهذا الاكيد قمت تسب الاولي والتالي
بس السراحه انهم احسن من غيرهم <<فيه كمين هنا اتحدا احد يكتشفوه


اللي بعدي عن التخطيط الاستراتيجي والتنظيمي المحوري لقومه الصبح للدوام

[ابو ضاري]

قومه الصبح هذه سالفه

قومه الصبح تعتمد على الفصول اذا كان صيف تختلف واذا كان شتاء تختلف

ترن الساعه رنه براسك وتخبطه وترن الثانيه بمخك وتسكره وتقوم تفكر اقوم مااقول خمس دقايق

النومه بالشتاء منا زينه متلهمد بالبطانيه ماتبي تقوم


لين تجي امك وتصب على راسك ماء هذا اذا كنت نوم دب يعني ماتاعي بساع



اخرته يالله تلحق الدوام




اللي بعدي حصه عن التعدد

<<<<<يسوي دعايا علشان عمووو ابو يوسف يعطينن من المشروع 5%